拿督星加坡大排檔

营业中

休息中

之前聽聞呢間好出名，所以經過就去試吓食。中午去到餐廳見到好多人都喺度食緊，要排一陣隊先可以食到。對呢間餐廳都幾有期望。但期望太大，食完有點失望。首先，份量唔係好多，食晒成碟感覺都唔係好飽。第二，唔啦係好夠熱，如果溫度熱啲會好食啲。第三，雞扒燒得好乾。雖然整體味道都OK，但應該唔會想再食第二次。

之前在觀塘舊碼頭食過1次，水準唔錯，但非常之可惜執咗。知道在駿業街重開，已經mark 低要encore 開張第二日試過，由於新開張好混亂，岀品不似預期，但值得原諒。今日同朋友再去試，12:45分去到，居然只得10 幾個人🤔🤔，同之前人山人海比較，差咁多嘅😢😢心裹不禁想走，因為後面個間海悠爆到要等位，但朋友話既然來咗，就俾多次機會試下叫咗個海南雞飯及大細腳撈麵海南雞非常之嚡，飯又唔夠入味，絕對水準之下😔😔大洗腳撈麵 ，呢個味道唔知點解食唔返之前嘅味道⋯得個咸字🥲🥲總括嚟講，水準比之前舊碼頭差咗好多，我也想知道原因，但短期內應該唔會再返轉頭!

觀塘碼頭附近熟食市場的拿督結業之後，先過去北角，然後回歸觀塘區的熟食市場，的確這樣的做法能夠讓餐廳經營的成本更低，而且附近工商大樓林立，比原址更容易吸引到吃午飯的打工仔。之前在結業前的水準直線下滑，今次重開，還是招牌菜來看看水準有沒有回復，分別是大細腳也就是煲豬腳雞腳，以及黑豉油撈粗麵。前者煲得相當入味，黑豉油甜而不太鹹，膠原感滿載，可惜的是豬腳份量不太多，而且取的位置也沒有太多皮和肉，份量有點取巧，至於雞腳的軟腍剛剛好；後者配上咖喱牛柳，還是那個老問題牛柳份量不多，咖喱醬汁夠香，但質感太稀，粗麵彷彿像湯麵一樣受浸，粗麵本身撈起來也算乾爽，黑豉油入味也令到鹼水味不多，總括而言比最後一次光顧有改善，但還是有進步空間，當然在客似雲來的情況之下，有沒有時間給廚房準備又是一個問題。After closing its location near Kwun Tong Ferry Pier, this Singapore style restaurant moved to North Point before returning to Kwun Tong. This move likely redu

叫咗個豬頸肉加沙，個湯稀到好似水咁，又無味，重衰過自己屋企即開嘅加開既湯底個豬頸肉食落去腍pat pat , 究竟要落幾多梳打粉，或者煮咗幾耐先會將個豬頸肉整到咁腍？食落去一啲質感都冇。。。食咗個魚肉炸豆卜，唔錯既，唔油同埋啲魚肉好食

幾年前已經book咗呢間餐廳，嗰陣仲係觀塘碼頭嘅年代，後尾到北角開，都一直未有機會食，因為只開平日晏晝唔做星期六日真係去唔到。而家開喺觀塘，終於撞啱可以去到，早幾年一直睇食評吹到真係好正，對佢真係好大期望。喇沙我自己覺得係唔得，湯好稀，味道都一般，油面米粉就正常，賣相就完全唔吸引。海南雞飯，雞就冇乜海南雞味，偏向白切嗰種感覺，就有香料味唔錯嘅。大細腳豉油撈粗，叫做最惹味，豬腳雞雞腳都炆得腍同入味，撈粗啲汁比較稀，呢啲份量相對少。腐竹薏米冰，就係腐竹糖水，但係杯上，偏甜，但係都算好味，好足料。但係呢間嘢要好早就排隊，朋友1200排，好似都1230先有得入座。份量質素普通，個別食品性價比低。但個日雖然樓面好忙，但店員都好有禮貌，呢個值得讚。

雖然定價唔算高，但是湯麵類例如喇沙蝦麵份量少得可憐, 雖然應有嘅材料是有的但是粉麵方面太孤寒，如果佢哋唔想俾人覺得份量少建議用個細啲嘅碗。落咗單之後再後加飲品要收原價，一啲彈性都冇🙈

同事話想試佢個黑醬油撈麵好耐所以就去試試佢第一啖已經鹹到開咗眼🫨個豬頸肉又係好鹹 仲整到叉燒咁 好硬好鞋成碟粉味道上係零層次只有鹹 仲要係死鹹平時食野愈食愈鹹已經好想死但呢碟野係每一啖都想死好彩有嗌野飲但係咪完全睇唔出係美祿恐龍呢🙂仲要+$10完全唔值不過冇叫嘅話就會鹹死所以呢$10都算係救咗我一命🙂同事食嘅香茅雞扒係完全冇味個撈麵就一樣鹹到搞唔掂另外有同事試咗叻沙碗湯係啡色嘅 食落係咖喱味 冇椰汁味完全唔知自己食緊d咩食過之後唯有話可一不可再未食嘅就奉勸各位 不可一不可再