文華雞飯(新加坡)

营业中

休息中

夜晚肚餓喺大角咀搵食，見到呢間貼好多同明星合照既相，一於入去試吓。一共叫左兩個海南雞飯同一個砂礓雞腳小食。先講海南雞飯醬汁自己任落，海南雞正正常常冇乜雞味，佢全靠啲醬汁同個油飯令到整體感覺好食。但係重點，雞份量好少，主要靠下面嘅青瓜墊底，雞切得又薄又細，真係食完都唔覺食左，仲要賣$68一個飯，重點仲要有加一服務費。個人覺得唔值。仲有個小食$28砂礓雞腳價錢雖然平，但質素好一般，啲雞腳蚊到好淋，雖然入味，但口感唔好。整體而言，食過一次唔會再食。個人認為間餐廳裝修又舊衛生一般，唔明點解仲要收加一服務費。埋單兩位$180，但兩個都覺得唔夠飽。

暫時我吃過最好吃的海南雞飯！大角咀一個不算就腳的地方所以好難得先可以去一趟坐低10秒便可以落單「一份燒雞、要肉骨茶」$92「一份白雞、轉脾、熱奶茶」$92然後5分鐘內食物便能端上甚少海南雞飯可以跟燒雞而且咸香嫩滑肉骨茶有豆卜豬骨、用料豐富油飯甘香盡顯雞油美味可惜，一段時間沒吃就已經加價了不過我仍會繼續拜訪在未找到另一間美味之前！#hkeats #instafood #igfoodie #foodies #enjoyyourlife #foodie #drinkandthink #hkgal #hongkongfoodie #hongkongfoodblogger #hkfoodblogger #foodporn #instagram #followme #instatag #foodlover #852foodies #打卡 #香港打卡

<海南雞飯>無諗過屋企附近有間咁好食嘅海南雞飯💋油飯油飯係亮點，做得又夠乾身，又夠香口，又無味精。以後可以外賣淨飯😍肉骨茶原本諗住星加坡口味，以為無咩藥材味。一飲，勁足料，勁香藥材味，個湯好濃好香。

咁岩去開大角咀探朋友, 搵到呢間食雞飯嘅餐廳! 餐廳有兩款招牌雞飯, 今次都有叫到, 白雞飯套餐同埋燒雞飯套餐, 價錢都係一樣, $86, 包左有一碟雞, 一碟菜, 一碗油飯同肉骨茶/飲品! 都幾多野食~~野食好快就送上, 雞件份量都唔少, 每碟都有9-10件左右, 而且好嫩滑, 仲可以啖啖肉! 配上店家醬汁同豉油, 勁惹味! 而燒雞就再多一份焦香味, 不過D皮並唔係脆身, 感覺有少少奇怪🤣肉骨茶好好飲, 胡椒味濃, 飲到有藥材味, 但又唔算話好重藥材味, 相對易入口, 配料有菇同埋豆卜添! 油飯好香, 而且米飯粒粒分明, 食落唔會覺得油膩,唔錯! 仲有菜心一大碟, 份量好夠!!

山長水遠由尖沙咀坐車到大角咀港鐵站，再行十分鐘，終於到了大家食完也讚的海南雞飯。我們晚上8點到餐廳，不用等位，一坐下朋友就點了一個海南雞雙併套餐（白切雞+油雞），套餐包括雙併雞、油菜、油飯、餐飲/肉骨茶，我點了叉燒套餐，都是包油菜、油飯加$3、餐飲或肉骨茶。白切雞+油雞十分嫩滑，油飯味道適中，肉骨茶十分入味，藥材味不重，易入口。餐廳位置不太易找，需要多點時間找到，所以不用訂位都容易有位子食飯，下次可以再試。

有一日係social media 睇到有人介紹呢間餐廳，咁我就search 下外賣app，搵到喎，一於試下啦～我點左海南雞半隻，同埋細肉骨茶。個外賣袋都幾得意見Openrice 有咁多好評，又見social media 有人推介，話好食過文華酒店嘅海南雞。我未食過文華酒店嘅海南雞，所以比較唔到，但呢間餐廳嘅海南雞，我真係覺得無咩特別，好普通，連d醬汁都係好普通，可能我本身期望比較大。。。除左肉質都算嫩之外，真係談不上好好食海南雞下面有青瓜墊底。反而呢個肉骨茶有驚喜，有好濃嘅胡椒粉味，唔錯。如果你地咁岩經過呢間餐廳，都可以試下嘅。但如果要專登搭車黎食，咁就未必值得了。

