文興記

11pm搵野食，太安樓兜完一圈想坐低食，就入左呢間試，真係好有驚喜♥️員工細心服務超好！ 一坐低見到menu超多野食，都用咗d時間揀，湯飯、蒸飯小食、麵食、有餸飯…etc 2個人叫左：牛腩麵、貢丸麵、雞翼、凍檸茶x2一開始自己論盡撩咗幾粒冰同茶出枱面，侍應阿叔勁快手拎咗條毛巾過黎幫我抺，我地仲搵緊紙巾咋～ 另外，送果杯熱茶我飲曬以為佢收杯啦，點知立即默默幫我裝多一杯💗食雞翼果陣仲再遞上2隻細碗，話驚d麵湯彈濕我地！細心到爆🤩食完麵收碗果下見我食剩左d肥膏，主動話下次同佢地講可以安排番肥瘦都得🥰 #香港美食其中一個staff仲同我地傾左一陣計，好用心咁推介左幾樣野俾我地：咖哩牛腩、有果皮嘅炸鯪魚球、蒸鯇魚飯等等，係細緻地講埋點解推介，好feel到烹飪嘅用心同重視食客嘅意見2人埋單百零蚊，但俾d咁好咁主動嘅服務！真係好難忘！ 推介大家支持感動到我去寫第一次食評…查看更多

係西灣河來講呢間尚算係老字號！！呢度嘅鹹蛋蒸肉餅係幾好食對於外賣嘅方案 極度非常之不滿意好耐之前買鹹蛋蒸肉餅外賣已經發現冇豉油當時已經向店舖提出疑問。。。誰知今天家人幫我買，再次發現又係冇豉油鹹蛋蒸肉餅精髓就係豉油剩係得白飯乾噌噌點樣食到呢？真心嬲到打電話去投訴唔知係店員定係老闆竟然答我佢哋鹹蛋蒸肉餅係冇豉油，因為佢哋大部份嘅客人覺得好鹹唔需要額外加豉油不停向我解釋呢一個原因，完全係不能夠接受真心嬲到質問大部份嘅客人覺得唔需要落豉油，但唔代表小部份嘅客人唔需要落豉油佢好強調話佢哋唔係唔比豉油，但係必須要客人自己詢問才會比完全係唔合邏輯，假如我係一個新嘅客人，我唔知道原來鹹蛋蒸肉餅飯係唔會比豉油係咪次次返到去都要專登打電話俾舖頭然後再落去攞豉油呢？？完全係比麻煩比問題比客人真心最嬲嗰個男人完全唔覺得自己有問題連一句抱歉道歉都冇，請問這是什麼對客人應有嘅態度？連服務態度都沒有請問怎樣去經營一間公司？食物係好食，但係公司制度及員工嘅態度係好惡劣非常差仲要三番四次同我講埋啲冇建設嘅說話，唔知佢想點仲要我多次向佢提議，其實你哋店舖可以做多一樣點解唔可以主動問客人需唔需要額外加豉油呢？既然你係有提供豉油呢一個服務。唔通每次都要客人主動提問你先會去去做你可唔可以確保100%所有客人都知道你公司賣鹹蛋蒸肉餅飯係唔會配豉油嗎？請做出應有客戶服務態度吧。！完全係毫無邏輯要客人憤怒地提出要求才覺得自己有問題敷衍了事，答應話下次會主動問咁我就想睇下次會唔會客人唔使主動詢問你會主動講！！對呢一間舖頭嘅員工非常之不滿意大家記得去呢間食嘢要主動問有冇豉油如果唔係呢個店員會覺得你係有問題！！重點佢完全唔覺得自己有問題，仲冇主動叫我落嚟攞返個豉油？仲好意思叫我乾食？？非常差👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…查看更多

📍文興記2024年12月14日 小店位於筲箕灣太安樓地下A14號舖去到太安樓，諗住掃街，可能時間尚早，有啲店舖未營業，只好選擇堂食，經過文興記目測有8成滿座，應該會好食，於是就入去醫吓肚仔，老公睇完餐牌心大心細，又想叫金針雲耳蒸雞飯，又想試吓胡椒豬肚湯飯，最後佢都係叫胡椒豬肚湯飯。胡椒豬肚湯飯@白飯另上，胡椒味適中不會太辣，亦不會太重 ，豬肚處理得很乾淨，冇怪味，爽口好味道。蝦醬蒸豬肉飯@回家吃飯的感覺，味道很親切，沒有太濃蝦醬味，但喺有帶小小咸香味，豬肉軟唸，豆卜吸滿豬肉汁精華，非常惹味，加$13有碟油菜，我叫咗菜心，正常。…查看更多

