探客 (已結業)

已經幫襯咗好多年最鍾意珍珠奶茶，茶味夠濃真係有別於一般奶茶鋪唔係一式一樣嘅奶粉味雖然啲人話核膠好碎濕濕但我覺得ok😂芒芒百香果超好飲！夏天恩物！通常都叫走甜因為佢真係勁多芒果肉同百香果係入面唔洗加糖都夠晒甜味最緊要係，懶係健康冇咁肥

不知不覺都見呢間探客開左好幾年，出面太少有桃膠，所以最鐘意佢地啲桃膠系列，比好多桃膠之餘，仲可以選擇唔甜，走冰咁！出面好多都唔比，水果茶真材實料，唔似有啲落水果醬！今次叫左個仙蜜百香果桃膠，睇個樣都夠仙氣！走甜都好好飲，勁清新，少少酸，夏天飲消暑一流，另外極力推介抹茶桃膠！真心好飲！本人至愛！！！近來仲出左個青瓜苦瓜檸檬茶！又係一流！價錢唔貴大杯又好飲！認真好飲過好多大集團！有特式之餘仲保持到水準！

好少地方有紫薯鮮奶就試咗幾好飲飲一啖會有奶同紫薯一齊啜入飲管入面好正呀👍🏽👍🏽推薦大家飲另外屋企人要咗個珍珠奶茶屋企人話好好飲都會再幫襯👍🏽👍🏽

疫情期間, 已少了買茶飲, 因為平時都係想一路行一路飲, 依家無乜事都唔會喺街除口罩, 所以呢一年都飲少左好多~今日忽發奇想, 覺得好耐無飲, 所以就去左TAN買杯返屋企嘆下~間舖喺元朗廣場側, 買完泰婆串燒再向前行就到, 間舖都開左幾年, 主力桃膠飲品, 之後都不斷加新款, 希望快D 加小食, 好多加D 高質雞蛋仔, 因為呢邊無呢.................. 今日天氣回暖, 仲有D焗, 不過朝早起身都係清涼, 所以著左大褸, 所以想搵杯凍飲爽一爽. 揀來揀去, 揀左芒果多多奶蓋, 等左一陣就有喇, 嗱嗱聲返屋企飲返杯~ 好飲! 有種清香既味道, 奶同芒比例都幾好, 我就唔會搞均嚟飲, 感覺上更natural merge . 

夜晚7點零，原本想買沐白小農，去到竟然執左，於是打算去飲Aello，結果去到...無開。唯有兜去後邊10米另一間，點左芒果多多奶蓋$32。開頭以為係芒果益力多奶蓋，點半糖少冰。店員答話係沙冰來的，無得少冰。等緊既時候，都有6、7個人係附近等，都幾多人幫襯。攞到手發覺好大杯，都幾抵飲。味道OK，唔會太甜、有淡淡芒果香，奶蓋都好滑，（有點甜味既芝士味？）有些特別，但唔夠鹹香芝士味。都可以既。6/10分。見到其他水果系列既茶飲都幾特別、幾吸引，有興趣試下，下次吧~

之前朋友介紹我飲探客（旺角分店），係相當唔錯，今日行開元朗順便去埋探客（元朗分店）。今日點一杯旺角分店沒有既，旺角沒有乳酸又冇哈蜜瓜。最後，決定叫霸氣哈蜜瓜！整好既時候好靚，有三層唔同既顏色，而一啖飲落去，有少許失望，哈蜜瓜味比較淡，唔太飲得出鮮果味，但茶味係香而濃，整杯飲品被茶味蓋住哂。雖然唔係難飲，但絕對唔係想像中既霸氣哈蜜瓜！下次都係會返去旺角分店買，味道比較啱我口味。另外，旺角分店價錢好似仲要平少少！

寶貝最鍾意飲珍珠奶茶。。。順路經過呢間Tantea...做個廿四孝媽咪買杯攞去補習社比佢啦！鋪面無客。。。買杯珍珠奶茶和一杯玫瑰桃膠，等咗大約五分鐘就攞嘢走人。。。去到補習社咪攞杯貼住珍珠奶茶嘅比寶貝，自己就返屋企喇，點知返到屋企一飲發現貼錯！寶貝當然打嚟問我啦！大失所望囉！鋪頭已經無客，而且睇住佢沖完一杯再沖另一杯，咁都可以攪錯😤！外賣唔需要有服務質素，但起碼唔好錯先囉！寶貝講咗唔好再響呢到買喇！

