影片
以上资料只供参考，请与餐厅确认详情
相关文章
🥭GG百香芒果(半糖，$43)饮过佢地既鲜果芝士奶盖沙冰茶几次，今次依然保持到水准，芝士味浓带啲咸香，浓稠度适中，口感顺滑。而且奶盖比得好重手，厚厚一层饮极都仲有，真系大满足呀🤤至于沙冰方面，饮到似茉莉既茶香味，因为底下有好多芒果肉，所以芒果味较出，反而百香果味就唔重，整体味道清香，唔会太甜腻，做得唔错💕沙冰打得几好同够晒冰冻，感觉好适合系热天个阵时饮，饮完应该会即刻降温仲会透心凉添仲有值得一提既系个杯既图案真系好得意好适合打卡呀😆
继续阅读
第一次听店名，真系完全联想唔到卖咩？🤪食咩？而且估唔到系Beans 一间咁认真嘅店，隔离有间咁搞笑嘅饮品店试过一次后🤩就永远记得佢啦。虽然饮品名改得长又有时唔知想点，但佢成功令我印象深刻😜可能佢嘅图画公仔特别，都系吸引人之一🤭四季春芝士奶盖：芝士奶盖系我饮咁多间之中，最喜欢的，因为够幼滑😋老公系芋头迷，所以今次佢试香芋拿铁：满分呀。💯饮到有芋泥系入面架，又唔会太甜。直头可以当甜品😝一举两得
继续阅读
呢间系Beans旗下既饮品店，由本地插画家「谢晒皮」设计既杯，令到玩味十足logo🙈望到menu既饮品全部名都好搞笑🤣呢间饮品店提供人气黑糖珍珠鲜奶、水果茶及梳打～所以小妹就亲自过黎试饮吓❤️🍑🥤不分青红皂白桃火龙果乌龙茶小妹叫咗呢杯「不分青红皂白桃火龙果乌龙茶」😚 职员话冇得择几多甜度+少冰😅所以小妹叫咗正常冰、少甜，初头饮觉得啱啱好，火龙果比白桃味较出；饮落茶底淡咗，而且好甜🥴🙈如果桃味/火龙果味再浓啲会更好～但真心几大杯🤐总结而言以价钱来说其实唔太贵，性价比尚可，但因为而家好多手摇店都会有纸套比客人，唔需要专登再比钱买袋🤭呢方面可以改善吓会更好🤗
继续阅读
喺九龙湾返工，附近都好多台式饮品店， 所以成日都同啲同事四围试唔同嘅饮品。 平时行开见到餐厅门口都大排长龙，今次难得冇乜人，所以我哋去咗买嚟饮。呢度每杯饮品改名都充满咗创意。我哋叫咗一杯奶盖乌龙同埋一个黑糖珍珠奶茶。可能呢区太多台式饮品店啦，呢度杯野好似少咗啲signature，不过不失啦。
继续阅读
本来唔系买佢 但好耐无饮过珍珠奶茶同泰式奶茶 所以谂住佢话热卖榜第二就试下珍珠无乜黑糖或者蜂蜜味（其实系无乜味）而且经常塞住喺饮管 奶茶 第一口已经觉得味道好奇怪 有少少纸盒装豆奶嘅味道 第一次谂好唔好扔左杯野 不过谂下算啦俾左钱 又未之余难饮 系味道好奇怪又浪费quota啫 最后都有饮完但应该无下次 好食系良知而且我企喺度睇水牌好耐 都无店员招呼 后来企埋喺收银前面 都继续倾计无理我 要出声表示存在先理我好后悔帮衬 希望佢可以改善一下
继续阅读