每次光顧太安樓，文興記的湯飯大多數都是我的不二之選，這裡的湯料熱騰騰，不加味精，每次品嚐後都感到滿足。如果份量不夠，可以隨時加多一些飯，尤其現在天氣轉涼，吃湯飯更加合適。他們提供多達11種不同口味的湯飯，還可以另外加一些配菜。推薦他們的生滾蕃茄牛肉湯飯，再加上豆腐只需$10。鍾意蕃茄湯嘅話絕對推介一試，呢度嘅蕃茄湯食唔到茄膏嘅味道，完全係新鮮蕃茄熬製，牛肉夠腍，配埋滑捋捋嘅豆腐，這絕對是一份物超所值的美味佳餚🍅🍚🥣…查看更多

走進文興記，香麻麻嘅牛腩味已經引爆晒我個食慾😋！試咗佢哋嘅原汁牛腩飯，牛腩嘅入味程度真係得嚟又淋又惹味，飯底吸滿咗汁，每一啖都係咸香滋味，再加埋啖啖肉嘅牛筋，弹牙得嚟又唔會太扎口，簡直係飯盅裡面嘅小小驚喜！而家講返雞翼，脆香雞中翼炸得金黃色，外皮酥脆，入口朗哋哋，啖啖肉嘅鮮嫩汁液同酥皮撞出一道好戲，真係郁唔郁手指都戥損嘅緊要😍！喺茶餐廳度搵到咁正嘅小食，真係嚇親晒我，花生咁濃味，正！飲品我揀咗凍檸水，清新唔膩嘴，酸甜得嚟又解膩，餐尾嘆一口，爽啤啤嘅感覺直沖涼！下次再過嚟，我一定仲有嘢發掘💡！…查看更多

文興記除左太安樓有店舖之外，其實係太祥街都開左間比較細既分店（都好一段時間啦）！太祥街雖然細間，但坐位上坐得比較舒服，人流亦相對較少。無左上海菜色後唯有食常餐或湯飯等。今次就叫左沙嗲牛肉煎蛋公仔麵，牛腩飯，豬扒飯同蕃茄濃湯煎蛋豬扒米線。沙嗲牛肉可以話係茶記必食，唔係間間都做得好，甘岩同場亦有客叫沙嗲牛，證明佢有不少捧場客！牛腩份量頗多，豬扒新鮮炸起但少鹹，只嫌蕃茄湯底唔夠濃味！茶記食既係人情味係回憶，亦要繼續支持小店！…查看更多

咁啱泊好車, 就停係呢間餐廳門口， 樣子普通，都係食個普通早餐，就入去試下啦。 早餐選擇不多，通常老公要食公仔麵 (不一定出前一丁)， 但呢間餐廳只有加四蚊要出前一丁。 服務員可能是東主之一， 非常有心，介紹他們是用自家湯頭淥麵， 滿心期待一試， 湯底濃郁，帶有豬骨味但咸味不夠， 無奈之下叫他送上出前一丁味粉，以添加味道。 煎雙蛋， 每一隻都非常大隻， 一口吃下，充滿成個口腔， 當然最重要是流心的。 多士亦 烘得非常酥脆。 老公叫咗杯熱咖啡， 味道正常好味， 但我叫咗杯阿華田， 非常淡口，雞肋感覺。 餐廳整體環境非常普通，如一般麵檔格局， 但感覺上衛生的。入餐廳前記得睇餐牌， 因為早餐選擇不多。 未知這間餐廳午餐及晚餐味道如何，有機會再試下先。…查看更多

