愛群快餐店 (已結業)

對上一次幫襯"順利愛群", 已經係28年前.得悉愛群做埋最後呢一個月,   響星期日約埋中同去懷舊一下. 門口招牌有更新過.內在環境裝修無乜點變, 仲係好8,90年代.舊式餐牌一D都無變, 呢樣最記得.成個格局就好似TVB套"香港81-86"入面嘅小型快餐店咁.炸雞翼, 炸雞髀好搶手!! 賣哂就無!! 我一見到就來一個髀翼雙飛!!中同來到想叫多隻都無. 雞髀米粉茶餐連紅豆冰, $38. 炸雞翼$8/隻.  公司三文治, $50.材料非常豐富, 有牛排, 雞蛋, 火腿, 番茄, 沙律醬等, 仲要係即叫即整, 麵包又香又脆, 口感一流!!  是日糖水, 綠豆沙, 跟三文治茶餐送嘅.由於好多街坊叫, 我又試下.清熱消暑, 又大碗!! 歲月催人, 繼順天愛群易手, 順利愛群亦到最後階段.今次我有幸食多次, 已經好滿足. 你又有幾耐無食過? …查看更多

細細個就係呢度長大，記得幼稚園一放學就黎食下午茶，呢間真係好有歷史，格局冇咩點變，人情味依然濃~🙂菜式比較簡單，同以前都差唔多。JoyJoy子叫咗個雞翼雙腸飯，D飯幾多，汁都幾多👍比平時個D少油同少鹽，有湯送。整體ok, 多謝款待❤…查看更多

唔知食乜好， 行過見到依家快餐店覺得真係好舊式，好似返咗去80年代嘅舊式快餐店，所以就入去試下，其實就唔期望食咗啲好好食嘅嘢。無論收銀、餐牌、座椅係覺得好舊，仲要買飛 叫number自己去拎原本係想叫一個蕃茄牛坑腩米線結果比錯咗茄蛋鮮牛米線， 諗住唔浪費原則,就算啦費事換照食。湯底清淡唔係好有蕃茄味， 番茄唔係好夠多得幾粒 ,牛肉就唔知係咪因為鮮牛嘅關係，有啲韌又有渣麻麻地好食，最好食係個蛋啱啱好熟。以純粹食懷舊係講係可以接受嘅, 下次可以試其他…查看更多

#下午茶 #炸雞脾 #脆炸雞脾拼薯條 #🍗 #炸薯條 #薯條 $38雞髀放在熱風乾機，雞皮脆卜卜，都ok，薯條普通～有蕃茄醬沾+$3 凍飲ᶘ ᵒᴥᵒᶅ個人口味評分：6/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西…查看更多

今日去買左個香茅雞扒蛋飯外賣，返到公司打開個飯先知冇俾到蛋我！個餐跟左餐飲，我飲熱朱古力，但杯飲品淡到冇朱古力味都算，重有陣漂白水味！幫襯左幾十年，呢間野d 食物真係愈做愈差！…查看更多

老老實實，其實食快餐真係唔好有乜大要求，最緊要都係短時間內填飽個肚，但愛群由細食到大，總有一種食唔厭嘅感覺，總會間唔時食一餐。雖然佢係快餐，但味道都算正常水準之上，而且佢地有馳名既‘生炸雞髀’，同埋炸薯條都好好食，抵佢咁多年都屹立不倒。…查看更多

初次黎到順利邨，如果唔係去附近體育館玩攀石真係唔會係度出現。入到邨估唔到都幾多選擇，論門面，呢間愛群快餐店絕對唔算好吸引，但聽住附近朋友講佢由細食到大，而我又想快快食完過體育館，就即管試試佢。入到去，見大部分食客都應該係住係呢個邨嘅公公婆婆，同收銀姐姐都有傾有講，感覺都頗有人情味。快餐店嘅格局同鋪面一致，真係幾懷舊，枱櫈都係fix死係地下果種。先去收銀姐姐度買飛，再過bar個邊拎餐。呢晚我叫左香茅雞扒扎肉蛋飯!佢出餐都算快，仲有例湯送添~~想講個飯比我想像中吸引，塊雞扒有相你睇幾大塊，啲炸蒜同油蔥撈埋飯好食! 我諗係因為啲炸蒜都夠脆，淋左真係會想喊，所以佢呢個ok! 講真我好少食有埋扎肉呢個combination，所以再加埋煎蛋感覺幾豐富!總括黎講佢係超出左我預期嘅，快靚正! 佢將會係我每次去攀石嘅飯堂。…查看更多

今日做野做到晏晝，諗住買個tea食下，買左豬扒包，不嬲都會好怕啲豬扒好油好肥，但係愛群又唔會，我買外賣，都唔會話整到個盒油哂，啲醬亦都唔算太多，食完都唔會好有罪疚感而且員工都係好有禮貌，係難得順利唔錯嘅一間餐廳！…查看更多

