影片
以上资料只供参考，请与餐厅确认详情
经朋友介绍无意中发现到呢间 Red9 Skybar，夜晚 5点 开到凌晨 3点，坐得舒服又阔落，仲有 live band 同埋靓夜景陪住你食饭饮嘢，超适合同朋友或者另一半黎 Chill 下叹返杯🍷。佢哋有几个嘅 Set Dinner ，包金瓜汤、烟三文鱼沙律、生果同咖啡或茶，最平 $248 就食到，性价比高，仲要系夜景加持下慢慢叹，够晒写意。今次我试咗牛排餐，一开始嘅 金瓜汤暖笠笠，味道甜香浓郁，饮落去舒服又暖胃🥣。烟三文鱼沙律嘅菜够新鲜爽脆，三文鱼肥美唔腥，配埋酸酸地嘅酱汁，食完无负担又清新。主菜黑椒汁封门柳 200g，牛扒煎到 medium rare，切开仲见到靓靓粉红色，肉质嫩滑 juicy，配埋微辣嘅黑椒汁，越食越香，肉味超足，旁边仲有 pasta 配埋酱汁，啱晒大胃王🥩。朋友唔想食牛，拣左食芝士焗波士顿龙虾餐🦞龙虾够晒弹牙 juicy，配 linguine 食都几有层次，食完满足感十足。食到尾仲有新鲜生果同咖啡或茶，帮手清清味蕾，准备夜晚继续吹水饮嘢🍵。最抵食系佢哋嘅 特价海鲜拼盘（$99 加购），有 6 只生蚝、6 只青口、6 只蚬同埋白虾，原价 $268，加购只系 $99，性价比超高，最啱同班朋友边食边 chill🦪。夜晚唔想咁重口味，仲可以试佢哋嘅八吋 pizza（$118–138），即叫即焗，够晒热辣辣，啱晒做宵夜。🔻 小总结： ✅ 夜晚 5pm–3am，晚餐宵夜都啱✅ 有 live band + 靓夜景，超 Chill 气氛✅ 牛扒、龙虾质素高同性价比高✅ 可加购超抵海鲜拼盘做前菜✅ 啱晒同朋友、情侣、庆生或散心叹返杯推荐比 想夜晚揾个 Chill 靓位叹晚餐、饮返杯轻松倾偈嘅你✨，下次可以约埋朋友去试，饮住 cocktail 听住歌食靓扒或龙虾，真系几舒服🤍。
继续阅读
朋友介绍，湾仔顶楼加天台酒吧，上到去，好惊喜，全落地玻璃，靓景打卡8:00仲有现场琴师同歌手唱歌，一边同朋友食饭，一边听歌好好气氛海鲜冷盘好新鲜，鲍鱼同虾都好好食服务员好迅速帮我哋换碟、上菜、添水仲会过黎倾吓交流吓意见南瓜汤同蒜蓉多士有水准，不过不失。主菜个封门柳好浓既牛肉味，就算唔沾汁都好好味，威灵顿鸡卷皮脆肉厚、有芝士流心，好有饱感。番茄意粉微甜爽口。食完又想试埋个pizza, 大食的加埋个pizza，4个人分岩岩好⋯pizza好多芝士同菠萝，足料，非常饱！食完饭听完歌再上天台仲望到维港夜景，好relax!食饭期间，隔离枱客人生日，歌手即席唱生日歌，其他人客一齐唱歌，好有气氛！
继续阅读