西灣河雖然多嘢食，但冇乜邊間話好食，又感覺乾淨；不約而同聽到幾個朋友講文興記新舖好好食，喺西灣河太祥街，近太古城邊邊，新樓盤隔離；個新嚟嘅廚師做開上海菜式，所以有幾味新款上海菜；咁啱有一晚又諗唔到食乜，就去買個外賣試下喇。⭐️⭐️⭐️⭐️⭐️花雕雞髀：正到冇朋友，我最怕食雞胸，佢就啱哂我，全脾又冇骨，勁入味，睇佢細細盒，但因為全部都係肉，所以好夠食，我個人覺得係必食之選。⭐️⭐️⭐️⭐️香茅豬扒：唔講嘢食，淨係睇廚師好細心地炸嘢，再加埋佢用食物盒前，放張隔油紙先放炸物，同埋會切到一口一啖，又冇肥肉，里個對我嚟講，係絕對感動；嘢食放面， 炸到金黃適中，鬆軟味道夠，食落唔油膩，美中不足係，因為我用嚟餸飯，冇汁，就有少少乾，但本身件豬扒係唔乾嘅，用嚟餸酒或當小食或湯麵，我相信會好好多。⭐️⭐️⭐️⭐️濃湯浸津白：上湯好清甜，唔似有味精，津白係即煮，所以時間長啲，仲有好多蒜頭同冬菇片，仲超大碗，如果細碗少少，平少少，會更加好。總括：我覺得幾樣都好好味，價錢ok喇，似家常便飯，可以再去試其他。但我建議，最好打電話落order先，唔駛等咁耐。…查看更多

已經好耐冇見過有正餐可以有2字頭既價位好誇張 仲要好食支持呢度出名嘅係酸辣米線不過今日個胃有啲唔舒服下次再試我食咗鳯城水餃河加菜心 都係38水餃好大隻 蝦好爽 好新鮮下次會再嚟…查看更多

呢間小店雖然其貌不揚，但入邊啲食物真係唔錯㗎💜而且真係冇咩加味精，好似家常便飯咁，想食得健康又好味的話，依家真係一個好好嘅選擇！！而且價錢又唔貴，坐都算舒服，唔會太迫，入邊唔可以話裝修得好靚，但都算係整整齊齊~平時就鍾意食佢嘅湯飯，例如魚或雞，又可以加啲豆腐啊，蕃茄阿，菜啊，真係又好味又有營養！而家喺出面好少可以食到咁清淡咁健康嘅食物啦，加上價錢又好親民~~就算唔想煮飯買個外賣返去食都好方便👍🏻👍🏻…查看更多

茶記對我來講，唔係咩坐得舒服裝修靚，要呢啲就去新式餐廳啦，而係嗰浸香港除、人情味親切感❤️西灣河呢間就係有齊我好鍾意嘅感覺。舊係舊但坐落都舒服，事頭夥計個個都好Nice，除咗落單食嘢大家都會打下招呼，嚟食個lunch都特別精神。呢度每日仲有特價餐牌，每日精選幾樣嘢食做特價，今日有我最鍾意嘅雲吞麵， $27咋！男人嚟到都唔怕食唔飽，麵同飯都好大碗下，唔夠嗌多個腐乳通菜都幾好味。雲吞粒粒都有隻蝦仔同豬肉，咬落好爽口，雲吞皮又夠軟熟，正！蛋面夠彈牙唔錯，呢間真係好正，飯堂首選❤️❤️…查看更多

今日又黎到太安樓搵野食，黎到文興記食屋企住家味道😋😋平時黎開食米線多，今日決定試試其他野😋😋😋😋先叫左碗 雲吞麵 （$30）雲吞大大粒，蝦好新鮮靚料，正👍🏻👍🏻份量夠大，好味😋😋另外叫左盒靚蝦醬蒸豬肉（$48），依加疫情期間送碟油菜，都幾抵😋😋蝦醬味濃，豬肉又好滑，好食👍🏻👍🏻👍🏻整體來講平靚正👍🏻👍🏻，又健康又好食😋黎到太安樓有機會要試試佢👍🏻👍🏻…查看更多

