影片
以上资料只供参考，请与餐厅确认详情
🔸 炸大肠 $88正宗香港大排档做法，猪大肠整得干净企理，已经清走肠内所有肥膏，个人认为这味炸大肠系大排档必点惹味佳肴，炸得超脆皮香口，蘸上甜酸酱，真系好好食。味道：8/10性价比：7/10🔸 椒盐肉排 $88份量都唔少，有成十几块猪扒 ，件件厚身多肉，炸得甘香，猪扒本身系唔咸嘅，只有浓浓猪肉香味，配上微微辣味嘅椒盐， 咸香味十足！！味道：7/10性价比：6/10🔸 猪什煲 $88猪什有好新鲜嫩口嘅 猪肝、猪心、猪颈肉、猪肚、猪腰、粉肠，猪什本身比较淡口，做得干净，煲仔满满红葱头同姜葱，香味四溢，多种猪什令口感层次丰富👍味道：7/10性价比：6/10▪️🔹环境：位置喺喺保安道街市顶楼，占熟食中心好大地方，有成三十几台，适合一大排人嚟聚餐，大排档美食🤪🗣毋须加一服务费
继续阅读
镬气小炒，主打港式大档排地道菜式，特色小菜各有风味。菠萝咕噜肉 炸至脆香的无骨梅头肉包裹著酸甜适中酱汁，外脆内嫩口感。搭配三色椒、洋葱及菠萝增添果香与清爽感。味道平衡，无骨啖啖肉。小炒皇 呢个小炒皇材料丰富，有虾仁、鱿鱼、小带子、虾干、腰果、银鱼仔、韭菜等，搭配XO酱炒香，火候控制刚刚好。食材新鲜，鱿鱼和虾仁爽口弹牙，腰果和银鱼仔增添脆卜卜脆既口感，咸香味提升晒整道菜既层次。金银蛋苋菜 苋菜搭配皮蛋、咸蛋和肉碎汤，份量大大碟。苋菜幼嫩不会滚得过烂，保留新鲜口感汤汁清甜，与香浓皮蛋和滑嫩咸蛋蛋花，令到味道好夹。港式大档排风味小菜，菜式有水准，尤其是小炒类，火候掌握得不错，食材新鲜价钱唔贵，环境算企理干净。
继续阅读
今日同长沙湾嘅同事去咗市政大厦熟食中心揾食，入边有间大排档风格嘅舖头，环境虽旧但干净企理。佢哋啲小菜、粉面、饭、甚至海鲜都有水准，真系有惊喜。我哋叫咗砵仔焗鱼肠，$88，够晒怀旧，炸得香脆嘅油炸鬼包住甘香鱼肠和蛋，好有层次。乳鸽套餐就超抵，$59 有一只炸乳鸽、一大碟炒菜、炒饭同例汤，够晒饱。冬菜蒸黄花鱼都系$50，新鲜嫩滑，味道刚好唔会太咸。仲有干炒牛河，河粉唔断裂，牛肉嫩滑，上色靓，炒得够镬气。
继续阅读
一直对熟食中心呢类地方都印象麻麻，因为普遍环境都系比较唔干净同嘈吵，但今次朋友带我地去长沙湾的保安道巿政大厦，整体感觉令我改观，除了环境ok之外，食物也很有质素，即场睇住大厨炒紧你点的𩠌菜，未食已经知道一定够镬气，价钱仲要十分亲民。梅菜扣肉饭 - $50包埋冻饮。扣肉煮得很淋，非常软身，入口即溶。个梅菜汁配上白饭，真系一流，好快已经清哂成碟饭，仲要觉得唔够喉。 金砖豆腐 - $88，炸到脆卜卜，但又唔油腻，真系好考功夫。炸蒜再多d，就更Perfect。豉椒炒蚬煎米粉 – 呢碟系落单个位姐姐介绍既，平时出街食碟豉椒炒蚬都起码百几蚊啦，依家连埋个煎米粉底都只系$118，真材实料，只只蚬都肥嘟嘟，仲要炒得好有镬气，味道当然系好啦，好抵食。
继续阅读
今晚小妹同猪去咗长沙湾保安道市政大厦揾野食，见到有间大排档环境干净企理，价钱唔贵，就去食吓😆干炒牛河🍝呢碟干炒牛河每条河粉都匀循上色😆 绝对少油，而牛肉炒得够镬气及够香，牛肉肉质嫩滑，连埋新鲜爽脆芽菜，口感一流😘份量亦不少👍🏻椒盐猪扒🐖🥩每块猪扒炸得外脆内嫩，肉质松软，食时仲散发出椒盐既阵阵咸香😻 猪扒肉汁丰富，加上用上半肥瘦既猪肉及香脆炸蒜，口感更佳🤭翠塘豆腐🍲呢款翠塘豆腐用咗虾、蔬菜🥬带子、豆腐、鸡蛋🥚等😀材料非常丰富😋每啖都食到滑溜口感，送饭绝对一流，营养丰富，绝对岩哂老少咸宜食🤩整体来讲呢间大排档环境干净，每碟𩠌都炒至有镬气，有不少小菜选择，绝对岩哂黎聚会或食lunch既好地方，当然一定要支持小店啦😝
继续阅读
您可能会有兴趣的...