影片
相关文章
趁住今日放假去朋友屋企玩咁开心，咁岩又见到有功夫tea，所以就买左杯珍奶🧋上去。上次饮完功夫既铁观音珍珠奶茶之后真系觉得佢性价比好高，唔洗$30有一大杯珍奶，而且味道仲唔错添！于是今日即管试吓其他味道。3Q奶茶 ($28)3Q包括珍珠、蒟蒻同埋仙草，我叫左半糖少冰，所以甜度适中，唔会太甜👌🏻 奶同茶mix得几好，茶味香之余又唔会苦涩，都几滑溜。配料真系落足料，大概有1/3杯都系配料😍 珍珠烟烟韧韧，咬落有黑糖味但唔会太甜，软硬大小同份量都适中👍🏻 至于蒟蒻同仙草软绵绵，令整体饮落更有口感。
继续阅读
👧🏻又到饮废水既时间~-手作功夫茶总有一间系附近既感觉🤣好多屋邨既商场都有一间 好方便👍🏻🧋(冻) 38奶霸 $27叫左少甜少冰🙆🏼♀️ 味道唔错🤤 而38奶霸好足料👍🏻除左珍珠呢d基本野 仲有仙草同蒟蒻🤤烟韧控一定要试下❤️🧋(冻) 铁观音珍珠奶茶 $26朋友都系叫左少甜少冰💁🏻♀️铁观音茶味几香浓 即使叫左少甜 但觉得有d偏甜🧐另外珍珠都几烟韧🤭📍手作功夫茶 @大围美林邨美林商场地下102号铺
继续阅读
今日因为工作关系过左去美林商场行左一转。系疫情影响下，美林商场已不复之前既人流，路过地下街铺既时候突然见到手作功夫茶！近年系香港手作功夫茶可以话系冒气得最快既手摇式饮品之一，其分店数量之多相信大家都十分清楚，差唔多变成7-11一样紧有一间在你身边，而身边朋友亦都对佢纷纷作出好评，但笔者却从来未试饮过。今日难得有机会就试下佢！首先我点做一份铁观音珍珠奶茶，价钱方面都好抵，$24蚊一杯，相信依家系市面上都好难揾到，另外我加左一份蒟蒻，笔者钟意饮既时候有一种满口配料既感觉，店员亦都好贴心问你需唔需要调整甜度和冰度，由于疫情情况下，人流亦唔算很多，等左几杯大约5分钟就搞掂！饮落去第一啖会觉得满满的珍珠同埋蒟蒻，感觉好幸福，另外铁观音同埋奶茶既口味亦都分明，唔会喧宾夺主！系另有一份台式饮品既风味！另外蒟蒻亦都十分爽口同埋足料，配料多到另到笔者食到个口都累！不过略嫌一下就系奶茶即使拣左30%糖分后，仍然觉得有小小舔!总结一下，无论价钱或者系味道同埋分量上，都比其他奶茶铺有过之而无不及，亦难怪点解佢地近呢两年可以大肆开分店！
继续阅读
📍手作功夫茶 ，大围 Taiwai大围越黎越多新铺头。开到连台式饮品店都有几间😂😂依间手作功夫茶有好多分店 ，唔驶一定要入到黎大围先有得饮第一次饮都有惊喜唔错👍🏻波霸锡兰红茶鲜奶 $28珍珠几有咬口但唔会太韧😆 奶茶饮落都几滑。珍珠黑糖味都几重, 如果惊太甜建议饮品转无糖/少糖热饮温度适中, 饮晒成杯500 ml 都几饱😂😂试业期间唔系所有款式都有供应, 见MENU 都有几多选择
继续阅读