150
23
4
港铁大围站 A 出口, 步行约5分钟 继续阅读
电话号码
28840886
营业时间
今日营业
11:00 - 22:00
星期一至日
11:00 - 22:00
付款方式
Visa Master AlipayHK 支付宝 现金 八达通 Apple Pay
其他资料
当面支付
以上资料只供参考,请与餐厅确认详情
食记 (192)
最近去咗大圍依間「捌哥·馬拉籽」食晚飯,依間嘅食物出品唔錯,難怪我去到餐廳嗰陣時都已經係21:00左右,但餐廳內仍然有唔少客人,真係人氣小店吖!青辣椒蜆(單點$128),表面鋪有指天椒、芫荽,大蜆肉質飽滿,食落好新鮮,蜆肉雖然掛滿青辣椒蓉,但味道微辣,辣度2分。辣死他啦配參巴魷魚(單點$76),玻璃魷魚口感爽脆,略嫌鮮甜度欠奉,配以參巴醬食用,味道香辣;藍花飯;馬鈴薯口感綿密,配以沙嗲汁食用,食落好惹味;配料包括有蝦片、紅洋蔥、豆角、椰絲、椰菜絲。老鼠粉(單點$66),表面鋪滿肉碎、豬油渣、菜脯、香蔥、炸蒜、黑醬油、辣椒油,銀針粉容易掛汁,食落好香口,五花腩肉質半肥瘦,食落油脂味濃,魚片食落有鮮味。豬肚肉骨茶(單點$56),肉骨茶可以無限添飲,採用藥材、香料、黑豉油製作,內有杞子,口感濃稠,味道甘甜,略嫌味道偏鹹、鹹度7.5分,豬肚口感彈牙,食落好入味,配以指天椒、蒜蓉、黑豉油食用,味道更佳。咖央多士(單點$33),咖央醬嘅斑蘭椰漿味道清甜,內有牛油,呈半溶狀態,多士整體口感外鬆脆內幼滑,略嫌份量比較少、食落唔係即叫即製嗰種熱辣辣,只係微暖,若再烘大火少少、燶少少應該會更加好味。淨豬油撈飯(單點$16),豬油味道濃香。凍馬來西亞茶(單點$22),表面鋪滿泡沫,口感順滑,茶、奶比例均勻,甜度適中。 继续阅读
(以上食记乃用户个人意见 , 并不代表OpenRice之观点。)
等级4 2024-06-26
116 浏览
歐洲太高消費,貴到一日都食唔夠三餐一返嚟香港就好想食大餐,就二訪大圍呢間馬拉餐廳,上次食過真係好正㗎今次想刺激吓自己,嚟碗咖喱喇沙,湯汁非常濃厚有魚片、去咗殼嘅蝦(加分)、豆卜、薯仔等等,滲滲麵底好索汁呢度嘅肉骨茶都係必嗌,今次就試吓豬腳彎,有啲似一片片嘅燻蹄咁樣肉質彈牙又吸味,湯汁都好夠濃除咗廣東人食雞有法,馬拉一樣有芽菜雞,雞肉睇落好大嚿,其實食落好滑口,仲有大量芽菜環繞芽菜雞味道清爽,配上惹味嘅黃薑飯恰到好處魚仔醬啦啦個名好有趣,原來係蜆肉,將熟咗嘅蜆淋上魚仔醬,爽甜得嚟帶點嚟自醬汁嘅辣香,仲有啲魚仔咬吓𠻹原本想試吓炸饅頭,但牛油咖央多士嘅味力沒法擋,牛油之香完全同咖央醬和而不同,以焦脆嘅麵包夾擊,瞬間墮入溫油香晚餐唔敢飲咖啡住,飲馬拉茶一樣有南洋風味,少甜又真係會冇咁甜,啱啱好桔仔話梅水嗌咗味值大增,話梅同桔香同時爆發,消暑解膩 继续阅读
(以上食记乃用户个人意见 , 并不代表OpenRice之观点。)