朋友介紹 呢間真係有新加坡味道外賣包裝冇得頂 包到好實肉骨茶的包裝還有保鮮紙包住 唔會瀉到周圍係叫咗套餐 (雞飯,油菜,飲品)雞可以選擇炸雞或白雞飲品可以選擇細肉骨茶或者其他飲品平時出去食飯食得海南雞飯就食唔到肉骨茶叫呢個餐就可以滿足兩個慾望海南雞 好滑 份量唔算少底部有青瓜 清爽佢啲醬汁 好野味 撈埋落啲油飯到食 送飯一流佢啲油飯一粒粒米唔會太林唔會太硬味道好食肉骨茶 裏面啲肉 係豬軟骨 可以連骨一齊食埋湯底仲有啲菇 豆卜 好入味

走到入呢間小店感覺好似去左新加坡食街咁🤣 裝修簡單 款式都唔多😅 但係以真誠簡樸既味道取勝😋試完雞飯果然出色💕 直頭想飛一轉新加坡了✈️⭐️ 白雞+燒雞套餐 🍗三心兩意既我一次過叫曬兩種口味😜 我最鍾意白雞 白雞並不平凡🐔調味唔多但係食到濃既雞味 肉質唔柴好嫩滑😚一D都唔肥 係香港我試過最好食既既白切雞不誇張🏅️ 燒雞皮脆帶焦香🔥比較惹味 加上油飯可能鹹左DD🍚 套餐加上油菜🥗 仲可以轉一杯好足料既鹹檸七🍋 檸檬夠酸夠鹹👍🏻 好有街頭風味🥰⭐️ 肉骨茶套餐 🍖肉骨茶偏星馬風味既混合🤔 帶濃濃既藥材味 感覺好補💪🏻 同時亦富胡椒香 排骨唔肥🦴但係湯底偏小小鹹😅 撈飯食就Perfect

行開大角咀呢邊，突然好掛住新加坡嘅肉骨茶，就即刻去食啦！餐牌上面都有好多食物揀！嗌咗一個白雞飯套餐同一個燒雞飯套餐套餐有一碟雞，有菜，油飯同肉骨茶真係好夠飽 ，而且佢d份量都唔少 幾抵食無論係白雞定燒雞，都一樣係咁嫩滑，正！油飯好大碗，下次要嗌少飯呀！肉骨茶好足料，好夠味，好味！見到枱面有兩隻醬同豉油，立即倒小小出黎試下可以調起雞既鮮味！多左層次！唔錯！下次再掛住肉骨茶/或者想飲d湯水，我都一定會再黎呀！又正又抵食！

對上果次嚟食已經喺2020年，相隔咁耐試試水準保持如何😎 餐廳環境寬敞，座位非常多，間好晒隔板都坐得舒服，由於我哋到步都9點，餐廳只有幾枱客，一直陸續有客出入，主要街坊客比較多餐牌主打新加坡傳統食物：海南雞、肉骨茶、叉燒、喇沙，我當然揀返招牌海南雞海南起骨/燒雞（套餐+細肉骨茶+菜心）$86第一次試燒雞，起骨嘅雞啖啖肉，指定雞髀位仲可以加$5，雞份量正常，配上咸香粒粒分明嘅大碗油飯；雞皮燒得焦香，食落唔乾夠嫩滑，點返配雞專用嘅酸辣汁，非常惹味😋套餐仲包埋個細肉骨同油菜，細肉骨茶非常足料，兩件豆卜、兩條骨，強烈胡椒味掩蓋咗原本嘅藥材味，味道正宗，就算怕藥材湯嘅人都可以一試；最後加埋個油菜，男士食都夠晒飽😎海南起骨/白雞（碟頭飯）$63食量少嘅女士可以揀碟頭飯，招牌白雞肉質鮮嫩唔霉，伴上新鮮脆口青瓜片同肉茄片，淡口白雞我推薦配薑蓉，唔會搶晒雞嘅鮮味，送油飯一流另外加$15配咗熱薏米水，食完解膩又清熱牛油果汁🥑 $30超級大杯，濃厚幼滑口感，最特別之處喺依度用咗焦糖取代白糖，飲落有淡淡嘅焦糖香味，讚👍🏻總體嚟講，味道質素能夠保持一貫水準，價位雖然比坊間貴少少，但勝在質素喺返度，偏好新加坡傳統

