拉麵台風

营业中

休息中

好耐冇食過拉麵啦，同太太都好似有啲心癮咁🤪尋晚我哋就去左呢間位於荃灣高人氣嘅「拉麵台風」食拉麵🍜小編去到已經見到門口有大約10位客人等緊位啦😬魚介豚骨拉麵 $78 + $45特盛配菜組合 + $18 半熟蛋 + $12 可樂份量非常多，相當之大碗嘅熱辣辣拉麵🍜而且湯底十分之濃郁！配料亦好多！啲筍好爽口！叉燒又香又腍😋流心半熟蛋真係相當正👍再加埋特盛組合 真係唔係咁簡單呀🤪小編食哂成配 都已經飽到上心口😂伊台風 $98 + $18 半熟蛋 + $18 烏龍茶呢碗拉麵🍜係由魚介豚骨+蕃茄芝士湯底雙劍合璧而成😬又另有一番風味喎😋 味道都相當之唔錯👍可以再encore🤤

以前成日食荃灣呢間台風，終於等到新舖開，即刻安排時間過黎幫襯😆黎到都係人氣依舊，7點都係大排長龍，排咗半個鐘入到去，座位比起以前多，亦闊落坐得舒服咗。🔸魚介豚骨沾麵（特盛 $133）沾麵可以揀凍/熱，咁我就揀咗個熱嘅麵底，啱晒冬天食☺️特盛有一隻溫泉蛋，大約6塊紫菜，微辣嘅芽菜，竹筍，同埋兩塊大大塊嘅叉燒，份量唔少🫶🏻沾麵湯底出色😻🔸魚介豚骨拉麵（特盛 $123）湯底濃郁魚介味，仲比埋魚介粉，加入湯底之後令湯底味道昇華😽麵條轉咗款，感覺更加有味道，推薦一試👍🏻

呢次星期六lunch hour嚟到台風R，排咗差唔多20分鐘，試咗兩款特色拉麵，分別係魚介豚骨拉麵同伊台風（魚介豚骨x蕃茄芝士雙重湯底）。魚介豚骨拉麵（$78）魚介豚骨湯底係台風R嘅招牌，湯底濃郁得嚟充滿魚介嘅鮮香🦐，同豚骨嘅油香完美結合，每一啖湯都係滿滿嘅層次感🔥。麵條係中等粗幼，掛湯能力一流，仲有叉燒、糖心蛋🥚同紫菜嘅配搭，簡單而經典，唔會出錯👌。不過略嫌湯底偏鹹🙈（之前食過沾麵仲鹹😂）伊台風（$98）伊台風就係創新之選，魚介豚骨同蕃茄芝士湯底嘅結合係一個大膽但成功嘅嘗試🍅🧀！蕃茄嘅酸甜加上火炙過嘅芝士，唔止得魚介豚骨嘅鹹味，有驚喜✨。麵條一樣夠掛湯，仲有蕃茄粒，令整碗麵更加豐富有趣，值得一試👏。糖心蛋優惠❗️❗️如果你係一個拉麵愛好者，食滿3碗拉麵，仲可以憑單據換取一隻糖心蛋作獎勵🎉！呢啲小心思真係會令回頭率提升～👍。整體評價台風R嘅湯底真係值得一讚，無論係經典嘅魚介豚骨定係創新嘅伊台風，都表現出色💯。個人特別鍾意呢種粗麵質地，配料亦都唔會馬虎，特別係伊台風嘅雙重湯底，好適合鍾意試新嘢嘅朋友💕

以前每個禮拜都會去幫襯，搬咗新鋪後，已經唔同以前。首先講服務，以前走小店風格，D侍應個個都ok有啲仲幾nice；新鋪已經唔覺有以前D人（除咗間唔中見過下以前舊鋪個日本仔外），好似已經換晒人。Fine，但D侍應個個木口木面，尤其男性侍應⋯⋯再講野食。依家細碗咗，叉燒得番數唔到係一定兩片仲要係薄薄咁，配菜加晒價。幫襯過幾次，感覺已經好唔同，而依家發覺新鋪亦冇以前咁多位人排，好多時去到即有位兼且唔full，自己亦漸漸改去另一間人氣拉麵店。

