影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
招牌菜
食记 (9)
自从屯马线通车后，过嚟九龙城区已方便咗好多。我哋喺宋皇台站落车，用真善美村出口，行3分钟嚟到呢间好有怀旧风嘅小店。店里有简单装潢，有晒岁月嘅痕迹。用餐时播放著邓丽君嘅歌曲，感觉更是时光倒流。我哋间中都会嚟呢度食最驰名嘅牛筋河。牛筋炆得好腍好入味，入口即溶，就算牙力唔够都能轻松咀嚼。河粉爽滑弹牙，唔会俾汤浸淋，一碗美味牛筋河食得非常滋味😋除咗粉面系呢度嘅名物之外，小菜套餐价格相宜亦有很多选择。呢类旧式小店喺今时今日已经买少见少，要多多帮衬吓
继续阅读
今日有事同家人出土瓜湾，然后下午茶顺便起土瓜湾食，经过见到就入去依间野。咁我就叫左个下午茶餐，鸡翼加薯条，等左成15分钟先有，然后个女侍应dum低左两包茄汁，个茄汁包装已经好旧，望落去似系好多年历史但因为太肚饿，所以就冇理，照打开唧出嚟，点知啲茄汁系烟黑色，我咁多年都冇见过咁嘅色嘅茄汁。我即刻睇个包装，原来食用期限系2022年5月，即已经过期7个月，我睇埋第二包茄汁，都系过期7个月。我即刻叫我女侍应，系个呀姨嚟，我同佢讲过左期，佢就态度好差咁讲：「咁我转沙律酱比你啰，要唔要」我即刻扯火，话你一句道歉都冇，你比过期野食我㖞，佢就话：「咁唔好意思」我就话唔好意思系道歉？你系咪知过左期照比人？佢话：「入面所有蕃茄酱都过哂期，我对冇哂未过期，对唔住，咁你想点」佢咁讲，即系佢知系过期但照比人，我就同佢讲，你dum哂啲过期茄汁啦，咪再害人。跟住佢就行开左。总括而言，佢1）比过期茄汁2）迟出餐3）态度恶劣4）不知悔改大家要小心依间乞店！
继续阅读
老婆一向都唔中意食烧味饭，而我就好中意食。所以我平时食到既机会都好微，咁岩今日等到老婆约左朋友去食好西，我紧系即系约个朋友陪我出去食烧味饭。我中意黎土瓜湾呢间茶记食烧味既原因系，佢有熏蹄食。因为通常出面食既烧味饭都系得叉烧、油鸡、烧鸭、烧肉等等选择。我叫左个双拼烧味饭，叉烧配熏蹄，仲有碗例汤送。烧味份量非常多。叉烧系半肥瘦，非常腍嫩。熏蹄唔厚亦唔薄，点埋汁食，酸酸地，非常开胃。而饭加了一点鼓油，岩哂捞饭。这就是男例的浪漫了
继续阅读
今日路过土瓜湾，谂住食lunch，无意发现这间“叙兴粉面茶餐厅”心大心细，因为侧边有几间餐厅，感觉呢一间最靠谱，所以入去坐底，看有咁多人应该都唔会好差，叫咗个芙蓉蛋饭，估唔到有惊喜！芙蓉蛋饭，叉烧，鸡蛋比例都岩岩好，入边嘅鲜虾，竟然系食唔出系雪藏，而且仲要非常弹牙，冇黑色既虾肠，而且芙蓉蛋饭够足料，同时叫一杯冻咖啡，冻咖啡为正常水准，味道不错，见其他食客，唔同嘅餐样子非常之不错，属于价廉物美嘅小菜，有机会一定会再帮衬！！
继续阅读
食个咸蛋肉饼快餐加杯冻奶茶，基本嘢应该无得输啦。点知中伏。个餐一到，碟𩠌。。。儿童餐碟上，碟的内圈圈唔到旧直径7-8厘米的肉，而旧肉断开两部份唔完整的，肉饼厚度一厘米以内，肉上只有四分一粒咸蛋黄，咸蛋白。。。可能入咗肉挂。尽晒力连肉碎都捞埋，都食唔到半碗饭。卡位对面的情侣望住碟肉饼都陪我呆一呆，继而有少少傻笑又唔好意思笑出黎。我知，我笨实咗。但纵不想掉假，都要夹晒啲肉碎以食埋那口饭。但我无用，食得半碗，剩下一半碗饭真系梗唔落
继续阅读