影片
以上资料只供参考，请与餐厅确认详情
今日去咗办年货行到有D肚仔饿、行到商场望见有个FoodCrout、入到去都好多店舖都有不同美食、望见有一间店名《我的妈妈》都几特别、系食台湾古早味地道美食、款式都饮品同食物都好多拣🤔、我都叫咗几款试吓！大鸡扒盐酥鸡扒饭$68呢一款盐酥鸡扒饭卖相超吸引😯、整碗劲大块大鸡扒、甘香酥脆外皮里面啖啖肉😚、肉质又有口感味道都几好、配埋肉燥及冬菇粒沾满美味酱汁、捞埋佢嘅米饭食都唔错！肉燥干面$28呢一碗肉燥干面我觉得都几抵食🤔、只系$28蚊就食到地道美食🤭、色香味都有整碗都算大碗、份量都算好多满满配料、上面有肉燥及冬菇粒、食到入口啖啖粒粒口感丰富😚、尤其是佢嘅酱汁捞匀干面食好正、带点油润美味😋真的唔错可以试吓！盐酥拼盘$28呢一款盐酥拼盘配搭特别🤔、有花枝丸及杏鲍菇系以盐香酥炸、整份金黄色卖相、每一件杏鲍菇啖啖口感味道特别、花枝丸带点脆入口弹牙惹味！综合芋圆$28呢一碗综合芋圆甜品、整碗配料都好多🤔、凉粉、芋圆、珍珠、蒟蒻及其它、加埋糖水花奶香甜又滑口、一碗多种配料真的唔错！珍珠奶茶百香茉莉绿茶$29呢两杯冻饮都几好、珍珠奶茶饮到入口浓浓奶香味、珍珠口感烟糯又口感、百香茉莉绿茶入口散发清香茶味😚、又带点百香果果香甜味、整体黎讲都唔错！
继续阅读
今日同同事去咗Yoho Mall嘅Foodeli食Lunch，难得大家都想食台湾菜，就试咗呢间主打正宗台湾味嘅「我妈的菜」。menu选择丰富，由经典小食到甜品饮品都一应俱全。我妈肉燥饭肉燥肥瘦比例刚好，卤汁香浓得嚟唔会过咸，带点微甜嘅层次感，捞饭一流，饭粒粒分明，卤汁渗入每粒饭。我妈牛腩药膳汤油面药膳味温和，唔会太浓烈，带点中药嘅清香，饮落暖胃又舒服，牛腩软腍入味，油面吸晒汤汁，每条面都挂满汤底嘅精华，食落好顺滑。雪山朱古力波波球外层系炸到金黄嘅麻糬波波，咬开流心朱古力酱涌出嚟，面头洒满糖霜，邪恶但停唔到口！热辣辣食最正椒盐鸡软骨即炸上枱，脆口唔油腻，椒盐调味惹味。仙草芒果鲜奶露仙草滑溜，鲜奶甜度适中，芒果肉新鲜。芒果沙冰沙冰打得绵密，芒果味浓，夏天饮超解暑
继续阅读
近日同朋友去到元朗 Grand Yoho 商场Foodcourt 食左喱间台湾野，我叫左个盐酥鸡拌面。盐酥鸡炸得尚算酥脆，肉质不柴，但略嫌调味偏淡，整体拌面味道都合格，喱个价钱非常OK。满68蚊会送果茶时特意要求「走甜」，但原来就算茶底已经无糖，整杯饮品仍然甜得滞。这一点真的有点失望 —— 若果店员可以提醒「爆珠本身已经有甜味」，让客人知情选择，体验会更好。
继续阅读
行商场行到累 揾d野食 成日都唔知拣咩好如果见到商场有美食中心就一定会冲入去😍呢个foodeli 元朗屯门都有 而且d食店都系差唔多今次同屋企人就食左台湾野见佢价钱劲抵! 份量又多 岩哂一家大细食-🍱烤大鸡扒盐酥鸡饭 $68个大鸡扒仲大过我块面😂仲有几件盐酥鸡大鸡扒同盐酥鸡唔会炸到好干仲几juicy 再配埋肉燥食 好yummy-🍝我妈肉燥干面 $48呢个捞面都好有惊喜唔会太油 食落岩岩好面都系软硬适中👍🏻-🍗花枝丸/杏鲍菇/盐酥鸡 各$28小食类 都唔小 系劲大碗新鲜即整 热辣辣-🍨综合芋圆 $28芋圆有口感 味道够出配左大量台式配料 好满足-🧋珍珠奶茶 $26🥤百香果茉莉绿茶 $29手摇饮品都好抵饮大大杯$2x 出面都买唔到-📌我妈的菜-📍元朗元龙街9号形点l Foodeli2楼2042号舖📍屯门屯顺街1号屯门市广场1期FOODMAZE 2楼2253A号舖
继续阅读
元朗YOHO MALL里面嘅food court有好多嘢食！见到呢间主打台湾古早味住家菜，有好多人帮衬，望到人地嗌嘅盐酥鸡好吸引😍，吸引咗我哋试吓！🍚大鸡扒肉燥饭鸡扒好大块，外皮超级酥脆，又唔会炸到硬身，鸡扒肉嫩滑！肉燥饭嘅份量好多，男仔食绝对够饱肚阿！🍝肉燥拌面拌面用咗粗身油面，面身弹牙索汁，将冬菇同肉燥捞埋一齐食，食落好香冬菇味。呢个肉燥面同样大份抵食！🧆盐酥拼盘(花枝丸拼杏鲍菇)花枝丸大粒弹牙，里面有墨鱼粒粒，唔使酱汁已经好好味。第一次食盐酥杏鲍菇，外脆内软，咬落去有菇汁爆发出嚟，好好味。🐤盐酥鸡外皮薄脆，口感酥脆，入口鸡肉嫩滑带有肉汁。如果嗌小食，一定要食盐酥鸡！🥣综合芋圆呢碗糖水落咗多款配料，有仙草、芋圆、珍珠、蒟蒻等等，花奶做底，口感好丰富，做饭后甜品一流！🧋珍珠奶茶奶茶味道唔错，有茶香又唔会太甜，珍珠煮得软腍亦保留到烟靭嘅口感。🥤百香果茉莉绿茶百香果味道酸甜清新，食完炸嘢，饮番杯帮到解腻。📍 我妈的菜 元朗元龙街9号形点l Foodeli2楼2042号舖
继续阅读
您可能会有兴趣的...