呢間拉麵台風係一間喺荃灣開業多年嘅人氣拉麵店，平時行荃灣最出名嘅天橋或者搭巴士果陣都會成日經過見到，相信呢間拉麵店已經成為咗唔少人眼中嘅地標！聽講餐廳有時仲會有日本師傅駐場添啊，係正宗嘅日式風味啊～特盛魚介豚骨拉麵💰HK$123成碗拉麵超豐盛！足足有6片紫菜、兩片肥瘦均勻嘅日式叉燒、一整個半熟蛋、荀同埋芽菜！麵質韌性十足，而且掛湯能力高，特盛仲可以免費加麵變為200g麵添！湯底更加係整碗拉麵嘅精華所在，充滿住濃厚嘅魚介同埋豚骨風味，但同時又做到油而不膩，不愧為餐廳嘅招牌拉麵～紅色暴雨拉麵💰HK$88辣到揀咗小辣，味道係微微辣，唔會因為太辣而蓋過湯底嘅味道，仲係感受到好濃郁嘅魚介豚骨湯！推薦食得辣嘅朋友仔，挑戰吓呢到嘅9號風球辣🥹麵因為簡咗100g麵，所以可以按照個人喜好去換返半份配菜返來，另外仲有半個半熟蛋、一片日式叉燒、炙熱叉燒粒、荀、一片紫菜同埋芽菜，口感層次滿分～半熟蛋💰HK$18辣味芽菜💰HK$15微辣嘅味道再加埋爽脆嘅口感，同拉麵超夾～可樂💰HK$12另外，每張枱仲擺咗唔同嘅調味料，有蒜蓉、辣椒油、黑椒同埋七味粉等等，可以按照個人喜好加落去個麵到！個人最推薦呢到嘅辣椒油，甜甜

多年前到訪過荃灣的人氣拉麵店「拉麵台風」經已搬遷到附近面積更大的新店，今天路經荃灣順道尋回久違的拉麵味道；店內錶上動漫海報並放置大量動漫模型，一直播放著日文歌曲-🔹午市魚介豚骨拉麵 $78午市附送配菜半份/飲品，+$45 配特盛配菜組合 (腩肉叉燒1塊、紫菜5塊、半熟蛋半隻、筍半份及芽菜半份)；拉麵可選 100-200g (選 100g 可額外獲得配菜半份)，300g 則加 $10小店招牌拉麵款式，湯底濃稠而不油膩；長長的腩肉叉燒肥瘦相間，緊嫩軟嫩且帶豬肉鮮香及炙燒味道；半熟蛋嫩滑而蛋香濃郁；筍絲粗切幼嫩，芽菜爽脆充滿麻油香，紫菜保持脆感；順滑的拉麵掛上濃鮮不腥又不死鹹的魚介湯底，甚有沾麵的風味-🔹午市伊台風 $98午市附送配菜半份/飲品，+$45 配特盛配菜組合 (腩肉叉燒1塊、紫菜5塊、半熟蛋半隻、筍半份及芽菜半份)意式風味拉麵，為魚介豚骨搭配番茄芝士的雙重湯底；軟綿細滑的芝士搭配鮮香的番茄及濃郁的魚介湯底，酸甜平衡更添味道層次，愛好番茄人士不會失望

#pb食在荃灣 #pb日式系列 荃灣人氣拉麵店搬新舖🍜呢間位於荃灣大河道開業12年嘅拉麵店經常大排長龍 絕對係荃灣地標之一🤪 佢前幾個月裝修左 搬左新舖 環境大左👍🏻 店內以動漫為主題 周圍擺滿好多Figures 亦有好多動漫漫畫😍 店內座位雖然都幾多 但平日夜晚有機會要排隊等下🥰.佢主要有4款拉麵 包括魚介豚骨拉麵、紅色暴雨拉麵、骨膠原撈麵、伊台風😋 普通份量價錢$78-$98不等🤪 特盛份量會有埋配料 價錢$123-$143不等👍🏻🔹特盛魚介豚骨拉麵🍜🔹特盛魚介豚骨沾麵🍜推介❤️ 魚介豚骨湯底口感偏厚身 味道好濃郁 但又唔會有漿口嘅感覺👍🏻 拉麵麵質彈牙 沾麵有得揀凍 / 熱🥰 特盛份量包左辣豆芽、腩肉叉燒、紫菜、半熟蛋、竹筍😍 特別一讚佢嘅腩肉叉燒 肥瘦適中 肉質好淋😋.整體✨ 呢間開業12年嘅荃灣拉麵店一向好受歡迎 最近裝修左 環境大左、闊落左👍🏻 佢主要有4款拉麵 今次試左招牌魚介豚骨湯 湯底厚身、濃郁 拉麵麵質彈牙😋 一定會繼續支持佢🥰拉麵台風 (荃灣) · 🤝🏻🤪荃灣大河道85號寶成樓地下9號舖

