文記車仔麵 (已易手) 新餐厅

到官塘覓食，看到懷舊裝修的車仔麵和朋友各自點了三餸米線魚肉春卷、蘿蔔、魚蛋加香辣汁，魚蛋彈牙、蘿蔔軟林，春卷則一般般蘿蔔、魚蛋、牛腩米線加辣汁，牛腩意外地好吃兩碗米線份量足，十分飽肚，辣汁香口。

原來觀塘開左都文記，唔知同深水埗個間係咪同一間呢？平時唔覺有呢間野，今日黎，完全係因為隔離幾間餐廳都超級多人，逼住要周圍睇下有無其他野食，車仔麵都好多人，但勝在快靚正。人多，唔方便影太多店內既相，呢度既裝修明顯落過一番心思，充滿懷舊既格調。至於坐位，都係d木枱木櫈，食得車仔麵，不寄望會坐得舒服。牛腩、蘿蔔、牛丸米粉包飲品:$43午餐時間價錢係睇你揀幾多個餸，唔會話揀某d餸就貴d。至於湯底，一個車仔麵既靈魂，我覺得做得好好，腩汁底加辣汁，我只敢叫小辣，但都辣得好過癮，米粉索左d湯，好好食。蘿蔔無渣夠清甜，牛丸普通可以，牛腩望落好瘦，但其實好淋好入味。呢度價錢略貴，但都會encore!

今日lunch抽起條筋想食牛筋，想起公司附近有間文記車仔麵，去買個外賣返去一邊食一邊繼續努力工作啦。在門外等拎外賣果時，職員主動叫我入去坐低等，感覺都幾貼心。店內是懷舊風裝修，座位之間都算寬闊。唔算太肚餓，所以只叫左三餸一麵。牛筋、花菇、菜芯，配銀針粉，好少車仔麵舖有銀針粉選擇。拎完外賣行返去公司大約5分鐘左右，打開已經見冇乜湯啦。加左個麻辣汁，撈混之後味道都是偏淡，冇乜辣味。至於餸方面，花菇有6隻咁多，燜得都算入味；牛筋也燜得夠淋，入口煙韌；菜芯都幾甜，不過就好似索左好多油咁。餐配熱檸水，都有三塊厚切檸檬。中規中矩的車仔麵店，價格在觀塘來説亦算合理。

中午要搞掂五臟，對我官塘友來說，只要在官塘，什麽也不慌， 路過一家 文記車仔麵， 入來一試果然不負眾望，令我懷念觀塘從前銀都戲院對面文記車仔麵 ，所以叫夥記一問，果然是同一家，確實令人懷念的沙嗲魷魚 各種菜色都有超水準表現 吃完十分高興， 我一定會再來的