影片
营业时间
今日营业
11:30 - 15:00
17:30 - 22:00
星期一至日
11:30 - 15:00
17:30 - 22:00
以上资料只供参考，请与餐厅确认详情
食家推介
招牌菜
中环🚇呢间文兴酒家源于伦敦🇬🇧开业多年著名嘅中餐馆，喺香港亦都已经开业多年🌟，入边装修布局雅致得体✨，出品高质价钱合理💰，亦系政商界嘅著名饭堂之一🥢。呢度除左好似一般酒楼有茗茶🫖之外，亦有多款果味梳打特饮🍹，同埋奶茶咖啡☕，啱晒唔同人士嘅喜好❤️。卤水猪仔脚🐷去咗大部分骨，啖啖肉充满骨胶原🤤，入口卤水香十足，🍖肉质软嫩Q弹。 烧味双拼🔥（蜜汁叉烧拼烧鸭🦆）绝对系呢度必食嘅✅。半肥瘦叉烧🐖超松软，有小小㶶边啱啱好👍，咬落 juicy 肉汁狂泻💦，超正呀！烧鸭佢哋特别选用被誉为🦆鸭子中的「和牛」，有「天下第一鸭」🏆之称嘅「爱尔兰银山鸭」👏，鸭肉好粉嫩而且肉厚多汁💧，个皮烧得好香脆😍而且唔会太肥，点小小🤏佢哋特制嘅甜豉油味道更加有层次✨！炖汤🥣用料十足好高质👍，肉香味同菇鲜味🍄互相辉映，汤色如茶但超浓郁😋，饮完成个人都好舒服😌。蟹黄脆虾球🦀一上枱充满视觉冲击，炸虾球🍤成个乒乓波🏓咁大，外脆内弹牙，面头铺满蟹黄酱🦀，咸鲜澎湃🌊，加上底层脆多士🍞吸尽精华，三层口感大满足呀💥！金银蒜鲜鱿蒸茄子🍆上咗枱都仲会一路♨️暖住好贴心❤️，超香浓嘅金银蒜🧄铺满喺鲜味爽脆嘅鱿鱼🦑同埋淋滑嘅茄子上边，茄子🍆吸尽蒜油香，送饭一流🍚。鲜茄鱼肚浸时蔬🥬嘅精髓就在于发到胀卜卜嘅鱼肚🥢索满清鲜鱼汤嘅🐟精华，加上上菇🍄、白菜仔🥬同埋鲜茄🍅，配搭好丰富✨。呢度嘅招牌炒饭🔥用料实在太过分🤯，一上枱面头铺满日式鲣鱼碎🐟都未感受到佢嘅威力💥，一舀起先发现佢入边劲多料🤩，花胶、鲜鱿鱼🦑、樱花虾、虾米🦐同埋香菇碎🍄等嘅海味共冶一炉🌊，𠮶种鲜味好似成条🤤海味街搬咗过嚟咁！加上饭粒炒得够干身🔥又超入味，用热辣辣瓦煲🍲上放耐左底部仲会有小小饭焦香😍，真系超正💯！
继续阅读
今晚屋企有啲事，唔能够早食饭，但系餐厅8:40 仲有位，我同屋企人就嚟咗呢度，坐低想快快脆嗌个6人餐。不过想落餐𠮶阵，个男侍应又嗌后面个阿姐（姓林）讲落单，阿姐又施施然先行埋嚟，然后话卖晒龙趸鱼个6人餐冇鱼卖，－系你转蚝，或者散嗌其他嘢啦。其实龙趸鱼（$699) 同蚝价钱 差唔多贵一倍，阿姐叫我哋转，佢紧系冇问题啦。我话如果例牌6只3百几，佢系要比返10只啦，佢话入去问厨房未必肯，人哋都收工啦，你散嗌其他嘢啦。（其实我唔明个逻辑，点解厨房收工同嗌我散叫其他嘢食会有关系）我问你哋last order 几点，佢话9pm, 我话依家都未够9点，佢话唔系咁计架，人哋厨房9点真系收炉，所以依家8点4 0几分，我哋真系唔应该接你order 架，我话咁样你哋点解唔落闸，仲比我哋入嚟？跟著阿姐话，问厨房其实系好麻烦架，又唔知厨房点。我话你入去问咗先得唔得？佢满眼不耐烦嘅眼神，然后入咗去。我真系唔明点解order 野食要咁辛苦咁劳气。结果我哋都系成功落咗单，不过呢个林性阿姐眼神充满怨气，佢望住我哋张枱，同佢隔离个（相对后生啲嘅）男侍应分享我哋呢枱嗌餐嘅麻烦嘢。我真系surprised 点解可以咁明目张胆咁样讲客是非。于是我叫呢个阿姐行埋嚟，我问佢叫乜嘢名，佢话佢姓林，有咩事，我话，无嘢，想睇吓佢嘅服务质素可以有几好。然后佢问我佢服务有咩问题，我话我只系想留意下啫，冇咩特别。隔咗10几分钟，9成食物都上晒枱，我再问个男侍应你哋几多点关门，佢就望都唔望我，边行边走话，我哋系收10点嘅。我明白个个人都想准时收工，个个人都怕麻烦，但系今时今日，香港食肆生意咁低迷，咁多餐厅酒楼执笠，香港呢啲侍应仲系咁唔争气，用呢啲态度鼓励顾客唔帮衬佢哋。我都好想个问下个老板点解可以咁。