等级4 2024-05-01
259 浏览
位於大圍嘅捌哥‧馬拉籽 特色馬拉茶啡廳,地方雖然唔係好大,但無論門面及內在嘅環境都充滿馬拉色彩。一入去,已經比牆上嘅壁畫吸引住😍Menu內的馬拉美食選擇非常之多🥰,以肉骨茶為例,已經有多種配搭選擇👏🏻👏🏻👏🏻真係樣樣都想試啊😜✔️細滲~肉骨茶($106)肉骨茶可以任Refill👍,我地揀左細滲,貪佢有齊所有材料,樣樣都可以試,細沙鍋承載着排骨、豬手、金菇、豆卜、雞腳、豬肚等材料非常豐富,而且完全吸收晒肉骨茶嘅味道,中藥味適中,不會過濃過淡👍,私心❤️推介🤩✔️辣死你嗎配生炸全雞髀($92,黃薑飯另加$5)大圍店獨有,賣相好吸引,色彩繽紛,大大隻炸雞髀,外皮夠乾身酥脆,黃薑飯配埋參巴醬嚟食,好夾👍仲有D啲咖喱薯仔,好入味,我連青瓜🥒、小魚乾同雞蛋都食埋,好夠飽😋😋👍✔️玻璃魷魚蕹菜($58)店舖人氣之選,玻璃魷魚🦑 魷魚色白透明似玻璃,入口彈牙有咬口,淋上特製辣汁及炸蒜,好惹味👍😋😋✔️檳城福建🦐蝦麵($84)湯底非常濃郁,蝦香四溢,配料亦相當豐富,有虎蝦、魚片、腩肉、雞蛋、芽菜、蕹菜等,份量都唔少,配埋用蝦製作嘅辣醬,超級惹味,好滿足🥰✔️馬拉沙嗲串燒(豬、牛、雞任你配搭)($64/3 串)我哋各嗌咗一串,肉質帶有炭燒味,香甜惹味嘅沙爹醬係靈魂所在🥰,當中我覺得豬肉最好食,咬落口多左一份油香🤤✔️檸檬薏米水($30)清新去濕,連薏米都食晒😆✔️冬瓜龍眼茶($30)清甜解渴,寧神去濕之選。@bagus.kawanku 🌴捌哥‧馬拉籽 特色馬拉茶啡廳📭大圍積存街14號兆苑地舖(大圍站 A 出口)☎️28840886 继续阅读
(以上食记乃用户个人意见 , 并不代表OpenRice之观点。)
等级5 2024-04-25
637 浏览
🗿今日同魷魚妹一齊返工,咁開心一齊返工緊係食吓好西先喇。其實熊妹一早都聽聞過大圍積存街有好多好吃小店,一於去覓食下😋。📌成日食西餐Cafe,發現有馬來西亞菜《捌哥 · 馬拉籽》,又真係好少食,可以一試。📌店鋪唔算好大,望落去有3-4張二人枱,不過燈光鮮明💡,感覺好亮麗✨。📌原來有樓上雅座,估唔到有兩層喎!樓上無左廚房位,感覺就闊落啲。📌牆身畫左幅好靚的黑白素描畫🎨,畫出古時年代的生活紀載📝。📌餐牌有多款星馬泰菜式,喇沙🍜、串燒🍢、小食🍤、肉骨茶🍗、咖哩飯🍛、海鮮🦀等等,林林總總,花多眼亂👀,價錢仲要非常親民,$4-50就有一款,又唔使加一,好簡單就可以食到馬拉西亞菜,夠晒平民抵食🤑!鮮牛油咖央多士,$38馬來西亞菜必點小食,咖央多士,簡簡單單的馬來西亞特產咖央醬甜甜地,夾埋塊黃甘甘的鮮牛油🧈,烘熱了的多士熱力🔥令牛油少少溶化,食落去,脆得來又鹹又甜,真係油脂爆燈💥!玻璃魷魚蕹菜,$58蕹菜類似番薯葉🍃,菜葉多菜莖少,面頭仲鋪滿一大堆玻璃魷魚🦑,份量都幾多,咬落去爽口又唔韌,仲有炸蒜、胡椒同豉油調味,調味方味做得幾好。