戶井北海道米比薩 (已結業)

哈~ 今日阿妈冇煮饭, 谂住捉佢落淘大行阵, 点知顺手话不如系度食埋先返..又得者~等埋老豆放工就去揾食... 平时假日带住阿爷, 选择唔多, 今晚得我地3个就可试下其他野...未试过唔敢带佢去呀! 见呢度开左咁耐都未黎过, 望见好似几吸引, 就入去望望啦.入到黎望到餐牌就大镬喇..呢度招牌菜系米PIZZA, 想试既话得2人餐有得拣, 但2人餐既选项系SALAD+PIZZA + 意粉同饮品, 同埋原来魔鬼在细节, 个餐以为有得拣, 实际上系FIX 死左好多野, 要转野咩?! 加钱啦唔该~~我就认为太多淀粉质, 如果想试PIZZA, 我未必同时想食意粉类, 可能系一个PIZZA + 肉 好似咁样拣会开心D~讲到呢个MENU, 拣唔落手, 差D 想走, 冇既, 咪散叫咯~我地叫左小食拚盘 $58 有鸡翼X2, 墨鱼仔串X2, 饺子X2, SALAD菜同薯角。另外叫左个千岛天妇罗大虾米PIZZA $108 REGULAR SIZE都唔错既, 不过不失~之后叫多个铁板猪柳扒$58 有两大块猪扒, 但除左猪扒外, 配菜比较少~SORRY 呀真系, 平时有睇开我D 食评, 其实我都唔系一个要求高既人, 可能会觉得我写乜都话好食, 唔差.讲真, 我都明白做生意有几难, 未去到难食顶唔顺我都唔会畀差评~原本一入到黎, 安排左一张台我地话太热唔够冷气想转台, 呢个时候已畀人黑面...都算, 睇完MENU D SET 拣唔落手都真系有D想走.不过个个时间走左可能揾唔到位.正所谓好又一餐, 唔好又一餐嘛个人感觉, 去返大X活应该会抵食又好味D~因为去快餐店我唔会有EXPECTATION, 但去餐厅食, 重系会收加一既餐厅, 我真系会有少少要求~…查看更多

今日夜晚去左淘大商场，呀妈同吾姊话想食pizza，又唔想食连锁店，所以就拣左呢间。可惜，食完之后真系觉得「可一，不可再。」餐牌方面，主要有两份，一份系主餐牌：有Pizza、意粉、沙律、前菜小食、蛋包饭、大阪烧以及各种特色饮品；另一份系套餐餐牌：有铁板扒餐同$168的2人套餐。留意返：呢个2人套餐其实Fix左你可以食嘅嘢（包括：西班牙辣鸡肉番茄米pizza、温泉蛋肉酱意大利面、北海道牛油果沙律），如果要转其他Pizza、饭、意粉、沙律，就需要加钱（大概加$28-38左右）。环境和卫生方面，可能因为地理位置嘅问题（喺2/F嘅笃笃位置），晚餐时段，铺内仍然好多吉枱，店内客人寥寥无几。正当我同吾姊睇餐牌睇到兴起之际，突然有只长达1.5cm的小强出现喺枱上嘅餐碟上，吓得吾姊飞扑在我身上，此时心里已经暗暗扣左10分。食物方面，我地最后叫左$168呢个2人套餐，首先黎到嘅系北海道牛油果沙律。卖相唔错，牛油果同蔬菜都够新鲜，但一齐上枱嘅沙律醋嘅味道唔系我哋一般食到嘅酸甜味，而系好似豉油咁嘅咸味，感觉有啲奇怪，虽然系咁，但怕且呢个沙律系全餐饭最好食嘅一道菜。然后上枱嘅系温泉蛋肉酱意大利面（左上角），正当我想将温泉蛋嘅蛋汁同意大利面捞埋嘅时候，我发现呢只温泉蛋原来得蛋白，并冇蛋黄汁，有啲被骗嘅感觉。将蛋白捞匀之后，试咗一啖，两只字：「极咸！」意粉嘅味道虽然同大X乐/大X活嘅肉酱意粉味道差唔多，但咸几倍。最后上枱嘅系西班牙辣鸡肉米pizza，都怪我地睇餐牌嘅时候睇漏左个「米」字，呢个其实都称唔上系一个Pizza，「批底」只系一啲用饭焦整成嘅饼底，脆脆地咁，但同Pizza口感大缆都扯唔埋。虽然鸡肉好大旧，亦都可以玩芝士拉丝，但其实鸡肉唔辣，整体材料唔够丰富。另外，餐牌上话有「无限添加汽水」，但落单嘅时候店员问都冇问过我地要咩汽水，跟住就比左一罐百事可乐，分别倒入两只杯serve上枱，我个人唔钟意饮可乐，仲要系「百事」，大失所望。总括来讲，$168加埋一，即系$185，三个人来讲算唔贵，但质素咁样真系好失望，再加上比只小强吓一吓，成餐饭即刻冇晒食欲，水准有待改善。…查看更多

