影片
我这位食肉兽最钟意食羊腩煲钟意佢够晒骚够晒林够晒入味 #羊肉迷🐑的我今次就去咗呢间羊腩专门店位于铜锣湾的 #羔羊义羊腩火锅专门店当中除咗有 #招牌羊腩火锅 之外仲有 #药膳鸡煲 选择火锅仲可以追加不同的配料我哋两人即刻叫咗两人份量的 #羊腩火锅 慢慢叹呢度嘅环境简约而舒服店员安排我哋两人坐四人枱一入去已经闻到好浓郁嘅羊腩味道我哋一口气叫咗不同款式的食物有海鲜、有炸物、有小食仲有我最钟意嘅椰青饮七宝札幌啤酒仲买一送一好抵食呀！⊰⊹════════════════⊹⊱✎ 食后感 ：✨「 #羊腩火锅🍲 」😋👍🏻骤眼睇见到火锅入面有满满的羊腩件仲有好多火锅配料包括支竹、马蹄等羊腩件有不同的部位我最钟意食羊腩骨位食落去肉质有点黐口而且半肥瘦嘅口感简直一流🤩⬇️火锅配料🔴「 #Prime美国牛小排(150g)」长长的牛肉肥瘦分明平均灼一灼就食得牛味浓郁而且好软口感觉口福满泻☺🤗🟠「 #虎虾」有我手板咁大只嘅虎虾好大只好有肉地虾壳一搣即甩咬落去好爽口弹牙🟡「 #帆立贝」同样地新鲜美味🟢「 #特色双拼饺 」🥟双拼饺包括有 #豚肉甘蓝圆白菜饺以及 #豚肉粟米鲜菜饺每一只饺都好大只内馅非常足料 皮薄馅靓豚肉味道新鲜美味🔵「 #即炸香口午餐肉」午餐肉是我次食火锅必点的食落去外皮好香脆整体口感好有咬口⬇送酒/特色小吃🟤「 #即炸糖醋响铃」一份有六件大大件响铃真系即叫即炸炸成金黄色食落去口感香脆无比我就钟意浸一阵汤底先食口感层次更分明⬇️饮品🟣 「 #椰青」这一个大大的椰青望入去入面嘅椰青肉厚厚估唔到就连椰青都咁新鲜鲜甜一口气好快就饮晒🔈真系好难得揾到咁有质素嘅羊腩火锅店现在专门食羊腩真的买少见少了这一间绝对适合 #羊迷 去真正食到羊腩嘅原汁原味而且其他火锅配料、食物质素高质美味真系值回票价！
继续阅读
❀ 我是羔羊 义 羊腩火锅专门店 #铜锣湾 ❀❗️超浓郁羊腩煲 x 极高质抵食火锅配料❗️——————————————————说起来惭愧，虽然自己好钟意食羊，但系屋企好少整羊腩煲，亦冇乜特登出街食过。印象中前几个月先系第一次尝试外卖羊腩煲，可惜当时中咗伏。。。🥲最近居然比我见到呢间以羊腩火锅做卖点嘅专门店，有得食羊腩煲得来仲可以打边炉，一举两得！即刻去试吓，果然高质！虽然唔系任食，但系分量十足，价钱亦唔贵，当日最终饱到痴咗线😂😂😂。我同朋友都非常满意，强烈推荐！.✷𝑀𝑒𝓃𝓊✷☞ 羊腩火锅 二人分量 $268 (4.5/5)首先会上羊腩煲，焖到非常腍，口感满分💯！个汁本身有少少恰到好处嘅药材味，配上少许羊膻味，好好食！另外仲有少少马蹄、冬菇、枝竹咁，亦可交钱追加。不过我哋就冇，就咁用咗免费嘅鸡汤打边炉，觉得都够晒好味😋因为本身羊腩煲嘅味道都好浓郁，配上鸡汤，即使稀咗少少都好够味。唔需要食晒羊腩煲先开始火锅，自己觉得OK就可以随时开始😆火锅配料唔算话特别多，但胜在样样都又平又大份又好味，食到超级饱！以下系当日试过嘅菜式，加咗💖嘅记住一定要试！.☞ 牛肉♥ Prime美国牛小排 $130/150g 💖♥ 封门柳 $100/150g 💖♥ 原条牛舌心 $128 💖♥ 牛柏叶$38超级抵食，份份都有手臂咁长，完全冇谂过百几蚊系有咁多🤯！仲要质素好好，唔系普通垃圾肥牛。特别系个牛舌心切到非常之薄，恰几秒就熟晒，而且几乎入口即溶🤩。.☞ 海鲜帆立贝$88/4广岛蚝$68/4鳝片 $98 💖帆立贝、广岛蚝都大大粒，质素够高！鳝片亦超级肥美！所有海鲜质素都好好！.☞ 猪肉西班牙黑毛猪腩片 $48/150g同样系超级抵食，极平又多，不过猪肉片味道都预咗相对正常啲。.☞ 送酒小食即炸糖醋响铃 $38💖即炸日本番薯条 $38第一次试糖醋响铃🤩🤯好特别！预先炸到香脆，比一般响铃更加大。配上佢哋特制嘅甜酸酱汁，超邪恶但系好好味嘅小食！另外番薯条都好香，而且番薯本身都好香甜。.