拾悦咖啡 (已結業)

火炭真係冇咩好食，行咗幾個圈都唔知食咩好，見到OpenRice呢間Cafe都幾多好評，位置都好偏僻，喺商場入邊🤣 Lunch Menu價錢都偏貴，由$70至到$85不等，包一杯嘢飲嘅。🍴照燒雞扒天使冷麵 $75 (7/10)賣相幾靚，天使麵份量唔算好多，雞扒都有完整嘅一塊，雞扒正常，唔係煎得好嫩，比較鞋身，甜甜地，有照燒汁嘅味道，第一次食凍嘅天使麵，呢個配搭幾新奇，都幾有創意，天使面酸酸甜甜，落咗麻醬同埋醋汁，都幾清新，加埋啲沙律菜完全好似食緊沙律咁呀，一啲都唔Heavy，女仔食啱啱好但男仔食應該唔夠飽啊。☕️凍日式咖啡 +$5 (6/10)加咗$5飲咖啡，下面係奶上面係咖啡，都整得幾靚，咖啡都正常，冇話咖啡味特別濃同埋鮮奶味好出，普普通通啦，唔需要特別加錢去飲。推薦指數: 6.5/10朋友食嘅鰻魚飯佢話唔好食，啲飯太淋，鰻魚質素都麻麻地🤣🤣偏遠地區來講都算OK嘅，Lunch價錢偏貴，嘢食嘅質素都還好，唔會特別推薦大家特登去食，如果大家喺嗰邊冇咩好食嘅話就可以試吓嘅。

以喺火炭地段嘅餐廳來講呢度算係偏貴，小店質素，餐廳食品種類都唔算特別多，午市套餐有幾款意粉，雖然佢白汁真係幾香濃，但係要80幾蚊，價錢真係有啲貴，性價比唔係特別高，而且佢啲飲品種類好一般

不是想評價對錯 因為我很理解作為商家面對高舖租需要盡力翻檯做多啲生意。今日是大學同學生日 她在火炭工業區返工 中午得一個鐘lunch time 我趕去同佢慶生食飯 我到左餐廳門口 同學告訴我落樓行過來好近 所以餐廳負責人同我講要人齊先可以入座 我告訴他同學2，3分鐘就到 可否我先入坐 佢答可以。坐低2分鐘 隔離窗位空左出嚟 我詢問可否換去窗位 我可以自己執檯（唔係因為同學生日 我唔會係lunch time餐廳最忙的時候提呢個要求）佢話：唔得 你可以出去重新排隊。我係有啲唔開心 打比同學問佢想食乜我落單先 餐廳唔耐煩了 同學話1分鐘到 但都叫我落單先。於是我就叫佢寫嘢 佢唔耐煩的語氣：等等 然后就去左Serve其他人 然后我又提佢一次 佢又答：等等 又去左Serve第二檯 之後佢過到嚟問我：食咩（語氣唔太好）我指Menu（因为我都唔开心了 唔想讲嘢）佢突然講：你唔想食你可以走。我愕然......（講真唔係因為火炭真係選擇唔太多 同學又得一個鐘Lunch time）我重申：商家面對高舖租 又係食飯高峰時間 我好理解商家的不耐煩和營業壓力 但可否有小小 小小人情味。我也不是不願意在同學生日的

話說今日我朋友先到坐底左（12:50左右到左），我飯趕過去途中，店老闆一直問我朋友你到底幾時齊人呀？（態度非常不友善），之後我朋友同老闆講就到（13:05），我朋友見窗口邊有位，問老闆可以轉窗邊位嗎？結果換來好唔禮貌講：‘你出去啦’，第一次想去，換來咁既服務太態囉，老闆其實可以友善同我朋友講如果未齊人在外面等齊先入都無問題姐，我地都習慣人齊先入，習慣排隊啦，但無必要咁差態度同語氣講野，連個‘請’都無囉，都唔明仲有咁多人去食。