九龙湾餐厅选择多,但好食又抵食的通常都大排长龙😶😶费煞思量也想不到吃甚么,抬头看到toi的招牌,就选它吧😉晚上八时多,等了约15分钟便入座了~叫了二人餐,指定的组合盛惠$168,汽水任添~ 指定组合有牛油果沙律,辣鸡肉米比萨和肉酱意粉,也可加$28至$38的价钱升级至其他组合牛油果沙律🥑牛油果的份量大约有半个,沙律菜也算新鲜,但我个人不太喜欢那个沙律醋🤔不过香港的餐厅没有很多间会选牛油果作食材,对于热爱牛油果的我还是很惊喜的❤❤❤肉酱意粉虽然卖相可以,但味道很淡很淡.....🤢🤢(我怎么觉得我自己做的还更好吃?!) 不推荐🙅🙅辣鸡肉米比蕯这个我最喜欢😍鸡肉嫩滑啖啖肉,不太辣,米比蕯脆脆的又没有"㶶",芝士也做到像传统pizza的拉丝效果~ 但男友反而不喜欢,因为米饭太多,而且比蕯跟上面的配料很容易分离🤷餐厅环境ok,坐得舒服,但服务一般😓我们套餐的汽水迟迟不上,跟他们说了之后还是等了一段时间才有...而且侍应大多都挂著一副臭脸..不然就是累透了的样子🙍🙍这样的服务也值得收取加一服务费吗??另外个人觉得晚市menu除了二人餐价格ok,其他一律偏贵~以后晚市时段在九龙湾应不会再考虑这一间👎…查看更多

话说之前去左隔离食饭,走𠮶时见到呢边二人餐都好抵,眼里净系见到$168呢个字眼所以今晚同朋友黎试下,坐低仔细睇先发现事情唔系咁单纯..好早黎到,未够7点,店内得一枱,应该都系坐低冇耐我地被安排坐佢地隔离,但带位𠮶时冇俾menu,等隔离落完单先拎menu过黎当然系瞄准二人餐menu,d食物相都影得几差,仲有少少起格,图片不能参考话说$168系有米pizza+意粉+沙律+无限汽水但原来以上都系指定款式,要转款每样就+$28后悔冇睇清楚就中入黎,我错了~沙律卖相算系咁,不过上枱时已经parma ham包住左个蜜瓜,汁另上都几值得一赞,可以自己选择要几多先落d菜都ok新鲜差d漏左讲,跟餐指定唔系呢个沙律,呢度+$28意粉就冇转,要返指定嘅温泉蛋肉酱肉唔系好多,我选择捞埋只蛋黎食;意粉质感尚可,我个人都冇乜要求嘅最后系米pizza,都几薄,呢个都唔系跟餐指定款朋友唔食洋葱所以叫佢走左,店员当时话呢款有三色椒洗唔洗走,讲左净系走洋葱,但最终似乎走哂...所以个pizza得返带子+蟹柳始终都系饭黎,所以得个边系脆,唔难食嘅,但唔会wow啰所谓无限汽水系喺你面前开罐百事倒落个装左冰嘅杯度,又真系可以一罐两份;不过我地冇添饮我算细食,所以觉得够饱,但朋友就话佢仲有肚可以落去食甜品,可能男士会觉得唔系好够喇…查看更多

虽然爱好周围试新餐厅但已经来过这里吃很多次(以前沙田分店也光顾过，可惜已结业）觉得是日式西餐抵吃之选有特别的「米纸 Pizza」是用米造成 Pizza 的「饼底」脆口得来没有平日 Pizza 的腻.虽然公道地说不是所有菜式都很好吃但以这里的价钱吃到这些质素算不错无论午餐 或 晚餐 冻热饮同价还送 Haagen-Dazs 雪糕（加 $5 可以选择雪糕批）.环境方面座位也很宽阔最近九龙湾影艺戏院倒闭附近另一间日式西餐厅又倒闭有点担心真的希望以后看完戏也能过来吃一顿！…查看更多