文輝墨魚丸大王 (已結業)

之前食過銅灣灣文輝, D粉好滑料又夠多. 前幾日去中環見到又走入去食下. 點知有D失望照舊叫左個墨三鮮河粉加腐乳通菜. D伙記都係熟練咁好快將食物送到我枱上. 但一食落去就感覺麻麻地. D粉食落好易散, 感覺上好"粉", 唔似平時個D咁滑同埋唔會夾斷. 似係一早煮好然後放係個碗裏面加湯咁. 可幸係墨魚丸, 太子墨, 墨魚So 都保持到水準, 有鮮味又夠彈口.而個通菜就太多水, D腐乳汁都唔夠濃. 不過通菜本身都尚算新鮮.其實今餐算係不過不失, 但相比起銅鑼灣間文輝就有D失望. 希望下次去食可以有改善啦!

超左預期嘅大碗兼好味三寶有墨魚丸 墨魚仔同大墨魚 每一樣都啖啖肉，不過墨魚丸就一般彈牙，都好有墨魚味嘅！雖然我食量係少咗D 但呢份真系差點食唔晒😋圖二係己經食咗1/3后影嘅

今日咁啱兩個飯腳都冇帶飯,大家都想食平啲就去左食文輝,我地一點去到唔駛點等就有3個位比我地。我叫左炸魚蛋片頭米線,佢地就分別叫左墨魚丸魚片米同炸魚蛋墨魚丸河, 因為加紫菜都係加兩蚊就大家都加。呢度出名食墨丸, 係真係有墨魚既鮮味, 唔會好似出面嗰啲好似食緊麵粉咁, 好味呀! 炸魚蛋好好食, 真係即叫即炸, 送到既時候仲係熱辣辣,脆卜卜的, 好有口感, 因為之前試過叫淨炸魚蛋米線, 一碗有成8粒, 好似有啲漏, 所以今次改食雙拼, 魚片頭都唔錯, 唔會好咸。值得一提既係佢既湯底清得黎又有陣胡椒味, 但係又唔會太搶, 味道剛剛好。最後每人36蚊, 係中環黎講都算平嫁啦, 仲要食得飽呢, 除左迫啲同埋啲侍應阿叔會趕人食完就走之外, 呢度會係唔錯既選擇。

我同朋友諗住食少少野，然後去番威靈頓街的Red Mango食froyo，所以就黎左呢間食粉麵。我都有差唔多1年冇去過食文輝，我之前都係去銅鑼灣果間，今次就第一次去中環呢間。係門口見全日18蚊一碗粉麵，平平地，係中環區實在難得，又o岩晒我地要細食。我就揀左魚條、魚餅粗麵，魚條同魚餅都係似凍肉舖食開果種，幸好雪藏味唔算濃，少許彈牙，反而我最欣賞都係D粗麵，食落都幾爽口同彈牙，實在太miss D粗麵。而朋友就揀左魚蛋、魚片幼麵，朋友就話魚蛋、魚片咬落冇乜特別，少許彈牙，幼麵都幾爽口，OK!我地跟住去食froyo啦~

港式／港式潮式粉麵是一個在想吃得清清地又有些熱食落肚的日子的好選擇。就像這夜，就到了文輝吃碗粉。文輝銅鑼灣店去得多，但這家中環店倒是第一次光顧。地方光猛和整潔。平日的晚上人客不多，除了我外，只有另外幾個7、8個客人，很靜。點了魚片頭米和油菜。一吃魚片頭，便吃出油'益'味，也很'un'，不好吃。米粉不過不失。而油菜要了芥蘭全走，但吃下去沒有菜的鮮甜味，很一般。這餐水準確令人失望，試一次便夠了。

中環平平地的粉面選擇 嗰晚放工都好夜, 自己一個都係搵間粉面快食, 之後返屋企早D訓好過黎左呢間食, 叫左個墨丸四宝河, 加個通菜同魚皮……墨丸河都OK既, 咪普通墨丸咁囉…….反而個魚皮OK喎, 不過份量少左D啦都係平平地快食既選擇LAW…..

之前，我經過威靈頓街，見到呢間新 <文輝墨魚丸大王> ，店內有個牌寫住竹撻粉！好啦！搵日嚟試吓！ 咁啱我父母去大陸玩 3 日，即係無飯開！放工走嚟幫襯！未入門口，有個牌寫住 $16 平到笑！ 只限平日 2:00 之後及星期六、日、公眾假期。腐皮春卷 & 香蔥餅河粉 $16腐皮春卷：混入蔥粒及紅蘿蔔粒，質感腍而粉！ 香蔥餅：好似炸魚片加蔥粒，即叫即煎！熱辣辣好香口！並非想像中彈牙！有點硬實！河粉：雖然係竹撻粉，唔係坊間半透明又滑身果隻河粉，屬於普通貨色。食落算滑！ 比較上環文輝嘅河粉好啲，起碼唔會夾兩夾就斷哂！湯底：味道夠清！潮式風味！ 6:00 ~ 6:30 時段，較為少食客！ 包括我在內，只有 4 個客！就算 $16 平到笑！似乎吸引力不大！期間，我聽到個潮州人女收銀同個男店員以潮州話講，個個都食十幾$。佢哋以為我聽唔明！平係平！但未至於俾笑面！

7 月 23 日 (酷熱)中區威靈頓街及行人電梯交界一帶，是食肆必爭之地，麥奀記、沾仔記、筷子記、芽莊、Pho Tai、蛇王芬、餃子緣、華豐等食店林立。最近連號稱墨魚丸大王的文輝都來分一杯羹。店子就在麥奀斜對面，隔沾仔記幾個舖位，不難找。這天週六 4:00 pm 左右經過，見門口大個招牌寫著「平到笑」的下午茶粉麵，反正約了人 7:30 pm 晚飯，肚子有 quota，便進店試試店內只得一枱客，生意不易做喲，難怪要以低价先吸引人客，推廣一下。下午茶賣 $16 一碗粉、米粉或麵，可從片頭、扎肉條、炸魚旦、魚肉春卷等任擇双拼，另加 $5 有豆槳 or 其他飲品，算抵食。我們分別点了份量不少，但湯頭偏淡，質素普通，以此價錢，個人會選擇沾仔記的牛肉麵，但沾仔選擇少，文輝則有很多其他小食、粉麵、什至蒸飯供應，希望能以 varieties 跟沾仔鬭、以價錢與麥奀爭。但如不在質素再加把勁，在此競爭劇烈的威靈頓街，想單以价爭勝，前路不易走啊！地点對我十分方便，會 encore，再看是否有進步，努力吧！