影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
优惠
95折
[太兴、靠得住、敏华冰厅] $50 现金券 (即买即用)
$47.5
$50
一入门就感受到浓浓嘅港式茶餐厅氛围，环境简单干净，人声鼎沸，好有烟火气。🌟招牌黯然销魂饭呢个真系招牌必点！大大旧嘅叉烧铺喺饭上面，叉烧烧得恰到好处，外皮金黄微焦，咬落去又嫩又多汁，蜜汁渗入每粒饭入面，食落好满足。太阳蛋嘅火候亦都控制得一绝，半生熟嘅蛋黄，戳破嘅瞬间，蛋液缓缓流出，将整碗饭嘅味道又提升咗一个层次。🌟牛油西多士西多士煎得金黄酥脆，醇香而不腻，黄油嘅味道完全突出咗。有两种食法，第一种系等黄油融化咗再食，但个人觉得会比较破坏咗本味，更推荐系啱上就连著未融化嘅黄油一大啖食，绝对正!!!💎阿华田、冻柠茶阿华田好浓郁，一饮就知用料十足，入口绵滑，巧克力味同麦芽味完美融合。冻柠茶茶味浓郁，柠檬嘅清香又可以中和茶嘅涩味，饮落好清爽解腻。
继续阅读
今朝食咗敏华嘅早餐，点咗两样嘢试，包括沙嗲牛肉米粉同鸡汤火腿通粉。沙嗲牛肉米粉嘅汤底非常浓郁，入口香辣惹味，牛肉质感亦唔错，唔会一咬就散晒，保持住弹性，算系今次餐中嘅亮点之一。米粉方面够滑，唔会过腍，岩岩好。另一边嘅鸡汤火腿通粉就冇咁出色。鸡汤嘅味道偏咸，而火腿亦系普通货色，冇太多惊喜，感觉有啲失色。通粉煮得唔错，口感唔会过腍，但整体嚟讲，鸡汤火腿通粉表现平平，无咩特别亮点。以价钱嚟讲，每份大概$38，喺呢类茶餐厅嘅早餐价钱范围内属于合理，唔算偏贵。如果要我推荐，我会建议大家试吓沙嗲牛肉米粉，系比较值得一试嘅选择，特别系对𠮶啲钟意重口味嘅朋友。整体而言，呢餐早餐中规中矩，唔会话太出色，但价钱合理，当一个简单早餐嚟讲都算ok。
继续阅读
排队等位 见到你冇人理只系望住你 有个呀婶直入比位佢 我问系咪唔使排队？佢答我要 我问咁头先入去果个唔使排队？佢就即刻揾到个位比你 原来我前面有个叔叔都等紧位 其实里面一直都有位 冇人安排完全
继续阅读
今日突然好想食沙嗲牛面，咁啱附近有间敏华，系天意啊咁啱去到又冇人排队，大把卡位任我哋拣。我哋叫咗两份早餐，一个系榨菜肉丝米，另一个就系我嘅至爱沙嗲牛面啦！虽然牛肉唔系好嫩滑，但系整体都食得下 $38有面有蛋有包仲有嘢饮，我都唔会要求太多🤭而家好似周围都系QR code落单，冇谂到呢度仲有code自助埋单，真系啱晒我呢啲钟意贪方便既人。不过呢间餐厅入边讯号唔系咁好， QR code落单有啲慢。我都系钟意人手落单多啲
继续阅读
家人今日无胃口，晚餐想食汤饭，用网上平台揾到元朗Yoho的敏华落单外卖自取。敏华于Yoho开咗咁耐，今次系第一次帮衬。- 陈皮米鸭汤窝配白饭，呢个合格，不过真系好普通。- 超级什扒饭就唔掂，块鸡扒的皮㶶晒，都仲可以照出餐俾客，品质管理方面唔合格，一间连锁集团唔应该有呢个问题。要检讨！职员的服务方面反而做得几好，有礼。话说我去到餐厅攞外卖自取时，开头职员系话并无我个order, 跟住就即刻帮我check, 同埋亦好快同我讲番厨房准备紧。整个过程都主动及有礼！
继续阅读