呢間cafe 係火炭番工既一定都食過🤣因為係火炭為數不多既Cafe 之一，舖頭唔算好大，但勝在環境舒服，性價比高。服務態度不錯👍🏻日野食黎講都好有質素架，最中意食卡邦尼意粉，好濃好香☺️☺️份量都岩岩好，倍感滿足☺️☺️除咗意粉佢仲有啲飯食，我朋友就叫咗個滑蛋鰻魚飯，都好好食👍🏻👍🏻每次黎都令我驚嘆既係佢杯Latte ,拉花雖然唔算好實，但係都算靚，見到心情都好好！飲落都唔輸其他咖啡店架☺️☺️☺️

距離我公司有啲遙遠嘅玻璃屋，入邊嘅呢間咖啡店，質素非常之有保證，食咗三次，三次都冇令我失望。其中一次食嘅，我覺得要特別推介，就係呢個雞扒天使麵。唔好睇個名以為佢係熱食，其實佢係凍食嘅，我第二次去嘅時候，見係凍嘅，就冇揀到，第三次佢就諗住點都試吓啦，點知非常有驚喜，而且最好食嘅就係佢。佢用嚟撈天使麵嗰個汁，係有少少酸酸地，類似啲黑醋嘅感覺嘅，再加埋照燒汁雞扒，非常之Juicy，同埋個照燒汁係甜甜地在配搭埋撈天使麵隻汁，非常開胃，竟然一個女仔都可以食晒成碟，仲有啲雞扒好大件，分量十足，雖然價錢喺火炭來講係貴咗少少，都要成70幾蚊，不過呢個質素，我非常願意比。😋😋🤤🤤

最近多左去火炭, 因為時間太趕, 每次都去幫襯泰式海南雞飯, 已食厭😂 今次有多d時間, 決定去沙田商業中心搵好野食! (沙田商業中心係火炭囉…)經過門口裏面無人, 只有一個人正在叫外賣, 我以為準備打烊, 好彩還未。 入到去地方唔算細, 有一邊近玻璃窗, 都坐得幾舒服; 好快要決定食咩, 呢個和風滑蛋特級豚肉飯又幾特別喎, 配豚肉既係燒汁, 但我食到鰻魚汁味🙊 豚肉好嫩, 配合滑蛋黎食口感剛剛好。點了一杯菊花蜂蜜綠茶, 真係有幾粒菊花係面, 唔太甜, ok!

餐廳係商場轉角位，唔大間，如果坐滿人都有少少逼。份量以一個女仔黎講都可能夠，但男人食就肯定唔夠。兩款意粉都幾好食。冷麵係最好食，但好似最細碟。以份量黎計佢都偏貴，午餐價都平均75蚊。但見佢外賣價錢低d，可能就抵食d。

火炭地膽表示有一間cafe頗好吃，這天特別約了另一位朋友一起挑戰，cafe比想像中小，所以很快就滿座。這裡的午餐全部都是意粉和飯，看似很多選擇其實只是換了食材。和風照燒滑蛋特級豚肉飯 $72以為這個飯驚為天人，上桌後又點嚇到，感覺很普通，蛋是滑的，但豚肉口感有點油膩，好想吃粉團一樣，照燒醬是唯一令我覺得很和風的部分，米飯完全沒有日本珍珠米的感覺，連飲品也是相當簡陋，這個價錢實在是不太值。

