影片
结婚之后住咗粉岭几年，食得最多就系上水龙丰楼下的车仔面，后来搬咗去马鞍山，都有keep住入去帮衬，佢系我心目中最好味车仔面头三位。虽然知道粉岭有分店，但上水舖执咗之后，一直都未有帮衬过。今日两公婆都放早，老婆放弃雅士锯扒选择咗成记，失望之旅就由呢秒开始⋯⋯呢间系自己圈纸仔，不过我比较喜欢上水店排队拣𩠌，先刺激眼球同嗅觉。可能过咗午饭时间，伙记多过客。14:58落好单，就听到隔离枱叫下午茶，原来15:00有特价下午茶餐，𠮶一秒真心嬲咗😡😡，感觉店员唔太老实，当然自己冇留意都有责任，但只系差一两分钟有下午茶，系咪应该同个客讲声呢？几分钟碗面嚟到，卖相跟以往分别不大，不过一食入口就知什么叫「往事只能回味！」粉肠有啲韧，萝卜冇乜味，猪红同酸斋算正常发挥，面汤淡茂茂⋯⋯呢间真系成记？好失望的一餐！下次再嚟联和墟，成记肯定不在选择之内！是日消费：猪红$12萝卜$8酸斋$10粉肠$12油面$15共消费 $57
继续阅读
寻日下午我去联和墟呢间隐世好食鱼旦档试吓 因为上星期喺前海开会 其中一个香港下属向我呢个CEO推介香港北区有一间出色鱼旦粉面⋯⋯我坐低叫咗一个净鱼旦、一个鱼旦面及1杯冻柠水⋯⋯ 十分钟左右以上食物到齐 我第一口先喝汤⋯⋯不错之后咬一啖鱼旦 果真弹牙 再食一啖面 真系不错 我觉得真系好食鱼旦弹牙 面又爽大约25分钟食完 埋单只系$80！虽然比起深圳食嘢系贵咗啲 不过唔同地区又不能咁样比较⋯⋯喜欢食鱼旦的朋友可以试吓（佢有其他食物的例如：牛腩、炸鱼皮、云吞等等）不过要下次再试讲住咁多先 我要坐高铁上北京分公司见班下属汇报上月公司业绩⋯⋯⋯再会
继续阅读
啲𩠌份量好少，特别肉类牛腩肥牛，其他𩠌嘅质素都普普通通。。。都算系食过嘅车仔面中几差嘅一间腩汁加辣加到变辣汁，死口唔认，厨房佬无礼貌，对客人同员工呼呼喝喝，啲𩠌少面少汤又少，食完都唔会饱，得普通餐厅七成份量啲𩠌嘅质素麻麻，叫牛腩，得两旧细嘅，千祈唔好叫牛腩，10蚊一个𩠌，两细旧牛腩唯一好处依间车仔面系繁忙时间可以任坐，坐几耐都冇人赶，因为冇人帮衬，食饭时间都仲可以比学生同工人坐耐啲，想食完有得坐嘅人可以考虑吓
继续阅读
加价后份量大不如前🥹🥲食完唔饱！食佢食咗20几年，由最高峰嘅时候有三间铺上水正铺变咗粉岭联和墟搞到而家得返一间舖相信真系唔系冇原因……以前排晒队等食，而家成日拍乌蝇午饭晚餐时间都系得几个人。一个普通女仔食完一碗三𩠌面加嘢饮好似一阵风咁（我自问真系唔系大食，平时谭仔都要少米线都食唔晒）车仔面𩠌嘅份量多少都唔紧要 都明白要成本同赚钱但面真系得几啖……（面其实都唔系好贵啫）食嘢真系求饱肚 起码主食份量都应该要有返应有嘅水平如果咁样做生意，真系唔系太理想，感觉好似想赚到尽。🫠如果真系谂住食一餐饱肚嘅lunch或者dinner你预返应该要比钱加底但如果下午茶嘅份量是足够的。
继续阅读
好耐无同「发哥」出车喇，所以，揾个星期六天气几好嘅，就同佢踩返转中长途，有挑战少少嘅，两支公一齐由大埔起步，踩去大尾笃，再上新娘潭，冲返落去鹿颈，再兜一转去沙头角边境站，然后再折返番粉岭，食个晏之后返回大埔。唔喺因为踩单车都唔会入到嚟粉岭揾食，因为仲要踩段路返大埔，所以，唔会食得太饱，就拣咗嚟「成记」食车仔面。「成记」地方都几大，左右两排大长枱，装修简简单单，胜在感觉阔落，随意揾个位坐，比起附近好多茶记感觉自在好多。一堆酱料、筷子、碗仔、点餐纸摆晒响枱面，自由顾自己。剔纸仔落单唔使多解释大家都明，影出嚟纯粹俾大家知有啲咩𩠌料选择，同埋个价钱喺点。唔想烦嘅，可以拣招牌杂锦或八宝素菜，另外仲有啲小食供应，饮品跟餐又有优惠。扎肉猪皮卤水蛋河粉 $36虽然我哋两个各自拣𩠌，但部分𩠌料都可以互相分享吓，就变相变成4𩠌车仔面，哈哈。老友就话啲扎肉猪皮几唔错，前者咬落好有质感，唔喺沟粉嘅平价货，后者就好爽口，而只卤水蛋卤得够入味，河粉滑溜有米香。韭菜猪颈肉油面 $30呢一餐我就纯粹垫垫肚，所以，拣两𩠌一个肉一个菜就够，另外清汤底加腩汁，食起嚟香啲。啲猪颈肉都几好食，咬落口感弹牙，又有份爽爽地嘅感觉，啲油面都好爽滑，咬落带少少烟韧感。冻柠茶 +$8配冷热餐饮都喺加$8，加上今日天气都热，同埋 今次嘅途程大幅度上坡落坡，都唔容易踩，所以梗喺点返杯冰冻嘅冻柠茶凉爽一下。虽然用咗钢杯睇唔到啲茶色，但入口茶味几香，柠檬又落得足。食完车仔面，立时啲力气都返晒嚟，不过，都喺坐多阵脚叹下冷气先再出发，反正我哋两个踩得快，半个钟左右就可以返到大埔。
继续阅读