桃芝冇夭夭，放工梗係要出嚟賀一賀佢荃灣呢間拉麵店，仍然排長龍㗎！不過裝修完，多咗位，好快就入得去食胃弟一見到呢碗紅色暴雨級辣度，就好想挑戰呢個難度，向桃芝致敬咁話特盛唔加錢可以揀200g拉麵，一上檯真係滿碗紅坐喺對面嘅大胃都聞到陣辣除，怕辣嘅大胃食佢兩啖，以麻居多但好快辣味就由喉嚨深處回湧，太厲害喇大胃都係安胃守己咁食佢地嘅招牌魚介豚骨拉麵，最多嗌埋特盛食飽啲魚介粉鋪喺麵上，有微辣芽菜亦有足足六塊紫菜，撈勻嚟食湯底好濃魚味特盛嘅話一碗有成三大條叉燒，索晒豚骨精華，又香又綿筍都係大大條，同樣入晒味好爽口溏心蛋勁靚仔，連湯食雙重享受每檯都有水可以任斟，亦有調味可以自由添配。但一見到鹽味梳打，就覺得好打耳，飲落又真係幾趣致，甜甜鹹鹹幾得意

「有咩係日日食唔厭⁉️ 日本拉麵🍜」呢間拉麵店其實大家都認識，就係屹立喺荃灣多年嘅人氣拉麵店，新店嘅裝修好光猛闊落，入面仲有好多動漫元素，我諗店主一定鍾意睇漫畫，所以一入去就好似去咗轉日本咁，即刻嚟兩碗拉麵試吓先啦！🐟🐷魚介豚骨拉麵 $78🌪️台風的定番拉麵，必試！首先講咗湯底先：豚骨混合魚介風格，質地係偏向濃稠，所以一入口會感受到好濃郁嘅鹹香味，但係唔會太鹹食唔到，湯質地好順滑易入喉，仲食到小量黑椒味，紫菜上面仲加咗勁多大地魚粉？係一個貫徹日式風格嘅拉麵！麵質本身偏粗身同硬，但好在煮得啱啱好，所以呢個拉麵軟硬啱啱好，都掛到小小湯，隔離仲放置咗蒜蓉、辣醬、七味粉、黑椒，可以再調配自己啱嘅口味，但係即使唔加調味，味道都已經足夠！🐷叉燒勁厚切，表面已經見肥膏，屬於五花腩嘅部，喜歡食肥叉嘅朋友唔好錯過啦（即係我）！仲有芽菜同埋筍，加埋一齊食冇咁單調，筍屬於長條型，入口爽甜，唔會有臭筍味，🥚糖心蛋保持水準，全部一齊食可以增加口感！🍜呢個拉麵建議要混合所有野一齊食先至好味，我仲加咗少少辣粉🌶️增加風味！✨🐟🐷特盛魚介豚骨拉麵 $123一樣嘅湯底 - 特盛內含追加：叉燒1塊，紫菜5塊，蛋半隻，芽菜、筍

早排喺社交平台見到荃灣嘅人龍拉麵店 @ramentaifu.tsuenwan 終於翻新好一直都想去試，隔咗幾個月今日終於嚟到。😎呢間拉麵店屹立咗喺荃灣12年，區內區外嘅人都認識，不過佢之前嘅舖頭座位比較狹窄，可能食得唔太舒服。😣而家翻新咗成個環境光猛咗、座位亦都比較闊落。😚同時加入咗一啲動漫嘅元素，左邊嘅牆身更加搵咗Shinn Uchida 老師繪畫，真係一幅大型藝術作品。🥰🥰🥰所以整體嘅感覺都被之前嘅格局更加好。魚介豚骨拉麵 （+辣味芽菜） $93先試佢嘅湯底，一樣保持水準，濃香嘅豬骨味，之後仲會食到魚介嘅甜味，同堅節嘅煙熏香。☺️第一啖，感覺層次都幾豐富，佢嘅面質比較粗身彈牙，麥香中等，掛湯力不俗。👍🏻配料上比較特別嘅係佢哋嘅叉燒，佢哋嘅叉燒隨着店舖翻身亦都改良咗，採用豬腩肉慢煮製成，肉質軟腍，帶炙燒同醬油香味。😭😭😭另外佢哋嘅蛋同筍都好唔錯，尤其是佢哋嘅筍偏長條型，爽中帶甜，冇臭味。推薦鍾意食筍嘅朋友嚟試吓。😍另外小編自己加咗辣味嘅芽菜，撈埋落去個拉麵度，間唔中會食到啲爽口同辣椒香味，非常推薦。🤌🏼🤌🏼味道：8.4/10魚介豚骨沾麵 （+紫菜） $115沾麵嘅配料其實大同小異，唯獨

