影片
已经帮衬咗好多年最钟意珍珠奶茶，茶味够浓真系有别于一般奶茶铺唔系一式一样嘅奶粉味虽然啲人话核胶好碎湿湿但我觉得ok😂芒芒百香果超好饮！夏天恩物！通常都叫走甜因为佢真系劲多芒果肉同百香果系入面唔洗加糖都够晒甜味最紧要系，懒系健康冇咁肥
继续阅读
不知不觉都见呢间探客开左好几年，出面太少有桃胶，所以最钟意佢地啲桃胶系列，比好多桃胶之余，仲可以选择唔甜，走冰咁！出面好多都唔比，水果茶真材实料，唔似有啲落水果酱！今次叫左个仙蜜百香果桃胶，睇个样都够仙气！走甜都好好饮，劲清新，少少酸，夏天饮消暑一流，另外极力推介抹茶桃胶！真心好饮！本人至爱！！！近来仲出左个青瓜苦瓜柠檬茶！又系一流！价钱唔贵大杯又好饮！认真好饮过好多大集团！有特式之余仲保持到水准！
继续阅读
好少地方有紫薯鲜奶就试咗几好饮饮一啖会有奶同紫薯一齐啜入饮管入面好正呀👍🏽👍🏽推荐大家饮另外屋企人要咗个珍珠奶茶屋企人话好好饮都会再帮衬👍🏽👍🏽
继续阅读
疫情期间, 已少了买茶饮, 因为平时都系想一路行一路饮, 依家无乜事都唔会喺街除口罩, 所以呢一年都饮少左好多~今日忽发奇想, 觉得好耐无饮, 所以就去左TAN买杯返屋企叹下~间舖喺元朗广场侧, 买完泰婆串烧再向前行就到, 间舖都开左几年, 主力桃胶饮品, 之后都不断加新款, 希望快D 加小食, 好多加D 高质鸡蛋仔, 因为呢边无呢.................. 今日天气回暖, 仲有D焗, 不过朝早起身都系清凉, 所以著左大褛, 所以想揾杯冻饮爽一爽. 拣来拣去, 拣左芒果多多奶盖, 等左一阵就有喇, 嗱嗱声返屋企饮返杯~ 好饮! 有种清香既味道, 奶同芒比例都几好, 我就唔会搞均嚟饮, 感觉上更natural merge .
继续阅读
夜晚7点零，原本想买沐白小农，去到竟然执左，于是打算去饮Aello，结果去到...无开。唯有兜去后边10米另一间，点左芒果多多奶盖$32。开头以为系芒果益力多奶盖，点半糖少冰。店员答话系沙冰来的，无得少冰。等紧既时候，都有6、7个人系附近等，都几多人帮衬。攞到手发觉好大杯，都几抵饮。味道OK，唔会太甜、有淡淡芒果香，奶盖都好滑，（有点甜味既芝士味？）有些特别，但唔够咸香芝士味。都可以既。6/10分。见到其他水果系列既茶饮都几特别、几吸引，有兴趣试下，下次吧~
继续阅读