影片
以上资料只供参考，请与餐厅确认详情
平时常常扫街、BBQ亦会是扫街首选。但很多店舖都只会一早烧好、到卖时返热烧多两下就这样交到客人手上。做生意讲求速度是很正常的事。但味道往往会被忽略、但对于我这样无聊的人大把时间亦不介意等一等。的而且确这店的BBQ的确等了很久我想大概应该等了20分钟吧。其实为了美食等20分钟亦无乜所谓。因为我真的不想每一餐也是快餐、做好食的食物真是需要时间。等待了20分钟结果亦没有令我失望、我点了的胡同小食拼盘每一件东西亦烧得很香口、而且很juicy.我一定会再帮衬。
继续阅读
「90后撑80后串烧小店🤘🏻」琴晚伪文青去了尖沙咀觅食，揾到呢间 #捌拾胡同 就试下个虾子捞面套餐$44 连两串盐烧牛粒串烧。牛粒串烧得刚刚好，少肥膏、少筋位，食到牛肉既😂而个虾子面份量都唔少，加埋个秘制酱汁，好香，略有少少咸😅但都可以接受既😆..三个90后吃货不断开心share美食💓 欢迎在不同的平台 继续留意我们的推介🙆🏼🙇🏼♀️大家亦可以向三个吃货介绍美食👻我们一定会去试👅#爱吃也爱分享 #三个90后吃货 #3bad_foodies#三个90后吃货_尖沙咀美食推介.捌拾胡同 (尖沙咀)尖沙咀厚福街9号豪华阁地下B舖
继续阅读
如果有睇之前食韩国野嘅负评，呢间串烧就系食完果间韩国野后，难食到嬲，再即时转场食的。我宁愿将食韩国野果餐饭嘅钱用喺呢度食，一定会满意好多！呢间串烧店就喺cotton on对面，铺位小小，门外得两个位置，不过见大部分人都系外卖的。睇左餐单，首先价钱唔贵。少少地点左几样野试下，因为都有唔少人叫外卖，所以串烧嘅制作时间都长，都差唔多等左15分左右黎齐~椒盐脆豆卜 $15先黎豆卜，价钱唔贵，而且豆卜烧得几好，脆口唔浓，加左啲酱汁，几好食。之后嘅串烧就一次过上。胡同鸡中翼 $18/3只 （3款味道可选：土匪、蜜糖、腐乳，$36/6只三款口味）鸡翼烧得唔油，不过土匪味道唔够浓唔够出，可能我本身钟意重口味。麻辣鸡肉串 $12鸡肉烧得比较干，有些少鞋，而且唔系好食到麻辣，个人认为一般。招牌玻璃猪 $14（优惠价 $24/2串）玻璃猪几特别，虽然系肥猪肉，但一啲都唔油腻，仲爽爽地。盐烧牛柳粒 $14（优惠价 $24/2串）呢个真系又平又好食！食落绝对唔系cheap cheap牛，认真食到有牛味兼肉嫩，而且一啲都唔韧！王老吉 $10/罐整体黎讲，觉得呢度嘅串烧质素唔错，以呢个位置价钱仲可以叫做平（可能因为冇乜位坐啦）经过会再黎食！食落都有些少大陆果种串烧嘅味道，不过我认为仲改良左，一来冇咁油腻，二来调味冇咁重，因为有时食大陆串烧，基本上就系食孜然粉味，呢度嘅串烧仲食到食物嘅原味~
继续阅读
一向都好钟意食串烧。有日行街见到个易拉架已经心郁郁想试。今晚同朋友饮完野又好似未够饱就决定黎试下，当食宵夜。尖沙咀租贵，一个细细既铺位只有两张吧凳，主力做外卖。小妹个人黎讲系好钟意地踎野，坐系街边我觉得几有feel. 睇完一轮，叫左个花甲，羊架，鸡翼，五花腩同捞面。当时差唔多十点，仲有宵夜优惠，十蚊一串。坐喺度等嘢食嘅时候，睇咗佢哋贴出嚟嘅新闻报道同埋简介。呢间店由几个年轻人夹份开，有一间铺做到依家尖沙咀有分店。报道有提及佢哋好努力去学师，返大陆揾唔同嘅调味料，所以对佢哋都几大期望。可能因为期望太大，最后系有少少失望。出菜嘅速度系我始料不及咁快，我心谂烧烤边有可能会咁快搅得掂。一试就试得出系预先煮熟然后再加调味料烧两烧。成串都孜然粉同辣味之外，咬开外面既皮就会试到入面本身好淡，冇乜点腌过，亦都唔系由生烧到熟，无乜咬口。再加上坐系到个时不断听到微波炉响，个心真系一沉。个捞面我无试，但系朋友嘅评价系一般。我好欣赏年轻人有勇气创业，但系系起步初期既储客阶段都咁取巧，将来就好难撑得住，再加上尖沙咀嘅饮食业竞争咁大，我真系唔太乐观。
继续阅读
去开尖沙咀心思思想去厚福街扫街，在加连威老道去厚福街的小巷发现呢间串烧小店@捌拾胡同，创业故事很有意思，就是五个八十后好友一起开业，胡同就是北京胡同，看到店面干净企里，好吧支持一下。分别点了牛柳串、鸡翼和翠肉瓜，串烧洒上北方的香草，真的与平曰街边串与别不同，很香味道又太strong,合香港人口味，牛柳串足分量肉质也不错，鸡翼香口，价钱也很合理平均$12-$20一串。值得再试，下次食串烧也不用特登去串烧店。
继续阅读