或許可能因為「西灣河」裡面的「太安樓」食街，在香港飲食圈裡面薄有名氣，吸收不少食客慕名千里迢迢來到光顧的關係，所以「太安樓」裡面的港式茶餐廳食店，都需要以比較便宜的價錢去吸引食客注意。連同我之前曾經利用上手手提電話和「開飯喇」戶口，光顧過的「太安樓」港式茶餐廳裡面，餐廳廚房製造的粉麵飯食品的實際價錢，大多都比豐儉由人。至於我今次在「太安樓」食街裡面享用晚餐，晚餐選擇的港式的食店「文興記」食品實際售價價錢，恰巧也定了在頗為經濟實惠的價位裡面，我點了一客以甜味「柱侯醬」為主的「原汁牛腩飯」，都只需要港幣四十元而已。恰巧我在「四條一」的「光棍節」晚上，一個人獨自光顧「西灣河」「太安樓」食街，所以選擇晚餐食品亦比較不用同時兼顧「牛腩」、「雞肉」兩種食材，食完再在「太安樓」裡面繼續努力發掘。恰巧「文興記」晚餐餐牌裡面，有關「美味小食」那一部分，本來一碟六隻的「脆香雞中翼」食品，食品實際價錢比我原本預期價錢來得昂貴，竟然需要港幣五十元，超出了我本身預算。所以我把「雞肉」類型的食品，留待在「西灣河」「太安樓」其他的食店裡面繼續品嚐，相反在「文興記」裡面我就選擇了，享用一碟有八粒的「炸鯪魚球」小食食品。至於我在「文興記」裡面享用的晚餐食品「原汁牛腩飯」本身屬於套餐，所以還有一杯飲品可以選擇。我擔心在「太安樓」最後會食得太飽，影響晚上的睡眠質素，所以沒有選擇「凍奶茶」。偏偏「文興記」裡面的飲品，大部分都是屬於擁有傳統港式茶餐廳風格的飲品，所以我為了晚上的睡眠質素起見，所以只選擇了享用「凍檸水」。「文興記」廚房店員製造的「凍檸水」飲品的實際體積，水的份量比我想像中來得比較大，相反「凍檸水」裡面的切片檸檬，就只有一兩塊而已，所以「凍檸水」的實際酸味而是一般而已，糖漿甜味反而更明顯。至於「文興記」晚餐主菜食品「原汁牛腩飯」，在飲品「凍檸水」上檯之後不久，也跟著送到。「文興記」安排「原汁牛腩飯」食品裡面的「牛腩」，跟「白飯」分開兩碟各自上檯。我還以為只有例如「咖喱牛腩飯」這一類醬汁比較多的食品，才會安排「牛腩」跟「白飯」各自分開上檯，原本「文興記」價錢比較便宜的「原汁牛腩飯」也會這樣做。我從「原汁牛腩飯」實際製成品裡面，發現屬於「原汁牛腩」那一部分的餐碗裡面，有不少的「牛筋」，「牛筋」的實際口感軟腍度，我覺得炆得尚算可以接受，不會太過難咬斷和咀嚼。但是我覺得「文興記」廚房製造的「原汁牛腩飯」，「原汁牛腩飯」裡面的「牛筋」實際製成品口感，其實可以炆得再腍一點，那麼享用和咀嚼「牛筋」的實際過程，就會變得更加輕鬆。至於「原汁牛腩飯」裡面的「牛腩」，「牛腩」的實際口感，狀況大致上炆得比「牛筋」軟和腍得多，只不過「文興記」「原汁牛腩飯」裡面的「牛腩」，「牛腩」相對比較乾，咀嚼期間需要花多點牙力而已。至於「文興記」廚房製造的「原汁牛腩飯」裡面的底層部分，包括有「蘿蔔」和大量的甜味「柱侯」醬汁，由於有大量「柱侯」醬汁浸淫着，所以「蘿蔔」實際口感感覺不算很乾。而且「原汁牛腩飯」底層的「蘿蔔」，「蘿蔔」吸收了大量甜味「柱侯」醬汁，所以「蘿蔔」實際上的味道很甜，與甜味的「柱侯」醬汁，都適合配白飯一起享用。由於「文興記」廚房選擇把「原汁牛腩飯」裡面，所有口感算是腍的「牛腩」、口感尚可的「牛筋」、甜味「蘿蔔」和甜味「柱侯」醬汁一起放在另一個餐碗裡面。所以即使「文興記」「原汁牛腩飯」另外一邊的「白飯」實際製成品份量感覺頗多，足足有兩碗半「一般飯碗」左右的份量，仍然足夠伴着甜味「柱侯」醬汁和甜味「牛腩」一起享用。至於我在「文興記」裡面另外點了一款，不屬於「雞肉」的小食食品，是潮州菜食店裡面比較容易見到和品嚐試食到，一碟共有八粒的小食食品「炸鯪魚球」。「文興記」廚房製造的「炸鯪魚球」小食食品，「炸鯪魚球」實際製成品外表看來頗大，而且「文興記」廚房為「炸鯪魚球」預備了一碟，味道偏向甜、酸和少許辣味的辣椒醬醬汁。當然，即使「文興記」為我的「炸鯪魚球」而提供的調味醬料，只是味道偏向嗆和辣的「蜆芥」醬汁，我也會欣然接受，因為我喜歡食炸「鯪魚球」食品。「炸鯪魚球」雖然屬於「文興記」廚房店員師傅新鮮製造和炸起的小食食品，但是「炸鯪魚球」實際製成品裡面的口感，還未至於炸到十分燙口。我稍為用口吹出空氣，稍為吹涼「炸鯪魚球」裡面的新鮮炸「鯪魚肉」，之後才正式把「炸鯪魚球」放入口，「鯪魚肉」實際頗熱，我要慢慢咀嚼多次，才能把「鯪魚肉」嚼爛和吞嚥下去。「炸鯪魚球」裡面的「鯪魚肉」有一陣來自魚肉的新鮮鹹味，而且「鯪魚肉」裡面的骨頭已經被「文興記」廚房店員師傅所完全去除，享用「炸鯪魚球」的實際過程一點也不困難。另一方面，「文興記」廚房店員負責製作「炸鯪魚球」的師傅，在處理、剁碎和攪勻「鯪魚肉」的時候，還加入了很多已經被剁碎「蔥花」，所以「鯪魚肉」裡面還食到有「蔥花」香味。至於「炸鯪魚球」實際製成品表面的油膩程度，因為「文興記」廚房把新鮮炸起的「炸鯪魚球」，一個一個逐個地，放置在專門吸收油份的隔油紙表面上。所以「炸鯪魚球」實際口感感覺，其實一點也不油膩，還食到來自新鮮「鯪魚肉」裡面的鹹鮮味道，而且絕對食不到任何腥味，加上有甜辣醬汁幫忙，所以「炸鯪魚球」作為小食而言，是理想伴飯小菜食品之一。由於「文興記」「炸鯪魚球」小食食品一共有八粒，但是實際售價價錢則只需要港幣三十二元，平均計算每粒「炸鯪魚球」實際售價價錢，都只需要港幣四元而已。「文興記」每粒「炸鯪魚球」的實際體積，都稱得上算是大粒，而且「鯪魚肉」裡面完全沒有骨頭，完全可以做到一啖一粒，啖啖都有來自新鮮「鯪魚肉」的彈牙口感，性價比感覺很高，比「原汁牛腩飯」更出色。所以我下次來「太安樓」光顧「文興記」，選擇「牛腩飯」食品的話，還可以考慮選擇改食配辣味「咖喱」汁版本的「咖喱牛腩飯」，但是選擇「小食」的話，「炸鯪魚球」肯定屬於是我必然的選擇。…查看更多