继续阅读
大前日（6-6-2025 Fri）同老公谂买叉烧返屋企做𩠌，去边喥买？我记起多日前佢send咗一段关于呢间外卖嘅美食片段（https://www.facebook.com/share/v/1BdMVeekXX/），就上嚟睇吓，睇咗后，原来呢间竟然系喺英国开，反而2020年至喺香港开店，而且烧樱桃鸭系招牌菜，咁我话俾老公知，同问可唔可以两样都买。唔知佢喺边嚟问咗，话斩料外卖要喺中环店买，咁佢放工就嚟买啦，佢只买咗半只烧鸭，冇买叉烧，因为好贵，冇上／下庄同例牌。而我search到大埔店（https://www.openrice.com/zh/hongkong/r-%E6%96%87%E8%88%88%E9%85%92%E5%AE%B6-%E5%A4%A7%E5%9F%94-%E7%B2%B5%E8%8F%9C-%E5%BB%A3%E6%9D%B1-r692079）堂食有烧鸭叉烧双拼（ https://www.openrice.com/zh/hongkong/review/%E5%88%A5%E6%9C%89%E6%B4%9E%E5%A4%A9%E5%98%85%E4%B8%AD%E9%A4%90%E5%BB%B3-e5814222），佢答都冇。买完返嚟我睇睇，外卖袋好大个，但个盒系正常饭盒size，打开睇，份量好少，睇埋张单，连各$2.00嘅外卖盒同胶袋，盛惠$272.00，好贵呀！我哋开餐喇，先唔蘸佢嘅汁食，其实好普通，冇乜特别，蘸佢嘅汁食，当然会好味啲，食到个汁有酒味，咸咸甜甜咁，不过呢个系起晒骨，但我哋觉得有骨会好食啲，而原来二百几蚊系买鸭汁同去骨服务。或者佢喺香港其实好普通，但喺英国因为其他酒家做得唔好啩。抵食系1.5分其他：$2.00买个胶袋都算，帮佢做宣传都算，问题系，个袋唔系用魔术贴，而系用面胶纸黐，唔可以多次重覆使用，好唔环保。
继续阅读
此 Four Seasons 不同彼 Four Seasons呢间文兴酒家嘅招牌烧鸭被英国《金融时报》誉为世上最好食嘅烧鸭~ 真系估唔到英国嘅港式烧鸭竟然会红到反攻返香港 lol佢哋嘅烧鸭采用樱桃谷鸭，上台嘅时候去晒骨啖啖肉，皮超脆肉味香浓唔肥腻~ （建议搭配埋文兴同麦子联成嘅收工啤「万珠Sour 」 - 抢镜嘅芒果味同淡淡椰香🥭🥥酸香醒神）叉烧比较但瘦肉质都够柔软，蜜汁比较抢，十分香甜~乳猪够晒脆扑扑油香十足~整体啲烧味都几有水准~ Yummy~ 陈皮家乡蒸龙趸 - 龙趸皮胶质丰富，配上陈皮嘅清新香气，食落丰润而不腻疍家荷香蒸饭 个饭充满瑶柱同虫草花嘅鲜香仲有淡淡嘅荷叶香气不错吃，但最奇怪系个鱼肚系无味嘅？🤨好奇怪㖞点解唔系一齐蒸
继续阅读
今年团年饭决定唔再帮衬大洒楼，一于支持小店，但又去边间好呢？在Open Rice刷到一间叫"文兴洒家“，见到口碑唔错，为了确保餐团年饭食得开心，于是在订枱前试一试它的出品，餐厅是一间小型菜馆，虽然地方细细，但枱与枱也有距离，唔会太迫，今次试它的叉烧及几款点心，叉烧是厚切，真的好食，我点了鸡包仔，面粉发得好好，好松软，至于餐廰服务也很好，价钱好合理，这餐中午饭食得好愉快，所以即时决定今年团年饭就在文兴食
继续阅读