敏華冰廳

营业中

休息中

去到等左5-10分鐘等安排入座，以為好滿座，入到去都有啲吉位App 落單，蒜蓉汁美式什扒配意粉 熱0茶，羅宋湯$88飲品好快黎左，主食等左20分鐘先上，羅宋湯係主食食左3分1先黎，完全唔記得咗有湯😂蒜蓉汁冇晒直接換咗黑椒汁，無問客人有雞扒同豬扒，都幾大份 厚肉，雞扒有一小角係粉紅色肉 半熟 少少就無影到 ，當然都無食到埋單可以自助，快啲，成個用餐最快最smooth 嘅過程本身想快啲食完晚餐省啲時間就去茶餐廳，點知等得仲耐😅

去到前面仲有2台人等緊 望入去仲有幾台空台前面嗰一家人應該都等咗好耐 依家唔耐煩走咗咁 我又再等多10分鐘 完全冇入過人 櫃檯企咗一個阿姨 見到我同前面嗰台望住佢就理都唔理走咗入去 4台空台都要等成10幾20分鐘 好離譜 最後我都走咗 簡直垃圾 入人入去坐係咪咁難？ 要等耐啲唔識搵人出黎講？ 見到門口排隊啲人唔耐煩直接扮睇唔到 係想製造飢餓行銷？ 浪費晒人地啲時間體驗極差 建議重新整頓K11敏華 一打開openrice 全部都係同我一樣嘅評論 唔係誇張 完全係事實

本身諗住求其搵間食個dinner，諗住敏華應該有保證掛。點知入到店員講普通話嘅，大部分嘅客都係普通話。以為服務遊客為主，應該上菜速度等都會幾好，仲要間鋪喺K11開wor。點知⋯上菜超慢，一個煲食完，total等成20分鐘，仲要催先上個火鍋⋯在場d遊客都起哄，係咁催單。不過店員嘅態度係好嘅。但器材真係一般，個火好難點著。食物質素黎講ok嘅。希望個上餐速度可以改善下啦。

好少寫食評，但e 間野係區內最差既茶記平時叫野食等半個鐘先有試過追到去廚房遞出黎果個位今日入去食早餐人已經唔多，但d 人連開單都廢事理你，唉，出去食麥記無謂貼錢買難受記住，等得耐即走，成間餐廳d 人做野態度都極消極，無謂同佢地磨，有d 直頭同你講唔識廣東話

如題，入座叫餐野飲等咗十分鐘以上先有，我同同行有兩份主餐，分別係栗子炆雞煲飯同辣牛肉煲飯，一份等咗半個鐘，另一份直程冇嚟過要cancel😂栗子炆雞煲唔太好食，雞比較乾身又多骨同細粒，栗子又唔夠淋，唔建議食。樓面又唔繁忙又唔多客，但有其他人同樣催單。好似唔夠人手，得一兩個侍應加經理，本身感覺有啲伏，點知真係伏😅仲要有清潔工喺餐廳內推住架濕漉漉嘅垃圾桶出入，見到真係由餓到嬲到冇胃口，好彩早前喺樓下IKEA食咗少少野先再食晚餐，本身想食叉燒先黎食，但又冇哂黯然銷魂飯，呢間冇下次，去其他茶記食仲好。

======栗子滑雞煲$80======天氣寒冷，能吃到熱辣辣的煲式已覺得很幸福。這間的 栗子燜雞煲不是用新鮮材料, 但爆炒後的雞件和粟子在生抽、老抽、砂糖、料理酒、雞粉、蠔油所調製的濃稠汁液化學作用下，還算得上惹味，加上上枱後還用酒精爐熱了一會兒，在剛出爐的情況下配白飯吃一流。略嫌太油，未吃完已見煲底凝成一大塊油脂; 另外餸份量亦偏少，吃了半碗白飯已經沒有餸了。PS 當日人手不足, 連廚師也要負責端菜; 侍應更要忙於應付不耐煩的內地旅客, 看着他們騰來騰去也覺得辛苦

唔夠樓面，坐定後還要等員工攞QR碼黎落單，周時漏單，成日要吹單又無伙計，唉！都唔知勿管理？如果趕著食完早餐返工就真要諗清楚！有代改善！自助落單先前枱面有QR code可自已掃，現在還改到要員工攞QR code先可落單就真係好唔掂！

好耐無食西多士，返工返到躁躁哋去食相甜甜哋嘅嘢，又落哂雨咁就去敏華啦因為目標明確，好快就點咗西多士奈何我快但上得慢同枱嘅同事都上哂，就係我個西多士未到，等到佢哋食哂終於都嚟啦好有愛呀，心型牛油除咗依樣，無乜特別但好飽

