影片
食记 (23)
其实食物质素不算差,如果以$30-40元有一个set dinner 已经是很丰富。不过令人最失望的, 是有一位女侍应 (相信做了7年以上)的黑面态度真的不要得, 例子: 1.永远没笑容,只有不想做的态度 2.没反应,没对话 3.客人入门口就会目瞪口呆黑面 4.放食品时发脾气 5. 经常等d 年轻的同事waiter去忙,自己坐落收银处. 6.当人收回找赎时问是否有特价,就面黑黑回应: 特左啦!! 平左啦 !! 计左啦 !! 永远不会有 “多谢” 。一星期都总会有时有新朋友及同事来这里, 都不约而同地指 真的好没礼貌… 不过,其他男waiter 就很好…完全没想到这女侍应可以长期坐镇这店,,,, why why
继续阅读
好耐冇食过扒王了~~!!!可能对上一次系mk冇啦啦想食扒去左mk o个一间食个经验唔系太好....搞到有个扒王阴影~!!岩岩帮小妹妹去将军澳呢头补完习...发现原来呢头都有一间扒王...决定补完习同男朋友去食下~~~!!!呢个扒王既装修光猛过mk o个一间好多~~地下都好干净~~~难得冇咩人!!!(可能都系因为系住宅区.)好快就有位~~都唔知系唔系因为冇咩人冇咩野做 d staff好似好得闲平时好多计倾~~~!!!d staff 个个都好似好fd底咁!!!!不过见到佢地个个玩得黎都好肯去做野仲个个都好好笑容~~!!!我最钟意食羊~叫左个羊扒配蒜香汁!!!7成熟~~加上罗宋汤~~男朋友叫左黑椒牛扒~~!!!都系叫7成熟~佢饮白汤~~一向都知扒王会有包跟埋上~~!!!我话唔要个包~~!!!个姐姐话,"哎呀唔好晒啦~包左架嘛个餐...男朋友食埋去啦!!!"哈哈~~~好fdly呀佢地~但系我地最后都系冇要个包..!!!好快就有汤饮~今日个罗宋汤有d油~~~冇饮晒~~!!!羊扒唔似系7成熟...!!!!好似8成熟~不过d汁好好味!!!!至于男朋友的牛扒好大份~~~连佢都食唔晒~!!!!如果讲个扒就系牛扒好味d!!!但系d汁个人觉得黑椒汁有点怪怪...顺带一提~呢到既华田几好饮~~~冲得唔系太甜...d奶既份量又岩岩好!!!食完倾下计到走o个阵d 姐姐仔仲好好人咁话"走啦???得闲再黎啦~"咁~哈哈真系好开心呀!!!补习时俾个小妹妹激到上心口,食完个饭成个人舒服晒!!!!!
继续阅读
生日既关系 又因为训死既关系 21:30左右醒左 好想食牛排 就泥左 铁板肉眼排餐$64: 有大大块扒 有薯菜 有配菜(翠肉瓜 甘荀 栗米) 有餐汤 有餐包 有餐饮另加意粉$8肉眼扒:够牛味有口感 但是根很多薯菜: 好油不脆加冇茄汁 只吃了一口意粉:份量刚好不多不少for男士 骨碟上的小山丘 冇汁比冻啡:味啖 不香 像甜奶水 餐汤:红汤有点咸但是可以接受 餐包:竹篮上暖暖地 不过花底纸重用有点可怕 服务OK 上菜超快(因为唔多客得1台) 整体OK
继续阅读
远离烦嚣既一间扒王之王, 一个落地玻璃, 可享受出面的日光...正正是下午3点下午茶- 白汁海鲜天使面($3x)汁浓, 料够, 有蟹柳.. 虾.. 个汁唔算多到叫, 捞一捞d面就岩岩好 黑椒鸡柳炒乌冬几入味, 鸡柳都大件, 不过un左小小炒得又未够干身.... 还可以吧侍应真系好得闲, 见到佢地倾下计...四围都系得几张台有人..其实下午茶 唔食扒既话都okay不过去扒王之王 唔食扒就真系失色左d 哈哈
继续阅读
琴日一场嚟到将军澳听讲座，午餐当然要响呢度附近食，因为食完我仲要番公司做嘢！都唔知有咩好餐厅，唯有嚟呢度试下个set lunch。我同我同事都系点咗 "吉列猪扒配杂果沙津"餐，饮 柠檬茶。可能系lunch关系，上菜都几快ge，个侍应仲安排我哋坐喺窗口位，都算系咁。不过，啲嘢食就麻麻地︰ 忌帘汤—好奇怪点解个汤系红色呢... 个侍应话，今日个汤系用番茄煲ge... 番茄味ge忌帘汤，我都系第一次饮。上面有啲周打鱼, 都几好ge，不过个汤真系salty 得很，我同事饮咗两三啖就饮唔落，我都觉得好salty，不过唔饮汤就冇嘢饮，所以都饮咗半碗，其中系用咗嚟点面包食。 面包—系惊喜ge，因为个包暖暖地，仲要软淋淋，而家好少餐厅啲包会系暖！ 不过我觉得只包冇咩香味，唔算好有面包味。 主菜—真系好麻麻。两块猪扒炸到干哂，仲要劲薄，我好似咬紧猪肉干咁。而且啲吉列皮真系唔系好香脆，扣哂分！ 跟住，个杂果沙津得个样，佢上面有两三块青瓜同埋番茄，然后下面系杂果加沙津酱，有菠萝、粟米、萝卜、"举药" 等等。事实上，啲青瓜同埋番茄都系干哂，一啲都唔fresh，同埋啲沙津酱太多同好杰，我食ge时候都系泼开啲酱，只系食杂果。啲酱唯一有用的地方，就系用嚟点𠮶两块干哂ge猪扒。 真系宁愿叫扒配薯菜好过。 柠檬茶—我叫咗杯热柠茶，通常一间餐厅有冇heart就系睇佢啲茶系咩茶。哗！我已经预先加咗一包糖落去，但一饮啲茶，好似 '梢' 水咁！ 好苦，一啲茶味都冇，而且柠檬系好薄好薄咁加咗三块落去。我饮咗三啖度都饮唔落去，唯有饮𠮶碗好salty的番茄忌帘汤！总括嚟讲，虽然将军澳冇咩人，而且呢个餐系平平34蚊ge set lunch，但系由此可见扒王之王系做餐求求其其，但求将货就价，真系宁愿食大家乐就唔食呢度。而且，就算佢啲百几蚊一块扒做得有几好都冇用，因为喺呢个经济社会入面，如果一间餐厅系想用低价吸引客人嚟食lunch，质素都要做到至少物有所值先有人会再嚟。我会宁愿去其他餐厅食扒都唔会lunch再嚟。我帮衬个一次，以后都应该唔会再嚟，咁样做生意，咁点得架！
继续阅读