影片
本身谂住扫街买杯手摇，但其实朝早已经饮咗杯细嘅。见到有乳酪买感觉上好似特别啲，一于买嚟试下。🙈🙈可能就嚟关门无哂紫米。我叫咗吃燕麦酸奶$33😋😋。买完仲可以拎佢去观塘广场个扮地铁站打卡墙影相添🤭🤭杯野用500mL杯嚟装，温度唔太冻，估计系因为无落好多冰。咁都啱嘅，多啲乳酪都好🤭🤭🤭🤭乳酪味都几香，奶味好出，唔会太酸，偏甜，质感好smooth同埋好厚。面头有啲泡。底有啲浸淋咗嘅燕麦，唔会太多。
继续阅读
我真系超钟意饮呢一间嘅特浓酸奶，系钟意到个个星期都会饮，一系就自己或者揾朋友一齐去观塘饮，一系就叫男朋友外卖俾我😆因为呢一间嘅特浓酸奶真系超级超级好味😋佢嘅位置系观塘广场入面，一啲都唔难揾，不过老实讲，佢嘅价格系有啲高嘅，但因为我真系觉得好好饮嘅关系，所以已经唔理啦😂我自己就试过吃米特浓酸奶、吃燕麦酸奶、莓果粒粒、芒芒果海，其实你问一个本身已经好钟意饮酸奶嘅人边款好饮，佢会同你讲每一款都好饮😅不过我都有一款系最钟意嘅，就系吃米特浓酸奶。🎈吃米特浓酸奶因为系特浓嘅关系，佢里面嘅酸奶系比较浓味既，而且里面有好多紫米同埋Oreo碎，捞匀佢一齐饮，真系无敌！！！如果你都钟意食乳酪或者饮酸奶，我相信你都一定会钟意❤️呢个真系私心劲推荐😆😆
继续阅读
饮左一次之后已经爱上左酸奶君，因为呢到嘅酸奶配紫米真系好唔错。基本上每次黎都会系芒芒果海同特浓酸奶中做抉择，今次拣左特浓嘅。🔷吃米特浓酸奶 💰35特浓之所以叫特浓系因为到最后，会加入比较稠嘅酸奶系面头，另外仲会有Oreo 碎碎。基本上配合埋紫米，简直食到双重效果，使之锦上添花。同埋叫左无糖都已经非常够味道，因为酸奶本身都有甜味，本人系绝对100%建议order无糖系最好味，尤其是岩哂怕肥嘅女孩子。
继续阅读
🌟益生柠檬君 $35饮品嘅品底部喺佢哋嘅招牌酸奶，上面喺柠檬沙冰on top仲有几片新鲜柠檬！味道酸酸甜甜 真喺夏之选🌟益生荔枝君 $40清新嘅荔枝香味，沙冰混入咗满满嘅新鲜荔枝果肉，口感更加丰富，而味道清甜。
继续阅读
最近肠胃多好又失眠仲有d口臭😞今日一做完瑜伽就即刻想揾啲酸嘅乳酪又或者益生菌嘅物体希望帮我调整下肠胃朋友带路 试下 #我是酸奶君-苺果粒粒见到店员即时将士多啤梨打碎口感好浓郁系酸酸甜甜嘅感觉仲有粒粒果肉系入边呢杯相对地甜一啲但系呢佢果味亦都重好多因为士多啤梨本身就相对浓味酸奶味非常之突出-益生红果果紫色白色真系好吸睛因为火龙果本身就冇乜甜味所以成杯饮品整体上系比较淡口整杯嘢饮都比上边介绍嘅稀一d酸酸地不太甜又解渴好fresh 感觉更加健康
继续阅读