撈起小食店

营业中

休息中

一向支持小店～諗住腸粉、魚蛋、燒賣呢D現成貨都係買返嚟～自己蒸應該差唔得幾遠～就試吓依間啦試下D腸粉、魚蛋先～小食有幾款可以簡三揀二～份量唔算多～十幾蚊試吓都好～簡咗腸粉3條+魚蛋5粒～走鼓油走甜醬～淨係加咗芝麻醬同芝麻粒～睇落份量好少～當小食應該冇問題～腸粉同街邊舖頭冇乜分別～魚蛋亦都係現成貨～味道應該唔會同其他鋪有分別見其他人嚟買～都叫雞蛋仔、糖水～唔知係咪好好食～不過份量咁少～我未必會再幫襯啦

呢幾日咁凍今晚屋企煲左粥，諗住買腸粉返去加餸，去返呢間上次買過嘅小店覺得都抵食，去到知加左價，正確應該係同一價錢少左一條，話係自家制腸粉，幼身左，變左10蚊4條，黎到都要買啦，照叫左先，跟住職員話未太軟身，由蒸籠上層搬去下層再蒸，最後overcook左軟過頭，夾上黎時斷哂，剪都唔洗再剪，入左盒就發覺份量少左好多，我個細餐盒一半都冇，返到屋企家人都話勁少，至於係咪自家制我唔識分，有冇多左米漿味果啲都唔知，因為醬汁已經蓋過左，評論唔到，只知overcook之後口感太淋，下次唔會再嚮到買腸粉了有興趣可以睇我之前4月份呢間店嘅食評，用出面外賣/打包叫普通餐盒，但份量都有一半，只係8蚊4條咋

屋企就住係附近，平時經過都會去買黎食，店舖少少種類繁多，撈麵、魚蛋、腸粉、冷麵、格仔餅、雞蛋仔、燒賣等全部都有！今次做完運動見餓餓地，就去左買格仔餅食！———————————————格仔餅 $13格仔餅不過不失，蛋味尚算濃郁，屬於比較淋身既格仔餅，醬汁方面算啱啱好，花生味重，但沒有砂糖。填肚來說算係好選擇！————————————————環境：👅👅食物：👅👅👅性價：👅👅👅👅👅服務：👅👅👅👅

呢間小食店可以自備餐具去買小食，啱哂我心意，我都數都係食腸粉，買左8蚊有4條，另外十蚊5條，以前有6蚊3條不過依家冇左，最少要8蚊，如果有返6蚊會靈活啲，因為8蚊都幾飽下~拎到返屋企都仲熱嘅，我覺得用盒仲保暖過用紙同膠袋，今次啲腸粉我覺得硬身左啲，不過有按我要求多醬，下次想食可以再買過~

呢間舖未喺 OR 出現之前，我已經食過呢度嘅野食，只要路過安基苑又肚餓，我就會買翻個撈麵餐食呢幾年安基商場大裝修，呢間舖係裝修果期先出現，第一次食完其實就已經想寫兩隻字，不過上嚟搵唔到就作罷鐘愛撈麵餐係因為有餸，除咗當下午茶仲可以過下口癮，有時又想食下呢樣又想食下果樣，但係買一份就夠填肚嘅情況下就有選擇困難症，一個餐就可以滿足幾個願望啦撈麵餐（撈麵+3粒魚蛋+3粒燒賣）（$14）個麵冇記錯都係印尼撈麵，其實冇咩特別，所以都係著墨於魚蛋燒賣坦白講魚蛋比較硬身，食落去冇彈牙嘅感覺，感覺總係差啲；相反燒賣就比較淋，易咬易吞，喺呢間舖嚟講我會鐘意燒賣多啲份量嚟講唔算好大份，但係下午茶嚟講就絕對夠晒數，如果唔夠可以加$7加大個撈麵講真行去隔離商場，隔離某便利店個熟食檔都有撈麵，不過我就比較鐘意去小店，唔係話連鎖店冇人情味，但係我鐘意小本嘅果種人情味多啲

小弟蒲開九龍灣牛頭角一帶呢間小食店其實我幫襯過好多次唔係因為佢特別好食 係因為佢就腳 同埋有時經過開想試吓有冇進步今次叫左魚蛋 （$10 十粒）叫丫姐比多一支竹籤已經好唔願意太趕時間關係 一路行一路食點知一數 比得九粒囉 呃左我一粒其實之前無數次食燒賣問你要唔要辣 然後根本冇咩辣油叫佢比多少少又黑面其實辣油竹籖都咁介意真係唔適合做生意之前最初去試 係一個住屯門嘅朋友 成日特登過黎呢邊食佢啲魚蛋燒賣話好出名但其實我覺得好普通 啲燒賣多粉唔好食 對呢間野好反感

商場入面好少見有店舖可以賣雞蛋仔同格仔餅雞蛋仔，舖頭內大部分你想到既小食都有提供，特別既有冷麵同可以夾糖。雞蛋仔即叫即做熱辣辣，皮又脆，值得推薦。紅豆西米露紅豆，西米同椰汁比例適中，凍冰冰透心涼，味道不錯。