467
17
13
港铁西营盘站 A1 出口, 步行约7分钟 继续阅读
所有分店 (2)
电话号码
24680090
开饭介绍
店如其名,餐厅主打慢煮的菜肴,以求保留食物的原汁原味。餐厅装潢偏中国风,放有中式霓虹灯及传统牌匾等,而菜式则走西方口味,如48小时羊后膝、法式油封鸭髀等。 继续阅读
营业时间
今日营业
12:00 - 22:00
星期一至日
12:00 - 22:00
付款方式
Visa Master AlipayHK 支付宝 现金
座位数目
50
其他资料
网上订座
Wi-Fi
酒精饮料
自带酒水
切蛋糕费
电话订座
赏订座积分
当面支付
有关奖赏计划
食记 (518)
等级4 2020-10-06
526 浏览
今日黎到一间位置比较「隔涉」既好餐厅😍 ,系上环普庆坊,出地铁站都有10分钟路程。但就系因为咁,个边既人流比较少,系餐厅过左一个慢活既brunch,感觉宁舍放松☺️我爱慢煮既装修好似一间混合左中国风既英式酒吧咁,中国风既牌匾同砖墙、以及放满手工酒既架,感觉好chill😜 餐厅采取半自助形式,客人自己到柜枱点餐、攞餐具,店员会送餐,唔收加一🙏🏻我爱慢煮主打各类以慢煮方式泡制食材,坚持保持原汁原味,肉质鲜嫩,食物贵精不贵多。肉类有安格斯顶级西冷牛扒、安格斯平铁扒、油封鸭髀、48小时羊後膝、猪鞍架、烤猪仔骨同烤鸡等等... 价钱非常亲民😍另外仲有各款超抵食既side dishes今日同朋友点左US安格斯顶级西冷牛扒(小$148)一上枱已经油香满鼻,食落肉质有弹性,慢煮既方法真系有效咁保持肉汁,切开就见到,食到好嫩滑,只系盐、黑椒、香草就做到依个效果,赞!另外仲叫左个8小时香草蜜糖烤鸡鎚($88)e个真系劲抵食,有成4只,每只都大大只啖啖肉,鸡肉食落系100分,超级滑嫩又juicy,鸡肉一般都较鞋,依个真系好出色,重点系蜜糖烤得好香,甜甜的。Side就叫左炸蕃薯条、芝士焗菠菜($28)Side好抵!系出面既一半价钱,但佢份量唔马虎,一样咁多,蕃薯条即炸,好香脆,配埋松露沙律酱比你、食不停。而芝士焗菠菜,菠菜份量唔多,但芝士忌廉就劲多,岩哂芝士控,大大块焗过芝士好香😍另外值得推介既仲有蟹肉烟三文鱼沙律🥗($78)因系真系好抵呀... 依个价钱但烟三文鱼同蟹肉都比好多,本身沙律菜都吾平,自己整都要依个价钱,沙律菜汁酸味味,好开胃!最後以咸焦糖brownie($30)作今天总结💛个酱带海盐咸味,搭落甜甜既brownie好夹好食😆今餐brunch食得好满足 好推荐大家特意过黎试,环境chill得黎食物性价比超高,一定会再黎! 继续阅读
(以上食记乃用户个人意见 , 并不代表OpenRice之观点。)
等级4 2020-09-30
512 浏览
今日下午同饭脚去了西环,选了这间慢煮主题的餐厅食好西。 但入到去,估唔到有一块好古色古香的牌匾。设有上层雅座,可以较静地慢慢倾吓偈,不受打扰,非常适合三五知己一齐聚下、饮下酒。这里要自己出去counter order, 侍应再送餐。先来饮品,我这杯是荔枝接骨木花特饮。很清新的味道,少少甜,很好饮,行到热入到来饮这杯透心凉。饭脚选了热水果茶,味道不错,有几粒生果点缀,也是解渴之选。谂起慢煮就想食美式烟烤猪仔骨,这份有3条骨。 慢煮後的猪仔骨,皮香肉嫩,一咬肉就跟骨分离甩出来,酱汁好味。 我们选了3款配菜,牛油卡真虾仁串都够味,不会是腌得好爽好假的虾仁。 烧芦笋苗真的好幼细呢。芝士温泉蛋大啡菇是不错的选择,流心蛋汁配芝士及菇很美味。我们再选了一个独食烧烤盘两个人share。24小时烟燻烤顶级安格斯牛肉,肉很嫩,不会痴牙,而且有肉味!24小时烟燻烤美式猪腩,肉一样嫩滑,而且肥膏有口感,皮QQ的。烤纽伦堡香肠,这个有烟燻香味的香肠也不错。36度温泉蛋也很滑及有蛋味!接着的配菜,如:公司薯仔沙律、杂菜沙律及香草车厘茄也很吸引眼球。菜肉及淀粉的配搭,果然适合一人自私食。最後试了比利时窝夫,芝士味,可以用来点蛋汁,非常建议新鲜热辣出炉时食。同饭脚欢聚一个下午,又系倾得很开心的一餐。 继续阅读
(以上食记乃用户个人意见 , 并不代表OpenRice之观点。)
等级4 2020-09-24
28 浏览
