影片
营业时间
今日营业
08:00 - 20:00
星期一至日
08:00 - 20:00
以上资料只供参考，请与餐厅确认详情
食家推介
招牌菜
呢间舖头简直系香港人嘅童年回忆，今日经过尖沙咀分店，见到有紫米方包，只系$9半磅，即刻买咗方包味道香甜可口，有淡淡紫米味，唔需要搽面包都好好食。其实舖头好多嘢，性价比都唔错,下次经过会再买其他
继续阅读
同朋友约好咗喺附近去玩，但又未食得切嘢，就去咗买PIE & TART食。呢间有咸批有甜批，但我都系觉得食佢嘅咸批比较有特色，因为甜批好多饼舖都有做，但咸批除咗鸡批都真系无咩喺其他地方见过。我今次食咗个法式薯仔粟米批，十八蚊大大个，食一个已经够饱咁济。个薯蓉调味好足，入面仲有少少白汁嘅感觉，食落唔会太干身。加埋我好钟意食粟米，所以有啲甜甜哋嘅配料做点缀整体加埋食得好开心！不过我觉得佢个挞皮做得唔系太好，非常薄，又唔系脆嘅口感。本来以为可能系曲奇蛋挞皮𠮶种感觉，但佢太薄啦，唔太觉得系饼底有存在感。同埋佢馅料比得好足嘅程度系食到最后一啖都仲有薯蓉可以食得到～下次如过唔想食太饱附近又有PIE&TART嘅话都会再过嚟买！
继续阅读
紫薯 tart本身对紫薯甜品 唔太喜欢，但朋友话唔错，咁好啦，就试一试。基本上个 tart 皮 同鲜奶tart一样，而中间嘅 紫薯 饀料 好似瀑布咁倾泻出嚟，味道真系有紫薯味，唔假，而口感同鲜奶tart一样滑溜鸡批疫情前，只倾情 鲜奶tart 😆疫情时，先开始食鸡批到依家，质量冇乜变，鸡肉饀料好足料，面层焗皮好有口感、松脆咖喱牛肉批朋友钟意个咖喱嘅辣度，而且牛肉饀料唔少，好满足
继续阅读
Intro: 全港都有P&T嘅专门店，而呢到嘅挞类都保持到水准，虽然近年嘅价钱都加左唔少，但都仲算系一个价钱相宜嘅甜点，今次就试下佢地最出名又最平嘅鲜奶挞。___________________🍽 鲜奶挞💰 9 ⭐️ 8/10✍🏻 挞嘅鲜奶味几香浓，口感仲好湿溜溜；✍🏻 挞皮真系好脆，连埋鲜奶咁食嘅话，有脆又淋嘅口感；✍🏻 挞嘅大小正正常常，如果有新鲜出炉会更好。___________________🏠 Pie & Tart Specialist📍 各大P&T分店⭐️ 8/10___________________
继续阅读
经过尖沙咀 加连威老道 闻到一阵好香嘅味道 吸引咗我过去， 价钱竟然吓亲我竟然 价钱都唔会好贵 大大件，款式又多，我唔系一个食批嘅人，胆粗粗买咗一啲苹果批同埋鸡批 点知一时之下 竟然有特别嘅惊喜。之前食𠮶啲苹果批 就算系大品牌嘅都好似有一阵药水味 苹果肉又少 但系呢一个满满嘅苹果肉有一阵好香嘅香味真系用新鲜水果呢做 我非常满意 亦都介绍咗畀我嘅屋企人同埋朋友。至于鸡批 皮脆肉嫩用料新鲜 好可惜嘅系我去到嘅时候排队最后一个鲜奶挞俾前面𠮶个人买咗 我又赶时间 下一次我一定会 𠮶个鲜奶挞。。值得一提嘅系员工非常友善 帮我包多啲卡妥妥当当 所以之后我都多买几个送俾亲朋戚友。。。
继续阅读