影片
去慧泉寺食斋已好多次。请斋飞后12人一围，同枱的好多都熟口熟面，可能大家都系一齐拜佛一齐食斋😊😊😊。斋菜方面。八𩠌一汤分量十足。个人最喜欢炸腐皮，外脆内软甘香可口。酸斋亦一流，酸甜度刚好。还有冬菇生菜，冬菇好淋好香，生菜爽脆，清淡中带浓但不腻👍。加埋罗汉斋及炸斋猪扒系主要菜式。其余三个菜亦常有改变，水准亦在一般之上。那个汤亦要一赞，次次不同。最难忘的就是吃到一次炸芋头饼，加埋特制嘅酱汁真系一试难忘。可惜只此一次。希望下次到慧泉寺拜佛食斋，能有缘再尝。题外话：唔讲唔得，唔睇唔得😄慧泉寺唔系一间食肆，只系一个净修嘅道场。有法会举行才会有斋菜(只在中午)给一众弟子及善信享用，唔系随时都有得食架，而且法会当日斋飞请晒就冇，想食就要早啲啦。
继续阅读
大年初一，通常会同屋企人一齐去慧泉寺食斋。长辈会先买咗一围枱素菜飞，每围大约十二人份量。我哋会先拜佛，然后再在入席时间前约十分钟入坐等候。当日气氛好好，会有醒狮队巡回成个场地。斋菜方面，都新鲜同多款口味。其中较爱食嘅系酸斋同腐皮，两味𩠌一齐摆入口食好夹。另外冬菇生菜都好淋好入味，素猪扒煎得好香口。今年嘅汤好特别，系西式嘅罗宋汤，酸甜开胃，印象中以前系中式嘅素汤。大年初一一家人为埋一齐食斋菜，热闹温馨迎新年！
继续阅读