影片
食记 (93)
十几年前，同学仔带我去慈云山，第一次食炸蛋，一试难忘，平平无奇嘅鱼旦炸到硬过石头，但系口感好新奇，个辣汁仲好好食添～～～今日再约朋友仔一齐去慈云山行下食下野，怀念一下以前读书嘅时候。小食店喺个唔太起眼嘅位置，舖头细细，坐位唔多，所以每次都要等一阵先有位。今次叫咗炸蛋、鱼肉翅加猪猪同墨须，咁多年，味道都无变👍🏻炸蛋都系一样好食，但系就唔够老～鱼肉翅好足料，墨须个酱汁辣辣地同甜甜地，好夹呀～～最近收到消息话小店在1月底结束，觉得非常可惜😢希望会有有心人顶手啦！
继续阅读
小食馆系我二十几年前由小六食到中五毕业既地方，大家知道老板将会荣休一月尾结业都好唔舍得！人潮不断！连久未露面既老板都要亲自落场，老板说系平日生意既4倍！所以约番中学时既饭脚一齐去怀缅一下，事前明知无得卖炸老旦，炸老柴，汽水，即「联合国」(将几种汽水沟埋一齐）都唔会有，因为炸唔切，汽都打唔切。虽然有点可惜，不过都无损我地既心情^^一行六人，等咗半个钟左右，终于等到啦，仲可以坐系老板水吧前既坐位，超开心！先黎豆腐花，其实系蜜瓜味既大菜糕黎既，唔好误会呀，亦系特色之一。再order咗杂锦（即猪皮，萝卜，猪红），炸旦，炸红肠，炸鱼饼，墨须，公翅（即碗仔翅捞公仔面），翅针(即碗仔翅捞银针粉), 翅捞大肠加猪红，生菜鱼肉，另外记得一定要叫多碟沙嗲酱，因为系自己炒㗎！我叫既翅捞大肠加猪红好大碗，呢度既翅肠猪红好好食，绝无偷工减料无沟水，真正既平民美食！最后6个人食咗$360，真系劲饱劲满足。好想再去食…
继续阅读
儿时回忆。其实我带过好多人黎食 反应都是好一般。觉得点解会食埋d咁唔健康既野。哈哈 但是中学读左七年 食足七年 真是好有感情。每次必食 老蛋和老柴。其实只系将鱼蛋同肠仔炸到好熟 外面脆脆硬硬。口感好特别。粉仔亦是至爱 银针粉配上葱 冬菜冬菇 简简单单 街坊味道。鸡翼尖 我一次可以食两三碟 煮得好入味。什锦 有萝卜猪红猪皮生菜 重点系配上佢地秘制沙爹汁。正。每次黎 都必饮联合国一杯。其实只是将唔同味道的汽水捞埋做一杯。其实煮法同食物 真是好普通 但我始终定时定候会黎怀缅一下。
继续阅读
慈云山，除咗睇烈火雄心听过佢个名外，对呢个「国度」可谓一无所知，今次有朋友带路，拓宽自己嘅寻味地图！第一站有 「慈云山小食馆」！首先有重口味嘅「牛腩加猪大肠」，已炆至稔身嘅牛腩好入味，入口肉质松软，食唔停口，夹埋个肠大肠，超惹味，个味如果可以配埋碗白饭就一流！炸鱼蛋，比想像中平凡，系炸得好香口，但内部水份收干，食落口有啲太dry⋯⋯
继续阅读
网上见到碗仔翅入面有面食, 可以加公仔面, 粗面, 河, 米......茶记有既面食.几特别, 一次又试到2样野, 而且仲好饱肚. 即刻约朋友仔去试啦.碗仔翅公仔面 , 什锦, 炸老蛋 ($48) :碗仔翅做得几好, 甘夜去, 都唔会过咸, 又唔会太杰身. (因为有d由朝煲到晚, 味道会变得好浓).因为我都好怕太咸, 太糊仔既口感. 香姑同粉丝比较多, 有少少肉丝. 味道好正宗, 平时既碗仔翅味.加左公仔面. 大大碗 $20, 够哂饱肚. 公仔面煮得岩岩好, 硬身少少个只, 连埋d 碗仔翅食. 汤底都悭返.好特别, 而且好好味.什锦 有猪皮, 猪红, 生菜, 萝卜. 由于我食唔到太辣, 所以沙嗲另上. 沙嗲好香而且唔算好辣.猪红好味, 而且唔算太味精. 猪皮同萝卜 都好入味. 萝卜好甜好多汁, 有少少根.炸老蛋 未见过又未听过. 原来系炸左比较耐既鱼蛋. 炸到好透, 直头冇左弹牙肉质甘. 食入口系, 香脆爆d油出黎. 我本人就唔中意, 友人推介佢又中意. 我唔识欣赏.不过另外有炸蛋, 炸鱼蛋黎既, 会有返鱼蛋既弹牙肉质感个款.
继续阅读