我知你啦薄餅配娘惹咖喱雞,$68星馬菜緊係有咖哩雞,咖哩雞🐥一碗有3-4舊連薯仔🥔,辣度適中,雞肉唔算好鞋口,成舊咖哩雞點薄餅🫓食真係好滋味!魚仔醬啦啦,$54好特別的一款小食。就係秘製魚仔醬撈蜆,蜆肉一碗份量都幾多,係細蜆肉size,中間放上一大堆魚肉醬,味道濃烈帶點甜辣🌶,撈埋蜆肉好惹味!值得推介!一字骨肉骨茶,$86食星馬菜點少得肉骨茶?一字骨🦴最好不過。一個熱盅呈上,原來係一人份量,三大舊一字骨🍖,大舊到好分明咁睇到一層肥肉脂肪跟一層瘦肉的間距,然後就係一條骨,肉骨茶鹹得來又濃藥材味🪵,仲有幾粒紀籽的酸甜中和返味蕾,身體頓時感覺到行氣和血🩸的感覺,相信冬天飲的時候一定好取暖養生💆🏻。娘惹喇沙,$84顏色非常鮮豔的一碗喇沙,色彩繽紛到真係有七款顏色,紅色辣椒🌶、橙色大蝦🦐、黃色豆卜同魚片🍞、綠色青瓜絲🥒、藍色碗邊圖案❄️及紫色洋蔥絲,就咁望到都興奮😝!配料來説,大蝦的做法頗為驚喜,係有油炸過,令到蝦肉爆出來,食落蝦殼都好脆口,呢份蝦做得幾有試意!值得一讚 👍🏻!選了米線做喇油麵底🍜,滑嘟嘟的米線浸入喇沙湯底,索哂湯汁,驚喜地喇沙湯充滿椰奶味道,所以無咁辣,連埋多款配料食,真係大滿足。馬來西亞茶(凍),$22魷魚妹好鐘意飲泰國奶茶,當然都唔會放過馬來西亞茶🧋,點了少甜少冰,唔算太甜,馬來西亞的茶葉茶味🍂都幾濃郁同出,就算加了糖,都仍然好出茶味道,果然係招牌飲品。📌簡單的小吃到主食都充滿馬來西亞菜的特色,成日食西餐,再轉食下其他異國菜式,確實有另一番風味🍁! 继续阅读
(以上食记乃用户个人意见 , 并不代表OpenRice之观点。)
等级4 2024-04-22
451 浏览
大圍站附近都幾多抵食嘅餐廳,今次行入少少食咗間馬拉菜,主打肉骨茶,質素好唔錯,價錢合理,想試吓正宗馬拉菜,可以去try try😆🔸細滲 $106呢度有好多款肉骨茶,想每樣試吓揀細滲就啱晒!材料有一字骨、豬手、雞腳、三層肉、豬肚、豆卜、金菇等,都幾豐富!馬來西亞肉骨茶係黑湯,藥膳味明顯~ 呢度嘅肉骨茶湯頭濃厚,好易入喉,而且個湯仲係任添👍🏻 推介一字骨,肉質有咬口又唔嚡!🔸砂煲老鼠粉 $98呢個老鼠粉好惹味好好食!而且份量好多!入面有魚乾仔增加口感,調味係偏濃,但又唔會太鹹,老鼠粉條條分明,少少煙韌口感,撈埋蛋一齊食好正!🔸咖央多士 $33麵包烘到好脆好香口,咖央味稍為不足,多啲醬就好!🔸馬拉沙嗲串燒 (3串) $64揀咗雞牛豬各一,即燒幾惹味,沙嗲醬好多,但唔會好鹹,有啲青瓜解吓膩,幾好!推介雞肉!🔸玻璃魷魚蕹茶 $58又係要叫個菜食吓先得😂 應該係第一次食蕹菜,口感幾爽口!魷魚都幾彈牙!但個醬有啲辣,唔食得辣可以叫醬另上~🔸桔仔話梅水 $30叫咗走冰,少少凍啱啱好!呢杯飲品有啲驚喜,好好飲,唔太酸又唔太甜,味道剛好!又解渴! 继续阅读
(以上食记乃用户个人意见 , 并不代表OpenRice之观点。)