影片
营业时间
今日营业
12:00 - 21:00
星期一至日
12:00 - 21:00
公众假期
12:00 - 21:00
公众假期前夕
12:00 - 21:00
以上资料只供参考，请与餐厅确认详情
一向都好钟意饮手摇饮，呢排天气冻冻地，外卖叫左杯热饮，叫咗冬瓜茶，呢杯冬瓜茶冇得拣甜味，但系都唔太甜，温度啱啱好唔太热，啱啱入到口嚟紧都会试吓热饮为主，因为冬天就到啦
继续阅读
本身住得唔近祥华果边，但听都系住粉岭既fd讲呢间功夫茶好好饮 ⋯所以收工搭到去粉岭站都专登行入去祥华买黎饮 ～去到见到原来出左新既爱玉系列饮品，有百香爱玉多多、爱玉柠檬铁观音同爱玉柠檬绿茶。见柠檬同铁观音呢个配搭几得意，所以就决定拣爱玉柠檬铁观音，店员果然同fd所讲一样，系十分有礼貌 👍 会好清晰地介绍有咩甜度同冰度拣，值得一赞 😊估唔到柠檬同铁观音既味系好夹，感觉好清新得黎柠檬味又唔会完全盖过左茶味，再加上爱玉口感滑溜得黎又甜度适中，成杯饮品好岩夏天饮 🤩另外仲买左杯伯爵珍珠奶茶比屋企人饮，佢话好饮过原本最近屋企果间，话珍珠好弹牙同黑糖好入味 😜之后黎开呢边都一定会再帮衬 👍
继续阅读
平时饮野唔系拣珍珠奶茶就水果茶王，呢日突然想转下口味，点左伯爵咖啡冻奶茶试一试。点解我会拣呢杯饮品呢？因为我每次去买野饮都咁岩听到有其他客落单买呢杯，我就一直好好奇到底伯爵茶底整出黎系咩味道呢，所以的起心肝饮一次。要赞一赞呢度店员好贴心，落单问我驶唔驶少蜜少冰，我拣左半蜜就即刻比钱。点知出左单我先醒起自己忘了叫走冰，马上同店员讲返，佢地即刻帮我处理，而且态度很友善无嫌我烦。讲返饮品先，佢地杯奶茶做得好好饮，奶茶好有茶味，同埋好顺喉，甜度刚好，不会饮到起晒痰。咖啡冻口感似蒟蒻，几有咬口，同埋份量好足，啖啖都吸到咖啡冻，好抵饮。作为一个珍奶控，试过晒北区既功夫茶，觉得祥华店比其他分店好饮，每次买珍珠奶茶，拎起手都摸到暖暖的、很新鲜煮出黎的感觉，好弹牙好有黑糖味，拍得住系台湾饮既珍珠奶茶！呢个水准值得我每星期keep住帮衬！
继续阅读
早两日同屋企人系屋企想饮野，平时好少外卖叫野饮，咁岩睇外卖平台见到祥华呢间开左无耐既功夫茶竟然做优惠，买满$80有9折，于是叫左3杯饮品，估唔到惊喜地好饮。我地分别叫左芝士奶盖抹茶 (少冰微蜜)、轻饮水果茶王 (少冰微蜜) 同埋 柚香晶球绿茶 (少冰半蜜)。芝士奶盖抹茶既芝士奶盖口感几香同滑，甜得黎带少少咸，咸甜比例适中，而且奶盖份量都几多，下面既抹茶茶味都算浓，夹埋芝士奶盖一齐饮好match。至于水果茶王超足料，有一片西柚、几片苹果、橙同埋罗勒子，真系好饮得黎又感觉几健康！柚香晶球绿茶既西柚味出奇地好真，仲有少少果肉，感觉好fresh，唔似有d品牌既水果茶系好假既浓缩果汁味，配搭埋几甘香既绿茶味同埋份量几足、咬落爽口既晶球，超适合炎炎夏日饮。仲有要赞一赞店员好细心咁痴张胶纸系奶盖茶既盖上面，令到就算外卖员好远送到杯饮品黎都唔怕运送途中好易整泻杯饮品同屋企人都好满意今次既外卖饮品，必定趁住仲有折扣时叫多几次，真心推荐比都系住系粉岭既朋友 👍
继续阅读
透过袋鼠叫野饮，叫三杯可以漏两枝饮管，袋鼠又无得留信息比店家，又联络唔到店家，可以小心d吗，珍珠奶茶呢d无饮管饮唔到啰。。。但味道比其他店都好，所以都叫左好多次
继续阅读