悠閒的星期 又來探茶買飲品了今天買了2個飲品·臟臟紫薯鮮奶(熱+小糖版本)未買之前看到有這個新飲品被吸引了到拿上手的時候 感到十分棒棒噠因為有種星空的感覺耶味道由於點了小糖 所以不太甜·草莓布厘(熱)第2次點的飲品 點了熱飲版本但草莓仍然有很多耶 熱飲的賣相也相當吸睛味道小小甜 也有草莓肉食🤩

元朗廣場隔離條小食徑，除左有好多小食外，民合徑既街尾仲有喱間野飲。喱間飲品鋪主打係桃膠，都好好味既，有時唔想食珍珠都會叫杯桃膠食下。不過我最鐘意既都係蛋糕珍珠奶茶，據我所知元朗就淨係得佢有賣。蛋糕當然唔係一舊蛋糕咁啦，而係一d Cream，兜勻係個杯邊到，夾落奶茶到係好正既如果個杯大d／多d cream就好喇

平時飲嘢通常都係飲珍珠嘅! 依間就特別啲，係加桃膠嘅，感覺上係健康啲。仲真係有水果係入面，飲完唔會更加渴，所以平時鐘意買黎消暑. 💦之前飲西柚桃膠真係真材實料，好正。不過今次就試下四季水果茶，入面仲真係有西瓜，橙，熱情果之類嘅水果，加左桃膠三十蚊。都幾大杯！兩個人飲，啱啱好。希望佢可以一直保持到！👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻🤣🤣🤣

新嘗試桃膠飲料🥤，桃膠係一種天然美顏食品，人稱平民燕窩🕊。估唔到元朗呢度竟然有台灣飲料賣桃膠🥤，咁我即刻揀嚟試吓。時間大約等左5至7分鐘，外型好靚好型😎，用一個好高身嘅杯裝住，火龍果嘅呈現紫紅色💜，裏面仲有塊香橙🍊、百香果杍，底下仲有一層滿滿的桃膠🤤，又大杯又抵飲🤣🤣。我叫咗少甜少冰，甜度啱啱好加上百香果嘅果甜味💕，又有桃膠一粒粒嘅口感😌，感覺一流值得推介👍🏻👍🏻👍🏻消暑解渴之餘仲可以美顏養生啊🤩顏色鮮艷，女仕必定一飲愛上❤️

由於太熱既天氣，好需要邊行返公司邊降溫既情況下，經過依間台式野飲店，叫左杯士多啤梨奶凍飲一啖！都幾香士多啤梨既味道、仲有一粒粒既奶凍林林地，佢整到士多啤梨得黎又唔太酸！下次又試下其他飲品

《#TANTEA》📍元朗民合徑8號幸福樓2期地下1號舖——————————————————🔹四季水果茶 $24茶底淡淡地但算清新 成杯感覺唔係好豐富 我都講唔出差左d咩水果有幾款 包括西瓜 橙 檸檬 番石榴 熱情果呢個價錢不過不失 叫做想飲水果茶嘅時候可以飲下 但未至於好好飲——————————————————整體6️⃣/10 回頭率5️⃣/10instagram: 90sfoodieshare .#食在元朗#水果茶

見到有人介紹佢係用桃膠代替珍珠，一來特別，二來好少飲品有。本身都中意食桃膠，周不時係屋企煮黎食，桃膠比珍珠彈牙，同珍珠一樣好好咬，最好既係桃膠本身唔甜，適合唔好甜既人。叫左一杯熱特濃桃膠奶茶，失望！佢係一杯暖過常溫少少既飲品🤷🏻‍♀️，心諗我嗌熱飲做乜？第1啖就係吸桃膠黎試，點知入口個感覺係一堆散左既物體，碎哂，係碎哂，好似碎哂既大菜糕咁！完全唔係食開個種！而且唔彈牙，零口感，非常適合沒有牙力的朋友，因為碎到唔需要再咀嚼。而茶本身，好啖.....一試就試得出係溝左水....仲話特濃😅而且茶味唔重，無印良品既奶茶粉沖出黎仲好飲過依杯....同埋杯野飲我望佢係一個大同深既透明圓盆「不」出黎...🤢個圓盆無遮無掩，完全無衛生可言。我當佢地係就收舖，質量差，下次可以再試多一次！

食完晚飯，9點幾想飲珍珠奶茶。本來想去的店舖已關門，隨意在附近找還開門的台式飲品店，便遇上「探客」。因為珍珠售罄，所以揀咗桃膠奶茶。桃膠口感有些像大菜糕，加落奶茶又另有一返風味。唔錯，值得一試