食個早餐，蕃茄餐肉米，熱檸水，竟然等半個鐘都無得送來，仲要有阿姐在食客桌旁邊推垃圾車(!!)樓面和廚房都明顯唔夠人手，但都無理由等成半個鐘，連一個餐都出唔到，其他食客都係等好耐都無餐。咁嘅服務水準真係不知所謂。

呢間外賣電話基本上都無人聽，而且就算真係好彩俾你叫到外賣都好，都係要等超級耐，試過打電話叫外賣半個鐘先拎到，d服務員態度超級差，基本唔係想做你生意，間野真係敏華分店黎講真係好少人。

今日來到尖沙咀K11購物藝術館是為了食敏華冰室。看介紹才知道敏華冰廳起源於香港九龍一間名為文華冰廳，現已有約三十間分店遍佈港九、新界。以懷舊為主題，供應傳統冰室的快餐小食，主打黯然銷魂飯、自家製麵包、濃湯豬膶牛肉麵及手拍有皮老薑煲檸樂等香港昔日美食，讓顧客可以再次細味屬於大家的集體回憶。夠薑豬膶牛肉公仔麵好友驚喜讚，湯底濃濃薑和酒味帶點甜鮮，豬膶好香爽口好滑，牛肉鮮軟滑，公仔麵煮得適中，鹹檸檬雪碧鹹鹹的咸檸雪碧很好喝，味道清香讓人感覺很舒服。

見開咗幾個月 第一次過嚟食lunch 大約下午4-5點 間舖唔算多人 唸住坐得舒服嚟食過快靚正嘅lunch 點知叫咗個常餐等咗成半個鐘！！等咗15分鐘嗰陣已經同店員講碗通粉仲未到 佢話幫我催催 之後同我講話而家整緊 咁即係之前一直漏單啦 又要啲客自助落單但又做唔切 正常茶餐廳唔係應該出餐快嘅咩？？ 等到碗沙茶牛肉通粉嚟啦 啲牛肉同通粉少得離譜 啲湯仲多過啲食物 牛肉仲要係好薄又碎 我心諗叫嘅又唔係下午茶/早餐 係叫正常全日餐都咁少 $62勁唔抵食！！雖然都知佢比其他茶記貴價少少 之前食過其他分店都冇K11呢間咁差！以後不再幫襯！！

放假出黎行街，經過K11，搵緊咩食果陣，見到敏華唔多人排隊，就入黎食，上餐速度都算快，10分鐘內就到，員工服務態度都唔錯，味道都算可以，整體黎講，依到比到一個地方舒舒服服咁同朋友hea 下慢慢食

呢間相信好多人都一定食過佢😉我都唔例外我起碼都食過n咁多次😝仲要好老土食開咩就咩🤣🤣ps.以前印象中佢叫「超級大雞排飯」點解轉左名？！蔥油雞排飯🍗🍚一定要推薦！佢個雞排成個手掌咁大！🫣佢雖然價錢系貴d, 但真心值🫶🏻🙈雞排即叫即煎要等大概10分鐘到皮脆多汁🤤🤤🤤又好厚身啖啖肉飯正常屋企口感🍚飯&豉油&蔥油可以要求多架👻睇下想要多定正常😝我果個系正常環境唔算逼！等待入座時間唔會好耐Ps.但眼見對面姐姐叫左三文治等左40分鐘都無野食之後佢仲嘈左一輪 經理幫佢取消+送凍OT+蛋撻比佢 但佢都好憫憎講真比我都火！我都見呢間店系出名等野食等得耐🙈🙈聽聞人手不足🧋凍咖啡佢唔系西式coffee shop果種, 好港式果隻好似A-1 coffee雪條咁既味🙈食過就明❤️+$3系抵架！🪙價錢$67 凍飲+$3🍜味道:4.6/5🔴🟠🟡🟢🔵🟣⚪️⚫️服務：4/5環境：4.3/5返食：4.6/5價錢：4/5🔴🟠🟡🟢🔵🟣⚪️⚫️👷🏻‍♀️利申：本網只代表個人感受與想法不代表全部🫡(本台暫試運當中, 全人手營運, 多多包涵)🪙今次全自費👷🏻‍♀️提提盡量掃枱上QR-code下單❤️或可直接跟店員下單📍敏華冰廳 (尖沙咀)尖沙咀河

今日下午三點半吃午餐點了一個雞扒飯，差不多四十分鐘才出到給我味道一般，飲品都慢，全場看不是很多人，所以應該不是很多單，所以真係一間靠名氣的餐廳，什麼也不行。真唔明點解會有呢D甘既餐廳