敏華冰廳 (峻峰花園)

营业中

休息中

今日喺筲箕灣試咗間餐廳，點咗沙嗲牛肉麵、炒蛋同埋牛油多士，真係好滿足！🍜沙嗲牛肉麵湯底香濃，牛肉切得薄薄，配埋啲麵，味道一流，特別係沙嗲醬嘅香味，真係好惹味！👍🏻炒蛋就好滑，味道清淡，但又有啲鹹香，搭配牛肉麵食，非常合襯，增加咗層次感！🥚牛油多士就係另一個驚喜，外脆內軟，牛油味濃郁，食落去真係好舒服！🍞總括而言，呢間餐廳值得一試，無論係味道定係價錢都好吸引！記得要去試下！推介指數：⭐️⭐️⭐️⭐️⭐️

叉燒通粉： 叉燒畀埋頭頭尾尾， 每塊超薄同 肥膏。 通粉得得兩啖。炒蛋加多士： 要另外加15蚊， 炒蛋份量少， 多士居然畀塊普通超薄麵包總共要收75蚊加運費。 咁樣點樣 本地消費呀

今日途經筲箕灣來到久違的敏華叫了個义燒湯意粉套餐，敏華出名义燒靚，黯然銷魂飯盛極一時。估唔到去到今日义燒會差了咁多，件件黑蚊蚊。店員見到都話可以幫我換。食物差唯有服務搭夠咁至係顧客至上。👍

今日第一次去到新開不久的筲箕灣敏華冰廳，以敏華來說呢間舖非常細，唔够二十幾張枱，枱與枱好迫。我叫咗個叉燒通粉同奶茶，以四十五元來說，可以講是十分貴，佢杯奶茶相信是全港最细杯，杯口直徑只有一包糖咁大。叉燒通份量好少，啲叉燒又乾又硬，唔知佢出名黯然銷魂飯會唔會係咁嘅叉燒，如果係就好失望。以筲箕灣茶餐廳比較，佢嘅性價比十分低，人哋茶餐有多士炒蛋同粉麵，佢就缺乏，份量又少。可以讚吓就係每張枱有一獨立水壺同杯奶茶够熱，不過就唔够滑，希望敏華可以改善一吓。

點了一客免冶牛肉飯，肉醬只是和暖的，店員同意更換。10分鐘後，再上一碟，說是從新造過的。可惜還是和暖的，算了，入口極咸，完全吃不出是牛肉，只好埋單走人，費事爭辯一碟飯應有的温度！

早兩年因為鍾意食敏華嘅黯然銷魂飯，響太興買咗一堆太興 50蚊現金券， 點知之後再去質素越食越渣，於是有好多未用，而家見啲券年尾到期 ，筲箕灣又開新店， 覺得新店應該質素會好啲，所以走去試下， 點知。。 五舊即場燒制嘅叉燒， 有四舊都係頭頭尾尾，硬掘掘，得一嚿稍為似樣，兩隻荷包蛋有一隻煎熟咗個蛋黃，個油菜呢？網購平台黯然銷魂飯嘅菜心只逗留喺相片，上枱嘅永遠都係成本最低嘅西生菜。。。 食到一半，仲有個阿姐走嚟要我調位。。。到出去畀錢，畀一張50蚊現金券個收銀姐姐，佢 用收銀機嘟完張券嘅條碼，居然用當我係賊咁嘅唔客氣眼神＋口吻，大大聲咁問我，嗰張完全完好無缺底面完全冇畫花嘅現金券係咪用過，搞到坐週圍附近嘅人都望過黎，結果佢自己用電腦查完知道搞錯。 雖然佢有講返聲唔好意思，但係呢餐都真係食到一肚氣。。。