喺大角嘴中匯街既《文華鷄飯》，一路都未有機會幫襯；一早聽聞係明星食堂，又校長，又呀發哥加持，難得今日心郁郁，帶埋好友去試試。黎《文華》，梗係食鷄飯喇！一上菜，嘩！個油飯真係香到冇得彈，最正就係食落吾油脷，好想再食多碗！鷄方面，今日我叫咗雙併 （白切同燒鷄），食落你話好大分別咩？尤其個燒雞，我本來預會脆既皮都係軟既，所以分別真係吾大；但兩款鷄都又滑又啖啖肉，食得好爽。點埋「杰撻撻」既鷄豉油，真係一啖肉配兩啖飯，美咪非常！朋友叫左餐，包左小份肉骨茶，佢話藥饍湯底十分濃，好！下次就試呢個！總結：七十蚊，好味！值！

-【尋找傳統風味海南雞飯🐔】海南雞飯你同我都食得多，究竟點先為之一碗好食嘅雞飯呢？雞的肉質，飯的油香，醬料的濃淡，每樣都互相影響！今日就帶大家嚟到大角咀食一碗正宗海南雞飯！·好多時喺出邊食嘅海南雞飯，因為預先煮好的關係，雞油會凝固變成啫喱狀，這是最不能接受的！但這個海南雞，肉質鮮嫩，彈牙，有入口即溶的感覺。其次，肉骨茶味道剛好，苦和甘二合為一，一口雞一啖茶，超級正！ 呢間海南雞飯，我比滿分💯 十級推薦！大家有機會一定要去試呀！🙈- 📍 文華雞飯（新加坡）地址：大角咀中匯街17號地下總結： 呢間餐廳食物選擇不多，但只吃海南雞也綽綽有餘吧，如果你不喜歡吃海南雞，也可以試試燒雞，味道也是十級讚🙈

幾個月前黎食過一次，今日難得同朋友經過大角咀，心思思又想回味一下😋今日晚餐時段黎食，都唔算好多人，即刻有得坐得。·🍚白雞飯套餐 (HKD 82)呢個套餐係非常豐富，有白雞、油飯、細肉骨茶及油菜，對於晚餐來講係絕對飽肚！雞肉已經起骨，肉質軟腍，但雞皮就厚少少。油飯帶有香茅味，調味剛剛好😋。本身自己都好鍾意飲肉骨茶，呢度嘅肉骨茶藥材香恰到好處，唔會濃到澀，好易入口👍🏼而且服務態度不錯，依然保持到水準！

黎過幾次 呢間係當想食海南雞飯同埋肉骨茶時 會諗起嘅餐廳其中一間 通常都係嗌海南雞飯肉骨茶set包一碟油菜雞幾滑 油飯夠味 最好味係個湯 但一定要趁熱飲 凍左就失色 點海南雞嘅醬有三款 其實唔點都已經好夠味試過叫牛油果沙冰 不過有d失望 冇乜牛油果味 偏甜 唔推介 同埋雖然食物係幾好食 不過每次食完都會好口渴 要飲好多水 同自己講下次都係唔好再去 但每當諗起佢個肉骨茶 有會不自覺地都係去左 跟著又不斷重覆又重覆😂

I grew up eating chicken rice, my favourite haunt was at the hawker centre along Margaret Drive. That’s my reference.Mandarin Chicken Rice (Singapore) is a 75% compared to the Margaret Drive one. To be fair, majority of people wouldn’t have tasted my reference.It’s definitely worth a visit.