拱照車仔麵

营业中

休息中

雞絲炒飯，炒飯有鑊氣，用的米也好好食👍🏻可惜所用的雞粒，完全冇味，口感彈牙，不似真雞肉口感。雞肉毁壞了這碟炒飯，可惜。餐廳菜式選擇不少，除了有車仔麵，亦有各種炒粉麵選擇。略嫌餐廳內燈光較暗，如果能再光明一點，會坐得更舒服。

仲以為佢同香港仔係同一間，不過經查詢之下，據知佢已經將香港仔嗰間賣咗比香港仔分店，因此佢呢間估計係原有東主出返嚟灣仔再開的吧。不過其實味道都差不多，份量都同樣非常多，即是我叫三餸，油麵份量相當多，都非常爽身，不會太過堅硬，豬大腸份量較多，夠煙靭，乾淨企理；齋的份量也不少，不過確實冇咩味，不像咖哩齋或酸齋，沒甚特色；腐卷夠硬，爽身，內裏質地也算是幾彈牙麻辣汁非同小可，辣得來非常之惹味，不過是辣到你身體冒汗的那種，唔除褸食得完的人真叻😂不過以灣仔區來說，$30-40可以吃飽一餐，而且不算份量太少，簡直難得

去灣仔食晏，要搵到一間價錢相宜，而且味道唔錯嘅餐廳，真係唔係太多選擇，呢間拱照車仔麵就係其中一間性價比唔錯嘅！價錢同埋食物質素都OK！佢每日都有四個款式唔同嘅精選午餐任君選擇，而今日我就食佢嘅黑椒薯仔牛扒雙腸飯，兩塊牛扒大大件，肉質又唔硬，配上黑椒汁更加帶出牛扒嘅肉味，腸仔就正常發揮，40幾蚊lunch係灣仔嚟講我覺得係比較相宜嘅餐廳。另外佢都有隻好可愛嘅貓店主叫做叮叮，如果大家真係去幫襯的話，你可以留意番隻貓，佢都好痴人㗎！

見客順便食早餐, 然後見到呢間餐廳最近又無及個人就自然行入去. 一入去打算坐入面卡位, 然後個阿姐就指住個門口位'謂'我示意我坐那邊.已經有點不高興, 明明得幾個人坐大把位係要逼曬一度, 然後即刻問'叫乜?' 我就看餐牌啦, 之後佢就'摺'一聲行開, 駛吾駛咁呀又吾係熟客點會即知.之後有個西裝佬入黎直接坐我原本的位置, 個阿姐無出聲然後直接等個阿叔點野. 之後我叫點野完全當我透明, 然後就無然後我直接行出去無食.

試咗佢個椒鹽豬扒飯，加杯紅豆冰。椒鹽豬扒真的唔錯，加上佢個秘製蒜蓉辣椒，性價比十分高，紅豆冰都幾好，雖然甜咗少少。現場環境就普通，但簡簡單單一個午餐，都係唔錯嘅選擇。

是日去食lunch，叫左一個牛𦟌麵同一個星洲炒米，牛𦟌好淋，但個麵幾難食。星洲炒米水準唔錯，足料夠火喉。飲品叫左熱檸蜜同凍檸茶少甜，就一般茶記水平。午市人多，會趕人，但店內侍應態度親切。但門口派位同收錢店員（疑似老細）冇乜禮貌，埋單125蚊，收左我地500蚊紙，找返75蚊... 然後同佢講找錯數，仲粗聲粗氣咁話“收左你一百蚊咋！”，解釋完先死死地氣找返岩數，全程冇講過一句唔該、多謝或唔好意思，間餐廳多得佢唔少。

最近用錢比較多，out budget 哈哈今晚放左工特登搵平價晚餐食但又唔想食垃圾食物快餐，想有啲飯落肚就黎左呢間茶餐廳除左平常小菜之外呢度仲有個特別平既$42晚餐可以揀蒸肉餅飯，叉燒炒蛋飯，或者蒸鯇魚飯配細湯加野飲或者大湯今次我揀左叉燒炒蛋飯一大碟頭飯咁上份量好足夠，夠哂飽同埋超多蛋! 岩哂鍾意食炒蛋既我明明蛋都唔係貴但係好少地方可以食到咁大啖大啖既炒蛋哈哈今次的揀左細湯同茶走湯我覺得一般，不過$42跟餐就無得挑剔啦叫做有啖湯飲下茶走都ok，正常茶餐廳水準環境方面就都係普通茶餐廳setting同standard不過啲姐姐態度幾好 😊

拱照小菜午餐係lunch一個性價比高選擇 呢度嘅黑醋豬排係每次必食 甜甜酸酸的豬排 好開胃 豬排一d都唔韌 份量十足拱照的炒蛋都好正 炒蛋好滑 唔老 再配上特製醬油 無得彈 好適合撈飯 大滿足