喺荃灣屹立咗12年嘅翻新拉麵店＂台風＂🍜主打魚介湯拉麵🍜裡頭充滿動漫氣息壁畫、海報及Figure店內貼心提供髮圈及圍裙，食拉麵就唔會彈到喇！✨魚介豚骨拉麵$90/100g必試！經典魚介豚骨濃郁鮮味，湯頭稠身好飲（料叉燒、紫菜、蛋、京蔥、筍）🍜特盛伊台風$143 /200g有蕃茄粒、叉燒、紫菜5塊、蛋、芽菜、筍各，芝士等⋯用料十足，鰹魚蕃茄濃湯，酸酸甜甜好開胃🥓慢煮叉燒約長20cm，半肥瘦入口溶化🍜粗身麵條煙靭感彈牙同埋掛湯！！✨留意👀拉麵份量可揀「100g-300g」）🌿+$12 烏龍茶

喺荃灣12年嘅拉麵店翻新咗轉左大舖試吓味道有無變先!.特盛魚介豚骨拉麵 呢度最出名係魚介拉麵魚介混合豚骨湯底味道香濃麵有100g/150g/200g揀麵質好似無舊舖咁粗但係都唔會太硬或太軟叉燒燒得夠香夠腍最出色係筍好嫩滑好少覺得拉麵嘅筍咁出色.特盛伊台風拉麵蕃茄芝士魚介豚骨加左蕃茄會fresh少少番茄味幾突出同時飲到出豚骨湯底同魚介香塊叉燒有芝士更加香.拉麵台風地址:荃灣大河道81號寶成樓地下7號舖

真係好耐未嚟過荃灣台風食拉麵，以前成日過嚟，我諗都好多年冇嚟過。鋪面裝修咗，位置多咗好多，但我地等咗好耐先入得，出邊又熱，仲要少少冷氣風都驚死流出嚟咁。食返佢嘅骨膠原拉麵，好食都好食，但係好似比之前差咗啲嘢咁，面質冇以前咁彈牙，啲肉冇以前咁好食，有啲鞋，整體都OK，只係冇之前一食覺得好出色。

係荃灣區，有好多街坊同隱世既拉麵店， 其中我最愛的，就係係美食專區路德圍附近既台風拉麵店。 餐廳唔係好大，得10幾個位，一兩個人去就最好啦。我地6點到去到，就已經滿座， 要食下一輪， 不過都唔係等左好耐就入得啦。餐廳職員好友善熱情， 仲有日本人廚師， 心諗食既拉麵好正宗。 餐廳款式唔係好多， 但一定有一款你係喜歡既。我就叫左碗沾麵， 等左唔係好耐， 一放到枱， 嘩好大碗呀， 份量好多， 拉麵多過一般拉麵店， 男仔女仔一定飽。而且， 湯頭濃郁， 一淡一淡好滿足， 拉麵好掛汁，又多料， 真係好好食。我一定會再幫襯呢d 咁有heart 既餐廳。價錢又唔係好貴， 食完一定有驚喜！🤩

以前排晒隊嘅拉麵台風，搬咗新舖之後唔使排隊。店內環境比之前更寬敞，感覺更加舒服首先店舖好貼心咁樣有圍裙可以穿着，令我啲白色恤衫人可以放心咁索拉麵。照板煮碗叫招牌魚介湯底，湯頭濃郁起晒膠，魚的鮮味同極彈牙拉麵幾夾，順帶一提拉麵係可以叫250 g份量或者150 g份量，我叫咗150 g都覺得好飽至於叉燒，雖然略顯肥厚，但飽腹感十足。肉質軟嫩，呢點係最緊要！咬落去時入口即溶、汁液四溢叉燒軟腍同拉麵彈牙讓整碗拉麵更加豐富。總之，拉麵台風多年冇食，份量有增無減，環境上改進好多，食物的水準都keep到。趁新開唔使排隊，值得過黎朝聖一下。