之前去孖沙街试过我爱慢煮😆发觉好好味😋今次嚟到普庆坊呢间分店再食多一次🤣餐厅位於半山中间,地点比较人隐世🙈餐厅有两层高,都有几多座位~到夜晚七点到八点嘅时间好多人帮衬,基本上坐满晒😂同埋呢间餐厅都系黄店👍🏻喺餐厅内见到有啲连猪嘅图案😍一人独食烧烤拼盘($138)之前去孖沙街食过呢个烧烤拼盘~发觉几抵食又好味😋今次继续叫呢个烧烤拼盘😆因为餐厅卖晒美式猪腩🙈所以变咗猪肋骨~茄汁猪立骨几新鲜👍🏻而且肉汁丰富☺️好入味🥰同样咁正😍安格斯牛肉有好浓郁嘅香味💕一咬落去啲肉汁流晒出嚟~8小时蜜糖香草烤鸡鎚四只($88)大大只烤鸡鎚😍蜜糖几香甜😋鸡肉好嫩滑👍🏻每人两只都觉得几饱肚🙈鸡肉配蜜糖汁好夹🥰慢煮红酒梨配雪糕($30)第一次食红酒浸嘅梨😆一上碟就见到深红色嘅梨🤣食个梨嘅时候有浸香浓嘅红酒味☺️真系好入味👍🏻雪糕系士多啤梨雪糕,几香滑~黐住个梨一齐食几特别😂咸焦糖酱朱古力布朗尼蛋糕($30)Brownie带有少少咸味🤣同时间亦都有甜甜嘅焦糖香味🥰蛋糕比想像中硬🙈但系都好易入口😋松软好味💕草莓比利时窝夫配雪糕($30)草莓雪糕香滑又香甜😋给浓嘅奶味🤣窝夫外脆内软👍🏻食落甜甜地~几Rich嘅texture🥰西西里香水柠檬碳酸饮品($26)好似啤酒樽咁😂一嚟以为系啤酒🤣原来系柠檬碳酸饮品~饮落酸酸甜甜,仲有啲起泡😆几好饮🥰比利时琥珀啤($42)有一浸花香味💕好清新😍仲有焦糖嘅香味☺️浓郁嘅啤酒👍🏻总括而言,一人独食拼盘同甜品,小食都好抵食👍🏻好适合家人,朋友,情侣聚会嘅好地方🥰 继续阅读
(以上食记乃用户个人意见 , 并不代表OpenRice之观点。)
等级4 2020-09-21
677 浏览
🐂 安格斯顶级西冷牛扒 HK$148 (S)落咗黑胡椒同盐去调味,虽然无乜特别酱料,但肉口感够淋,大概Medium,肥瘦刚好。.🐷 美式烟烤猪仔骨 HK$98肉质够淋,够熟得黎唔会太韧。就算有脂肪位置,但胜在食起黎唔会好肥好腻。.🔥 炸番薯条 HK$28份量几多,好似食极都仲有咁。炸得好脆,同埋原材料够甜,好番薯甜。佢配黑松露沙律酱,番薯甜,配沙拉酱嘅味道几Match。.🧀 芝士通心粉 HK$28面头脆脆好正,唔会过溜。另外,特别喜欢焗完之後侧边嘅芝士脆边食起黎有特别香芝士味。.🧀 芝士忌廉菠菜苗 HK$28呢个Combination好正,菠菜苗比例唔多,芝士忌廉比例好多,所以好香口。.🍋 澳洲柠檬青柠特饮 HK$38点咗少甜少冰,有柠檬味道得嚟,唔知道点解有少少似可乐糖味。.🥭 热情芒果特饮 HK$38整体芒果味道相对比较出,酸酸甜甜几开胃。.🍫 咸焦糖朱古力布朗尼 HK$30其实就系Brownie加上咸焦糖酱,但酱嘅咸味道唔明显。--📌 免加一服务费 继续阅读
(以上食记乃用户个人意见 , 并不代表OpenRice之观点。)
等级4 2020-09-11
1148 浏览
话说早几日上环新开左间4000尺嘅杂货店🤩, 小妹当然要去潮下圣🤣😆, 同朋友行到咁上下就系附近搵野食, 系门外见到有个<我爱慢煮>嘅牌匾觉得几得意, 於是就决定入去试下😋, 餐厅所提供嘅野食种类几多而且价钱一d都唔贵😮, 仲唔!收!加!一!😝 小妹同朋友拣好左野食, 之後系出面比左钱就可以等食啦😊! 所有餐具🍴调味料🧂同水🥛都系自助的, 十分方便😁!热情芒果特饮🥭🍹芒果特饮冰凉得嚟带酸酸甜甜嘅味道, 十分开胃😆!水果茶🥭🍋☕水果茶味道偏港式口味, 茶味刚好, 即使饮到最後都唔会有苦涩味, 因为比水果嘅甜味中和左!16小时美式烟烤猪仔骨🐖猪仔骨肉质鲜嫩, 利用慢煮技巧令其口感更香软而且肉汁得以锁紧, 食落更juicy, 外皮食到微微焦香, 调味适中, 份量刚好, 推介!😋US安格斯顶级西冷牛扒(小)🐂🥩➕烧芦笋苗西冷牛扒肉厚软腍多汁, 味道正常不过不失, 芦笋苗颜色翠绿, 味道鲜嫩, 无草青味, 口感爽脆无渣😋👍🏻!墨西哥粟米花🌽烧粟米味几香, 入口爽脆带微甜芝士忌廉菠菜苗🧀🌱菠菜苗鲜香细嫩, 配埋极浓郁嘅芝士同忌廉, 味道几夹😊咸焦糖酱朱古力布朗尼蛋糕🍫🍰布朗尼蛋糕口感比较松软, 朱古力味几浓郁唔会太甜, 加埋微咸嘅焦糖酱令整体食感无咁腻, 一件细细地已经相当满足!😊 继续阅读
(以上食记乃用户个人意见 , 并不代表OpenRice之观点。)