灣仔「拱照車仔麵」！好少有咁早食車仔麵做早餐，又好少有咁好食嘅車仔麵早餐！牛肋條做的炆牛腩，柔軟又多汁，夾雜少少軟淋牛根，味道介乎紅燒與柱候之間，總之是好味便是！平常我多吃自家製炸魚肉雲吞（超級正！但有時過咸！），怕熱氣！不可以經常食，今天發覺有豬粉腸，好在有試，竟然煮得好食過老媽子煮的，用料質素非常之高，完全無異味或苦味，處理得好好！粉嫩香甜！充分發揮出豬粉腸的優點和鮮甜！好感動啊！重要包一杯冰涷黑咖啡，全部加埋...$34-咋！食完咁精彩嘅早餐才去開工，打滿油！出發！#街坊小店系列#少米粉Pls#仲有自家製美味蒜頭辣椒油或者麻辣辣椒油任用#SocialGatheringVenue

午市很多時候都在灣仔區用膳，這次的午餐是車仔麵。自選三餸車仔麵 - $48 (連餐飲一杯)車仔麵來說價錢並不便宜，但份量相當充足，食物質素亦算不過不失。墨魚丸 魚片 柏葉 粗麵 腩汁腩汁的牛腩味很濃 墨魚丸彈牙而且有豐富的墨魚味 不會有太多麵粉味魚片的味道則不太突出 但口感尚可柏葉爽口麵底用料不俗齋 豆卜 腐卷 粗麵 咖哩汁咖哩汁調教得不錯 不會太辣或太咸 適合作車仔麵湯底齋和豆卜可以用作吸收湯底的味道 非常不錯腐卷香口

今天和朋友兩人去拱照茶餐廳食醒晨早餐。我喜歡去這間茶餐廳的原因是早餐款式配撘多選擇，有公仔麵、車仔麵及廣東粉麵等等，價錢不貴，食物份量多。這餐廳就是性價比高，所以早餐時段客人非常多，座位比較擠迫，不過侍應分配坐位得宜，我們兩人都很快安排到位置。我點了早晨套餐，魚片頭生麵配香腸煎蛋烘多士（烘底加$2。）好少有茶餐廳有呢種早餐配搭，廣東粉麵加西式煎腸蛋，灣仔區茶餐廳算是少見。等了5分鐘就有得食，湯麵有5件魚片頭，咬落去好彈牙，魚肉味重。生麵都煮得好好，沒有梘水味，不會煮得太腍，麵湯底不會好咸，我自己加了一點紅醋。煎香腸和煎蛋正常，與一般茶餐廳水準不相伯仲。烘多士上枱時已經塗好牛油，烘得好脆。飲品點了杯凍齋啡，凍齋啡夠濃夠大杯，無一般咖啡既酸味，幾好飲。整體來說，食物幾滿意，下次會再來。

又到左食晏嘅時間，夏天太熱都唔係好想食飯所以揀咗一間車仔麵食。睇餐牌見到，拱照車仔麵唔單只係食面，仲有飯或者餸食。我叫咗個三餸車仔麵，就係咖喱魷魚、牛柏葉同埋蘿蔔油麵。睇顏色就以為有咖喱汁應該好惹味，其實味道都幾淡，加埋咖哩都冇乜味，而油麵亦唔係好煮得透，硬硬地又黐埋一舊咁不過就蘿蔔又幾甜，無乜筋，牛柏葉份量都多。而佢嘅飲品，今日可能杯用晒，佢用即棄嘅杯去裝，呢樣野就真係要扣分喇

12:30pm 到仲有三張4人枱空，－入去呀姐就指我－個好逼嘅角落坐。雖然－個人，但都唔洗揾最逼個位俾我呀？我是但走咗去其中－張空枱坐下，呀姐立刻好大聲話：－個人坐尼度。於是我起身，見有個在走廊旁的搭枱位，就問下可唔可以坐。ok 左。終於可以叫食物了，無曬蒸魚腩，就食凉瓜牛肉吧。無大驚喜也無大失望，份量足夠。檸檬茶好澀下，所以我就無飲曬。包嘢飲$46，係尼區算便宜了，所以都好多人食。但食食下又要我搬位，感覺真係好煩，都係周圍揾下其他食肆有無好野食好過。

又搬返黎金鐘呢邊食飯啦😭閒閒哋都收我60-70蚊⋯我啲人工就黎俾我食晒啦🤦‍♀️如果得我同我best friend 食，我哋就會黎拱照食車仔麵。講真拱照坐得真係唔係幾舒服，好迫啲位好細，但真係好抵食。$46有一個小雜錦車仔麵仲有熱飲跟，你睇我張相就就呢個小雜唔少嘢，女仔食實夠飽。有蘿白、魚蛋、春卷、豬紅、豬皮、紅腸⋯多到嚇親，真係啱晒啲心多多唔知食咩餸好既人。最欣賞佢個蘿白，夠晒清甜。我諗我會每星期都黎食一次🤣又平又好味～

細細個已經好中意食車仔麵，而家車仔麵一啲都唔平lu!!! 呢間拱照除左車仔麵之外，仲有碟頭飯，價錢均真，而且材料份量都好好！如果午膳12:30前可以離坐仲可以平$10架（指定午餐）不過我最中意都係黎食車仔麵，$46 三個餸送熱飲！我就有少少選擇困難，個個餸都想食！所以有揀左呢個「小什會」。即係咩都有少少！有魚旦，紅腸，蘿蔔，菜，豬皮，豆卜，豬紅，腐卷。每樣都有1-3件！一樣係$46 真係好抵食！味道方面都係唔錯架！大家一定要記得加腩汁！（免費）同埋推介腐卷！！雖然係加工製品，但真係好食！😋😋