☞ 自家特制小食咸蛋黄墨鱼饼$68💖桂花蜜糖鲜番茄 $32💖唔讲得笑😆呢两个小食都超级好味😋墨鱼饼内里有啲粒粒墨鱼，够晒弹牙。配上惹味咸蛋黄酱，浓度恰到好处，超正，10分推介！另外个鲜蕃茄虽然貌似普通🍅但系个桂花蜜糖调得好好，酸酸甜甜，超开胃又美味！.☞ 我哋个汁好衬鸡内脏系列二人鸡杂盛$68💖最后仲有鸡内脏选择🤩拣咗呢个鸡杂盛，可以一次过试晒鸡干、鸡心、鸡肾、鸡颈肉！鸡心真系超级好食，有少少弹牙咁，最后仲特登嗌多个鸡心😋。.另外仲有其他杂锦火锅配料、蔬菜、饭面、甜品等等，不过太饱就冇食到。——————————————————✨整体味道: 4.5/5 ✨环境装修: 3.5/5✨服务态度: 3.5/5✨性价比: 4.3/5✨再访兴趣: 4.2/5 .💞整体来讲觉得呢一间嘅羊腩煲火锅真系超级好食😆😆虽然餐厅卖相唔算特别花巧高级，个火锅亦系用普通Gas炉，但系味道出色，而且又抵食，极度推介大家嚟试吓！系一间值得再三到访，推荐俾朋友嘅火锅店💖！
继续阅读
我系好钟意食羊腩煲🤤不过个人比较懒唔会自己煮😂所以会周围发掘啲好味既羊腩煲食🐏今次就去左先食🍱我是羔羊 义 羊腩火锅专门店唔洗净系冬天❄️先有得食个羊腩煲真系劲好食😋个汤底够晒浓啲羊肉炆到入晒味一啲都唔膻😍而且份量都好足够 有齐冬菇、枝竹、马蹄🤤唔够当然可以额外加钱追加啦不过咁都未满足到我😂咁正既汤底系唔可以浪费食完羊腩煲之后加汤打边炉🍲值得一提系依度唔会额外收酱汁钱同埋免费加鸡汤打边炉👍🏻不过小女子食量唔系太大😂净系叫左碟鸡、芝士丸 同2只虎虾食虎虾好食🦐大大只试唔到啲牛同猪😖唯有下次约多几个人再去食😜
继续阅读
📍我是羔羊 义 羊腩火锅专门店 (铜锣湾)天气转凉 想暖暖身子 一于去打边炉啦 朋友介绍左我去食羊腩煲 估唔到食材新鲜 羊肉几腍 容易嚼烂 加上大部份牛肉都好食 朋友无介绍错呀🥢羊腩煲$268份量十足嘅羊腩，旧旧都系啖啖肉，脂肪比例好平均，羊腩配上腐乳一齐食好惹味，而且好容易嚼烂。汤汁加埋配菜、马蹄、枝竹、冬菇一齐滚 食物索晒汤汁好正呀！，当食完大部份羊腩，侍应加入汤汁就开始打边炉啦🥢美国牛小排(推介)＞牛舌(推介)＞封门柳美国牛小排：牛肉有油脂雪花分布，好鬼吸引，轻轻涮几秒就食得，食落肉质软滑有种溶化感觉，食完一块又一块停不到！必食之选！牛舌：一片片新鲜嘅牛舌心，摆放得整整齐齐，而且切得非常薄，轻轻涮下就食得，肉质非常爽滑，真心推介！封门柳：牛肉肉质少少韧，要有嚼口，但食落唔会痴牙，而且比较有香浓牛肉味，不妨一试🥢海鲜配料点左虎虾、帆立贝、广岛蚝、雪场蟹柳及水鱿鱼等。当中广岛蚝大大只，蚝肉肥厚，食落鲜味多汁，值得推荐！🥢饮品方面我点了一杯生啤及青柠菠萝梳打，青柠菠萝梳打味道新鲜香甜，饮落透心凉，十分解渴，食完羊腩煲可解解腻架！
继续阅读
平时羊腩煲大多数都在大排档食，今次来到这间专食羊腩煲加火锅的餐厅，每枱都在吃羊腩煲，真的吃的开心!这里除了羊腩煲吸引，连火锅配料都很大盘很吸睛!餐厅座位不算很多，由于是羊腩煲，所以每枱枱上都放有gas炉!羊腩火锅(二人份) ，羊腩煲味道都几浓，羊腩份量刚刚好够二人份，羊腩肉同皮既比例平均，食落口感丰富！羊腩煲内仲有马蹄、冬菇、枝竹，吸收左酱汁的味道特别美味!封门柳(150g)，封门柳油脂分布平均，牛肉味浓，肉质都几松软，这份细份份量都不少!原条牛舌芯，没有想过牛舌芯是一大盘上，非常壮观，可以几个人一齐食！牛舌厚薄适中，味道浓郁！即炸糖醋响铃 ，响铃好松脆，配上酸甜汁一齐食，惹味又开胃！用作打边炉，吸收了汤的味道，更美味!肥鹅肠，原来鹅肠加入羊腩煲食味道也唔错，爽口弹牙，跟羊腩汁几夹!生菜，食羊腩煲点可以没有生菜，生菜吸了羊腩煲的味道，非常美味!虎虾，第一次用羊腩煲整虾食，味道也不错！虎虾味道鲜甜，口感爽弹!青柠梳打、杯边盐柠檬梳打，青柠酸酸甜甜而且很清新，能够清去羊腩煲浓郁的味道!杯边盐柠檬梳打比较有日本的感觉，咸咸酸酸十分特别!
继续阅读