太安樓一帶美食林立，好多唔同類型食店。而文興記位於太安樓第一條橫街，行到最盡頭，便可以看到寫住文興記招牌店舖。中午時候，等候時間不算久，很快就可以安排入座，很多上了年紀的也來這裡吃，店內價錢確實比較便宜，有的不到三十元也可吃到一碗麵。點了南乳豬手麵加雲吞，豬手烹調得很入味，雲吞也是大大粒，而相對幼麵既份量適中，店員還主動拿額外一隻碗說可用來盛載骨頭。整體來說不錯。而店員服務很好，當入店舖未有頭緒之際，主動推介一些食品，食得辣既可以試他們店內的酸辣。…查看更多

今日你都有平民美食天堂之稱嘅太安樓搵嘢食，黎到出名平靚正嘅文興記食酸辣米線提提大家呢度除咗酸辣米線之外，湯飯都好出名㗎先叫咗碗香茅豬扒魚皮餃酸辣米線，香茅豬扒香茅味好重，大大嚿，成碗大約有四至五舊，包你食得飽魚皮餃有皮薄喊靚，好食😋已酸辣湯底酸辣比例啱啱好，豬骨味濃，食得出用咗好多豬骨煮成，正👍🏻已提提大家佢個酸菜係另一亮點，記住唔好走咗之後你講鯇魚腩蘿蔔米線先係令一必食之選，鯇魚腩作為配料就真係唔係度度都食到，好食👍🏻👍🏻整體來講靚料但又好平，鍾意食米線嘅朋友一定要黎食…查看更多