拾味正宗刀削麵館 (渣甸街)

依日系铜锣湾渣甸街找到一间食刀削面嘅拾味正宗刀削面馆，从未食过嘅刀削面，真的好期待。入到店内，装修简洁，地方虽然唔系好大，但有种正宗刀削面嘅感觉。睇吓餐牌先，刀削面可以自由配搭，多款𩠌菜、面食、上海菜饭、滋味小食及饮品等，选择都几多。麻辣牛筋腩牛展刀削面       $72店舖主打刀削面，当然点嚟试吓啦！刀削面即叫即制，见到师傅即场削面，面条软滑，烟韧有弹性，充满面粉香味，汤底清清地带点蔬菜甜味。选择咗两𩠌有牛筋腩及牛展(+$10)，好黏口既牛筋，充满胶质，牛腩炆至软淋，有少少咬口，两款酱汁非常入味，下次一定要再来。麻辣东坡肉猪软骨刀削面         $72另一碗刀削面配麻辣东坡肉及猪软骨(+10)，汤底清甜，刀削面烟韧有弹性，拣选少辣既东坡肉，肉质入口即化，带少少麻辣，猪软骨口感软绵，配面好夹，越食越滋味。姜母茶      (+$8)热热既姜母茶，带些辛辣，姜味唔会过浓，与甜度都啱啱好。Zero     (+$8)食麻辣配冻饮最夹，冰冰冻冻，口感好爽。…查看更多

铜锣湾美食众多，同朋友行左阵就拣左呢间刀削面食，口水鸡+生菜🥬 刀削面猪软骨+生菜+牛筋腩 热拌刀削面热饮，冻豆浆都唔洗加钱😎🤣👍🏻刀削面面条好有筋道，食落好有口感，口水鸡肉质都嫩滑，唔会好重口味，猪软骨都够入面淋身，最正系牛筋腩，劲软腍，每一啖都系骨胶原，劲满足，热拌好岩重口味既人，够哂惹味另外仲叫咗个小食，越式春卷🤨劲出色，外皮好酥脆，每咬一啖都脆卜卜咁，入面既馅料都好饱满，值得一食🤗…查看更多

呢间刀削面之前去过湾仔分店都唔错，今日同朋友去咗铜锣湾店！下午茶餐真系平靓正，$28起已经包埋饮品，另外仲有面餐大约$50！上海水饺刀削面份量都好大碗，水饺大大只，汤底好够味，刀削面都切得好有功夫，削到都好长，而且又唔会太碎👍🏻食落去有种烟靭嘅感觉上海云吞年糕上海云吞系菜肉云吞，配汤年糕一齐食，加埋啲汤饮非常滋味！酥炸云吞即叫即炸好酥脆，而且又热辣辣！平时食开点甜酸酱，但系点千岛酱都好夹！郊外油菜蚝油菜心，家常小菜之一，食菜多啲纤维冻咖啡冻柠檬茶…查看更多

放工想简单食碗面，见到呢一间食山西刀削面几特别，仲有个师傅即叫即整刀削面，几新奇，就入咗去试吓。餐牌除咗汤面仲有拌面，拌面都有冷热两食。 我同朋友都拣咗汤面，贪佢湿湿地，夏天易入口。汤面好大碗，刀削面口感扎实，有咬口，食晒一整碗真系超级饱，配料方面都有好多选择。我哋试咗云吞同埋水饺，仲有口水手撕鸡同埋蒜泥牛腱。我就最钟意牛腱，薄薄一片一片，肉嘅部份松软入味，筋部份烟烟靱韧，最重要系蒜泥超级香，啱晒我重口味。口水手撕鸡都唔错，啖啖鸡肉配上爽口青瓜丝，好清爽嘅感觉。我哋仲嗌咗个小食酥炸云吞，炸得好酥脆。热辣辣，脆卜卜，沾上千岛酱好滋味。食完之后饮返杯更餐嘅热辣辣香浓豆浆，感觉满足。…查看更多

3个人用餐，一行入门口明明成个场半空，有空闲店员却无人上前招呼。自助入座之后店员随便放低左份阅读性颇低嘅餐牌随即就离开左，决定好餐点之后先至被告知其实顾客需要自行扫二维码落单，咁点解唔一开始就讲？明明落单网站容易睇好多，其实3个人做完嘢已经好饿仲要有呢啲无谓嘅拖延，服务令人体验好差餐牌上明明注明「即叫即削」本身令我好期待，但落单后第一碗面食在3分钟内经已出菜，令我地对宣传及承诺真实性心生怀疑，但毕竟落左单又上左菜人又饿，点知另一个同行嘅朋友喺面食度食到胶丝状不明物！同店员反映后非但无道歉，对方只关心「证物」曝光急住收走胶丝并表明只可重做一碗净面，但俾一碗面俾就快食饱嘅客有咩意义呢，甚至碗内本来有嘅𩠌都差啲被没收实在无谂过满怀期待行入一间餐厅但系极度失望地离开，唔敢再帮衬…查看更多