影片
营业时间
今日营业
11:00 - 22:00
星期一至日
11:00 - 22:00
*最后落单时间: 21:15
以上资料只供参考，请与餐厅确认详情
相关文章
琴日终于嚟食到大名鼎鼎嘅挽肉と米！男朋友做一个星期假定闹钟book枱，book咗琴日嘅晏昼两点。其实我𠮶阵时隔咗10分钟再去睇个website都仲有位🤣而家应该冇以前咁难book-一去到门口就有大约10个人排队等Walk in，book咗枱嘅好处就唔使天时暑热喺度干等😛入到去有部自动点餐机点餐，我哋就叫咗两个set、一个薯仔沙律、一杯生啤、一杯冻乌龙茶一坐落嚟，店员就会问你有冇食过。我哋第一次食，就介绍咗少少食法同埋有啲咩配料，同时都有张纸仔俾你望住每个位置都可以见到师傅喺度烧汉堡扒，烧㶶咗𠮶啲佢仲会抌咗佢🥺（心谂可唔可以俾我食😆）首先嚟咗个薯仔沙律同埋两杯饮品。薯仔沙律落咗啲吞拿鱼蓉同埋洋葱，个人认为偏咸，配埋饮品就刚刚好，但我觉得就唔洗试都得一个餐总共有三旧汉堡扒，食到最尾唔够你都可以出去点餐机再加汉堡扒都得😋师傅𠮶边有个wooden block mark住你食剩几多嚿不得不说，个汉堡扒外皮少少焦脆，一咬开入边好多汁Juicy，调味都刚刚好，一开始食觉得唔使点任何调味料都其实已经好够味👍🏻-因为食三嚿汉堡扒，每嚿都就咁食就有啲寡，所以其实调味料都好紧要！！我每一只调味料都试咗，我最钟意都系豆拌酱油+蒜碎😋我男朋友就强烈推荐豆拌酱油+蒜碎+油渍青唐辛子，无论系配汉堡扒定系捞饭食都好惹味👍🏻最后𠮶碗白饭攞咗只蛋嚟捞饭，记得要分开蛋清同蛋黄，净系用蛋黄嚟捞饭就够啦～如果唔系个饭就会太湿。蛋黄都系推荐加埋豆拌酱油同埋蒜碎一齐捞饭，超好味，食10碗饭都得-总结：一开始好肚饿，觉得自己可以食4块汉堡扒（本人都算系大食个边），但最后食完3块其实都好饱（我每块汉堡扒都配一碗饭嚟食）。所以建议大家食完先再谂使唔使再加点汉堡扒～如果book咗枱嚟嘅话，我觉得非常值得嚟食！要排队就不了～不过而家咁易book枱，我觉得都可以再encore
继续阅读
终于扚起心肝1星期前嘅早上10:00上网订位，一早预备好姓名、电话、电邮、信用咭资料。但过程都唔系太顺利，原先拣左理想嘅时间7:15pm，但入完信用咭就弹出画面所选时段已经无位，再重新拣左8:00pm，又再重入一次资料，终于成功。睇返订位网，大概10分钟时间，即系大约10:10am，较理想嘅午饭同晚饭时间都已经full左，所以大家预约记得要把握时间。餐厅位置对于唔熟悉IFC嘅我真系有d难度，因为揾唔到指示点样上天台平台，用埋google map由中环码头到餐厅，用左廿几分钟。提醒同我一样唔熟悉IFC嘅食客记住预留时间到达，因为餐厅只留枱10分钟，迟过10分钟会当no show，cancel 。到达餐厅，门口都仍有人等walk-in入餐厅，到我地离座时都见到有大约3对couple 可成功入座。我地入到餐厅根据店员指示先向左，行到自助点餐机，自选食物、饮品及付款，然后先正式入座，开始朝圣之旅。吧枱设计让你可以清楚看到烤汉堡扒嘅过程，亦方便与店员沟通、要打卡亦容易；但系坐就唔算太舒适，建议轻装嚟食，因为无咩位可以摆手袋，大褛亦只能挂喺餐厅侧边嘅衣帽架。店员服务非常好，会先讲解鸡蛋、水嘅自助位置、餐枱上及坐位前柜桶嘅摆设。期间亦可轻松叫到店员帮你加饭。总共有3件汉堡扒会逐一奉上，第一啖汉堡扒根从建议直接享用，但温提系要温柔地咬，因为肉汁真系好丰富，慢慢嘴嚼先可以感受到肉汁慢慢流入喉咙嘅滋味，牛味极浓郁，油脂香浓而唔腻，再放回饭面，试吓唔同嘅调味，个人就觉得配埋最简单嘅盐，就已经可以令肉味更突出。而配上生酱油就令肉汁味更浓，捞饭就更好食。第二件汉堡扒根据指示配上萝卜泥及柚子醋，可能已经无左第一次食嘅惊喜，味道依然系好食嘅，但说不出特别好味之处，唯一可以讲到系萝卜泥味道几鲜，水份充足，混合多汁嘅汉堡扒一齐食令浓郁嘅牛味稍稍中和了，混和白饭一齐食，反而突出了饭香。最后一件汉堡扒建议混和生鸡蛋一齐食，朋友唔系咁好生鸡蛋，所以感觉麻麻。