影片
相关文章
前言：独忍第一次写食评，就比左「捞家」同佢只芝士鸡乌冬希望写完唔会得罪人，仲有半条命再返头帮衬。Q：咁多外卖店，点解会拣呢家店？A：咁都要问，咪为左支持小店啰!!!（如果唔系疫情关系，我系好少去买外卖食，所以就算系就近小店的认识亦唔深。如果唔系某某外卖指南介绍，都唔知有家叫「捞家」既小店，佢避开左食店林立既虹桥青菱径，系虹桥旧街巿既好胜大厦到努力生存中。有啲私心睇，因为都唔想小店呢个时候执笠，加上未食过，咪走去试下啰。）Q：环境正唔正？A：天生一副外卖相。呢个时势，老实讲都少左拣坐系店里面食架啦。但系「捞家」既店内格局基本上系完全岩哂做外卖生意，店仔细细，得一张枱仔系通道，落单店员就系枱仔位置standby；而师傅（老细？）烹调食物既位置，就系隔离个个大大个既open kitchen。你无睇错!系open kitchen! 呢个时势最紧要系安全同衞生，冒住厨房既热气、大汗搭细汗都坚持要戴住口罩煮野食比顾客，做到呢样，我觉得绝对系一家负责任既食店。系我行去「捞家」既同时，我观察过附近既店，唔系家家店都肯咁做，而「捞家」既厨房师傅系其中一个肯戴住口罩煮野食既店，呢到要比返个赞佢希望下次去都系keep住，唔好松懈呀师傅。Q：服务态度同效率又点？A：诚恳既服务，野食即叫即煮，落单速度方面尚有进步的空间。服务态度同效率系中上既。由落单到野食出炉，大概就15分钟左右（个阵加埋我有3个人等梗外卖），系合理既出餐时间。至于落单方面，店员应该系新手朋友，但亦可能因为咁，店员系非常认真咁逐字落单，又肯仔细地同我再确认多次。大家多啲帮衬，比多啲机会店员磨练下应该会进步神速（无收钱既卖广告mode~）Q：食物份量同质素如何？A：份量达标有余，鸭胸食得过。份量方面，由于我个日肚饿指数系去到有70%，因为惊唔够饱，所以我决定落单叫鸡扒滑蛋芝士捞冬+忌廉之外，再加底同埋加鸭胸。成个餐夹埋$61，都系一个晚餐贴近时势既价钱黎既。制成品见图：一开盖，以为份量系正常size；一食落，竟然好似个无底洞咁，食极都食唔哂……芝士方面，量多到好似唔驶钱咁覆盖哂成盒乌冬，但芝士量多既同时佢又唔算好浓好咸既芝士味，质感上系有啲稠。鸭胸：咸度同质感适中，同芝士乌冬夹得好。滑蛋，质感上未算系好滑，系倾向碎身同埋炒得熟身个只，但佢既存在好似未能够将呢道菜既味道推高向另一层次，反而可以当系另一道独立既菜式，咁岩摆埋系同一个盒芝士乌冬到。鸡扒：口感唔硬，唔系一咬就散，所以系可接受既程度。味道方面，唔算好浓味，可能我个人本身系食开浓味，我觉得炸物黎讲，整得浓味啲通常会得人喜爱啲（纯粹个人偏见XD），所以我觉得系无强烈腌料味加持下，相对起个芝士鸭胸捞冬，鸡扒比我既感觉反而无咁大感官上既刺激。份量方面反而系令人震惊，你见佢要额外用一个碗黎装个鸡扒就知唔会少得去边，当然佢亦都有可能系想炸物还炸物，分开放置先咁做。最令人意外既系，我系见到旧鸡扒系有2旧既!（因为食个阵无谂住认真写食评，所以无影到鸡扒全相，有机会会影返）唔知系啲鸡扒本身系1大片剪开左变左2块鸡扒，定还是厨房师傅好人比多旧。总知最后我系尽哂力都食剩左少少鸡扒…有啲内疚…Q. 再次帮衬？A. 其实已经帮衬左第二次XD....当日只系叫左一款菜做外卖，暂时唔可以话呢道菜系呢家店最应该试既菜。但后来我做二次帮衬既时候，发现原来有另一道菜系超越佐呢一款，佢就系「沙嗲猪扒捞冬」啦!食第一啖个阵，猪扒味道同口感系完胜鸡扒~~如果有机会再出post介绍~Q.其他建议？A.「比啲挣扎」!!!加油呀!!!!
继续阅读
容许小弟讲句，求其开间舖做老板食物求求其其就算，煮食唔该认真d第一次去买佢地d饺，居然入面系冻冰冰第二次见佢有餐牌放出黎，赶时间睇一睇点知又中伏多一次先讲炒乌冬， 睇见已经唔开胃，我系咪食梗斋？系饭盒底摷到一条约中指咁长既肉丝！然后呢盒野就卖32蚊？再讲味道，炒野完全冇炒野既味道，够胆死用电子炉炒野，难食之余仲要完全冇味😅再讲罗白牛腩饭，牛腩d毛多到呢，有两条应该唔似牛既毛，成盒饭都冇食到，再试下d罗白，罗白系甜几好味既！但成盒野都系冻既，叫我点食😥呢间舖……挨唔耐，我都未试过有饭盒d饭未食就丢左入垃圾筒😥讲真一句，30蚊系红桥朗x爸爸已经可以买到个好味 饱肚既饭盒，点解我要帮衬呢间野？
继续阅读