自從搬左office...都無乜晌順利食野...今日咁啱又番順利工作...呢到野食好味...出餐快...重點係我鍾意呢到嘅人性化...煎蛋可轉腸仔火腿呀⋯⋯蛋又可揀咩蛋汁又可轉其他汁...早餐午餐價錢都算大眾化...係邨內受歡迎嘅餐廳！講番今日個飯：魚塊新鮮炸到脆卜卜...熱辣辣！粟米汁 其實得好少粟米😢...而我專登叫左多汁..都只係啱啱好咋😂比起其他汁...總係覺得粟米汁係少啲嘅🤔加埋杯可樂...15分鐘快食午餐..都已經好perfect池喇！…查看更多

愛群炸雞脾好味道、賣到街知巷聞朋友都經常講點好味法、隻手掌🖐️咁大件...（十幾年都好少食炸嘢）一個月都唔會食過三次，但第一次試咗白汁雞脾飯，就上咗食炸脾脾癮，十日內食咗兩、三次...第二次買愛群雞脾食，係因為剛試完‘大x樂去骨海南雞’感覺中伏，之後就去買件炸雞脾，可能接近打烊，last one 比較乾身、縮咗水，不過都不過不失，食得落...最近呢次，時間岩岩好，所以食到保留得好好的雞脾肉汁、脹卜卜、好好味好味既嘢就肯定要介紹比老友，遲D order 20隻 開party食。…查看更多

▶️這餐廳已經營很多年了，是間老字號的街坊餐廳，當時是中學的年代經常到這餐廳幫襯，今天路經此地，當然要懷念一下熟悉的味道。 這間餐廳最出名的是炸雞髀，每次食親也會回味無窮，不過今次想叫卻已經買晒了， 所以我選擇其他的下午茶餐。◀️🍞西多士配紅豆冰🍞西多士外炸得金黄香脆，內裡塗上了薄薄的花生醬，味道不錯，連牛油及糖漿一起吃很滋味。紅豆冰是一貫傳統的飲品，比例是三分一是紅豆，三分二是椰汁、冰、糖水，味道保持水準。▶️雖然今次吃不到炸雞髀，不過我好開心可以回到這地尋找了中學時代的一些回憶片段，我下次一定早些到去食這個馳名食物先得。◀️…查看更多

常常在網上傳體看到「香港十大炸脾」的文章或影片，愛群通常都榜上有名，而其他一般會有三多、丹麥、葵涌食口福等等。身為前葵涌友，愛群與食口褔或時新類形近似，八十年代港式快餐店，當時應該是潮物 ，現在就變成懷舊了。四十五蚊一個午餐，不比連鎖快餐店或茶餐廳便宜，但仍有不少街坊支持。收銀姐姐與街坊的交談令這樣添了一份溫馨的人情味和親切感。炸脾即叫即炸，等了五分鐘左右，熱到燙手，沒有裹任何粉，完全係「裸炸」。Size不至於巨無霸，但雞皮很脆，保有肉汁，不會過油或過鹹。但是個人還是比較喜歡有裹粉有點吉列feel的炸脾。…查看更多

很早以前就聽聞愛群快餐店的炸雞脾很好吃，但一直都沒有機會一試。所以，今天與女朋友到佐敦谷公園野餐後，特意來到順利邨的愛群快餐店一試這個遠近馳名的炸雞脾。這炸雞脾的價錢也是不便宜，我們下午茶時段來點這個「雞脾餐」，也是要了我三十個大洋。但是，這炸雞脾的味道的確不賴，份量十足，炸得外脆內嫩。切了一小塊出來給大家看，內裹真的是「油光滿面」。餐飲我就點了一杯熱奶茶，作為一間老式的快餐廳，奶茶自然不會沖得差！除了價格略為高了一點，其他方面也是不錯的！…查看更多

職員將快餐店，當屋企，講嘢超大聲，好嘈好嘈，影響食慾。什麼家事都講，水吧位的阿姐，大聲講，第一枱食客，及隔離的職員用膳枱阿姐，總之，全間快餐店都好嘈。有些街坊，怕咗嘈吵，轉去隔離的餐廳，或者屋邨的另一間茶餐廳。當老闆在場當日，就靜好多，舒服些。其實，對茶餐廳無乜要求，只係食一陣嘢啫，希望阿姐們收斂吓啦！…查看更多

星期日中午林住食個午餐先食屋企，老公提議去順利村，原來佢已經早有選擇，就係去愛群快餐廳。今次係第二次去食野，每次黎老公都要懷愐一下佢細個......「依間愛群我細個個時已經有架勤......」其實我覺得佢揀依間快餐店唔多唔少都係情意結。入到去，望住個餐牌有d唔知揀咩好，不過最簡單都係食扒穩陣d.所以我揀左個煎蛋扎肉豬扒飯，老公揀左肉醬雞扒飯。野飲方面，由於前日飲左杯唔好飲野紅豆冰，所以再叫一次紅豆冰，睇下可唔可以安慰返自己，老公就叫左羅宋湯。今次見到杯紅豆冰，紅豆同奶既比例已經知杯紅豆冰唔會差得去邊，的確幾好味之後食個煎蛋扎肉豬扒飯，一睇得一片扎肉，感覺少左d,而且撈飯汁少左點，不過總體味道ok.而老公食的肉醬雞扒飯，肉醬非常好味，另外羅宋湯都很濃味，d薯仔煲到外面有點溶，不過仍然有得哎，非常喜歡…查看更多