影片
以上资料只供参考，请与餐厅确认详情
呢排天气热，冇胃口食野，谂唔到食咩就外卖左刺生饭套餐，飞鱼子八爪鱼军舰爆脆飞鱼子与弹牙八爪鱼交融，咸鲜奔放；军舰紫菜微潮，稍减分数。生虾寿司肉质剔透甘甜，醋饭松紧得宜，唯虾尾未彻底去肠，略带土腥。 刺身饭三文鱼脂香丰腴，北寄贝爽脆鲜甜，甜虾糯滑带胶质，但饭底酱油过量，掩盖刺身本味。整体用料新鲜，性价比高，若细节再讲究，必更出色。 沙田区好多连锁寿司店，大家不妨试下禾𪨶嘅呢间小店，用心制作，衞生有诚意！
继续阅读
去沙田禾𪨶嘅手卷駅食寿司同鳗鱼丼，叫咗三文鱼手卷、鳗鱼丼同几件寿司同女女分。手卷鱼生都几新鲜，饭粒分明，鳗鱼丼道浓郁但又唔会太咸或者太重味遮晒鳗鱼既味道，鳗鱼都好大条。蛋寿司叫俾女女食，都系正正常常嘅蛋寿司味道，唔会太过死甜。 价钱真系够晒亲民，份量足够，真真正正嘅良心小店。餐厅环境简洁，有别于其他寿司店，佢比较清静，静静同女女享受一下寿司。加上我哋系非繁忙时间去就坐得更加舒适。 下次都可以试下外卖少少寿司俾老公食下。
继续阅读
禾𪨶邨街市外的小店，舖仔细细，食物高质，而家价钱抵食。三文鱼、油甘鱼、吞拿鱼、海胆都好新鲜，单件寿司同楼上寿司郎差唔多价，但大件好多。平日夜晚堂食唔多人，不过见佢都多外卖单...街坊可以多多支持😋
继续阅读
今次去咗间细细地嘅店舖食晚餐，环境洁净清静，令人心情好轻松。🍱 首先话你知，佢哋啲饭真系好入味，咬落去QQ嘅，啲汤头又够香浓。啲小吃选择有限，但系做得几好食。例如个炸豆腐外皮炸得金黄松脆，入面豆香四溢，好过瘾！海鲜味好鲜，个八爪鱼多汁弹牙，系成日食过嘅中式小食当中，算系出色。🐙朋友点咗烧鱼好香口，特别系个皮炸得啱啱好，唔会过于油腻。啲饭菜好有家乡味，原汁原味嘅好食，就算顶级食材唔多，但系佢哋将平凡嘅食材做到咁有水准，真系唔容易。😋 服务态度好亲切，令人食得更加开心，感觉到老板嘅用心。虽然冇提供饮品，但佢哋嘅食物质素令人忘记咗呢点小遗憾，下次肯定再去！总括来讲，如果你想揾个舒服嘅地方叹下家常好菜，呢间店值得一试！记得早啲去，免得揾唔到位。👍
继续阅读
在户户送叫左d寿司，拖罗写住系新鲜非急冻，价钱同🍣郎差唔多，所以就叫左中拖+大拖寿司。大拖油花好均匀，软绵绵，入口就充满油香，冇筋，我觉得好食过🍣郎。其他寿司都好食，鱼生厚薄适中，唔会似争先咁薄。可惜全部食晒冇影相😂另外叫左原只软壳蟹手卷，中间有加左d沙律酱，软壳蟹有少少蟹膏，捞埋d酱食几好味，送到黎屋企仲系暖同脆少少缺点，个饭容易分开两截，wasabi一般，所以我用私伙wasabi😂 豉油味道不错唔会过咸。屋邨小店黎讲算好好食，价钱合理，一定好食过我楼下果间😭
继续阅读