十月。拾月 巧合有一間餐廳與十月有關係，正因它的名字叫「拾悅咖啡」室外設計寫意舒服，地方不算大，一到中午食飯時間就吸引很多人前來 點餐後很快上菜，等待時間不長，就算來到沒有位置也會願意等候。。熱貢菊蜂蜜綠茶。 跟餐會附送特定飲品，味道清新，香氣怡人。。和風照燒滑蛋特級雞肉飯。 雞肉配照燒汁味道已經不錯，再加上滑蛋和珍珠米飯一起食，好味道。和風照燒滑蛋特級豚肉飯。 豚肉非常肉嫩，配上照燒汁味道絕配，加上滑蛋和珍珠米飯，好味道一口接一口吃光， 我已經無限次重食這個也不覺厭(笑)。和風滑蛋照燒鰻魚飯。 照燒鰻魚無得彈，同樣有滑蛋，配合珍珠米飯，好味道好快清光光。檸檬汁煙三文魚天使冷麵。 外觀很味，立即令人心花怒放，也是相機食先的動作，配搭沙律及醬汁，味道不錯， 單單是沙律有時會覺得乏味，配上天使冷麵可以增加口感和飽足感。忌廉白汁野菌蝦味意大利粉+蒜蓉多士。 算是清淡健康的二選，忌廉白汁意大利粉配合不錯，裡面還有野菌，對我來說份量有點小。蕃茄拿破崙煙肉野菌意大利粉。 蕃茄味道不錯，有小蕃茄、煙肉和野菌，增加口感，麵夠軟身，但同樣不多在火炭工業地區要找寫意的CAFE不多，這個也是不錯的選擇

今日lunch time去探朋友 佢知我鍾意食意粉 帶左我黎哩間 鋪頭唔算好大 可能都多人食 兩點去到有啲餐都賣哂 叫左個煙三文魚意粉配蒜蓉包 意粉份量好足 好重芝士味 汁多 唔會乾爭爭 配料好多 蒜蓉包都食得出係即製的

#拾悅咖啡#支持小店#文青#打卡#必去#樂食人生1⃣日式特級豚肉冷天使麵 $69-3大塊軟腍日式豚肉-酸甜千島風味冷天使麵-輕食健康之選-份量好多好飽肚，男士都一定夠食推薦度。7.5/102⃣All Day Breakfast $92-煙三文、火腿、煙肉、蜜糖雞中翼、牛角包-超大份重量級-大胃皇必點，不過就肥膩咗少許推介度。7/10分所有套餐均包一杯特飲，正正子地址：火炭山尾街18-24號沙田商業中心1樓16號舖

今日係公司一年一度嘅Stock take, 又到lunch Time醫肚嘅時間， 10年唔來一次火炭嘅我，今日跟咗同事黎食一間裝修幾特別嘅cafe！午市餐牌照燒日式雞扒天使冷麵賣相幾靚，同事話雞扒都幾淋。和風滑蛋特級豚肉飯同事話豚肉唔滑，少鞋！和風滑蛋照燒鰻魚飯同事話蛋好滑，可惜鰻魚細咗少少。墨魚汁碎蝦珍珠帶子蟹柳意大利粉賣相都唔差，但係蝦同帶子就唔係太熟，唔夠熱。我都唔敢食晒驚肚痛。凍百香果泡沫咖啡朱古力沙冰

店內裝修布置頗有情調，落地窗可觀街景。但 空間狹窄， 而且座位不多， 不建議繁忙時間到訪。環境乾淨。點了一個煙三文魚黑醋雜菜沙律配牛角酥和一杯咖啡。賣相漂亮。咖啡酸味太重，加了奶和糖依然难以入口，不喜歡。牛角酥上桌時熱辣辣，外脆內軟，有牛油香味，且份量十足，推薦! 煙三文魚調味不錯，不會過鹹，但份量太少，只有兩三片。 黑醋沙律還可以，沒有特別的地方。性價比一般。食物衛生有待改善，竟然被我在沙律中吃出發泡膠粒!

我地放假唸住火炭 食又有parking ,但又一定要八達通付錢...食完個餐，但過左$250 又唔可以用話餘額不足 .個老闆堅持唔肯分單要我地自己去增值 。indeed I think for a small cafe the boss should more flexible but not just insist not split the bill 好唔friendly don't go again . super unfriendly And not helpful 食物質素可以so far so good was a