我自己就几钟意果种滑滑嘅质感，不论系肉或者饭，沾上蛋液后都更易入口，美中不足系鸡蛋没有预期嘅超级蛋香，稍稍扣了分。不过配埋生酱油一齐食，淡淡嘅咸香又可以令鸡蛋、肉汁、肉碎、饭，四者味道完美融合，既香且浓，因为蛋液、酱油嘅缘故，令每一啖入口更湿腍，感觉肉汁变得更厚。整体评价系好食嘅，汉堡扒(其实佢厚身嘅程度，我觉得形容为大肉丸会更贴切)烤熟嘅程度掌握得恰恰好，外层微焦更脆口，而咬开又会见到微微嘅嫩粉红色，肉质嫩滑。采用了日本米，饭香果然系特别易辨识到，而且入口非常软糯，配上肉汁丰溋嘅汉堡扒同食系会忍唔住食到两至三碗饭。店员个个都非常有礼，面带笑容，令整体用餐气氛融洽。但系坐位设计唔会适合chill & relax，以及进食嘅繁忙度(意指要品尝不同食法、不同调味配搭)令整体嘅感觉会好似有d催赶咁，纵然店员唔会催还枱，但系就系感觉无办法慢慢叹。
继续阅读
日本过江龙挽肉と米唔经唔觉又开左第二间分店，初步相信多左间应该冇之前咁爆场，趁假日即约了友人胆粗粗冇预约挑机中环分店，早点大约11:50去到，等左半个钟到有位，同预计时间差唔多。先付款后入坐。设有衣柜挂外套，防止弄污及吸味。餐厅系玻璃屋设计，楼底高，落地玻璃引入自然光线感觉舒适，装潢以木系为主，围炉座位，环形吧台设计，中心位置是炭火烤炉，可看到厨师即场烤肉，新鲜现烤，再迅速送到每台客人的烤架上，务求即时送上最新鲜的美食给客人享用，呢个格局都真系几有心思。自助柠檬水位置。自助鸡蛋位置，每位一只。座位的柜内有餐具、配料介绍及食用方法说明。枱底有个钩个挂袋，前方烤架两旁为自家制配料。(入坐后店员会略略介绍下嘅。）挽肉と米套餐，$148，有3件汉堡扒+白饭+ 味噌汤。第一件，原汁原味。100%日本牛肉的现烤汉堡扒，不加任何调味料直接食，汉堡扒多肉汁有肉香，外层有炭烧焦香味，好juicy又美味。米饭选用秋田县秋田小町米，烟韧香软带黏性，汉堡扒送饭食，米饭吸收其肉汁更美味。第二件，配以萝卜泥和自家制柚子醋。萝卜泥铺在汉堡扒上再淋上柚子醋，清爽的萝卜泥配合柚子香气更增添食欲。添饭。第三件，生蛋拌饭。添多碗饭又继续，打大佬嘅时候，大部分打卡都系生蛋打落汉堡扒上，变左个玩意，符碌咁成功左趁未跌即影🤣，打散蛋液加入酱油伴饭，口感黏稠有蛋香，十分丰富。伴食的配料试了两款:青唐辛子盐渍柠檬，颇酸的柠檬味，淡淡的咸味，清香之感。香炸煎碎，蒜香味浓又脆口。梅子醋渍白菜，口感爽脆解腻。
继续阅读
之前喺日本涩谷千山万水食过，之后知道喺香港开左一直都好想试下系咪同日本一样。点知朋友请食lunch生日饭就book左呢间。知道依家开左一段时间上网订位仍然非常难订，所以大家真系要俾心机。一黎到都系同日本一样喺门口拣好俾钱再入座终于等到第一旧，但望落同日本既颜色有唔同，无烧得咁鲜色，系比较暗哑，size都好似系细啲。而食落第一啖系无日本咁Juicy，同埋牛肉既肉味唔系好够突出。到店员俾埋最后一旧，就出现烧得过浓既情况，因为食落系食到浓左既炭烧味。中途有加其他酱料，因为喺日本食过既椒麻酱，所以好期待香港既椒麻酱。但食落同日本系有差别，因为香港既色好似唔系鲜色，唔新鲜咁。总括黎讲，价钱做到同日本差唔多，但吃落唔会有太大惊喜，可能喺日本食过，所以有对比，会觉得日本既质素系高啲，同埋店员无俾细碟放酱料，所以只可以直接加落饭到，如果订位无咁难，可能都会试，但要上网预订咁困难咁就可以等到无咁难订先食，另外成个presentation ，日本黎讲系日本优胜好多。下面呢张系喺日本涩谷店当日食既。
继续阅读
长期排队、Online book长期full的一间日本过江龙汉堡店！建议7天前网上订座，需付按金！非繁忙时段，数天前预约也可以～香港挽肉と米的餐单以一款套餐（$168）为主，套餐包括三件炭火现烤的和牛汉堡扒、任添白饭、味噌汤、鸡蛋、萝卜泥和柚子醋，带来极致的味觉享受。此外，挽肉と米还提供多种自制酱汁和配料，如生酱油、青唐辛子盐渍柠檬、油渍青唐辛子、椒麻酱和梅子醋渍白菜，让客人可以根据自己的喜好为每件汉堡扒添加风味。📍挽肉と米 (中环)中环金融街8号国际金融中心商场4楼4011号舖 ［中环地铁站直达］
继续阅读