愛群快餐店

营业中

休息中

早兩日去了位於彩虹邨的懷舊快餐店，入到快餐店，眼見其裝修，掛牆餐牌，甚至收銀處等等，仍保留香港舊式快餐店的佈局真的寥寥可數。兒時都會食愛群的什扒飯，而隨著時代的變遷，物價通脹，我記得以前是牛﹑豬扒﹑火腿腸仔，變到近幾年的牛扒﹑雞扒﹑腸仔，但是質素依然保持不變，實屬難得。我今次是外賣，叫了我的兒時回憶 - 什扒飯，今次我要黑淑汁，腸仔轉煎蛋，無論你是堂食還是外賣，收銀員都會給你兩張票，一張票是你要交給廚房樓面，而另一張票側是你取餐時再交給廚房樓面，這個特色這麼多年仍然沒有變，可能你會覺得跟不上時代，但正正因為這樣才會覺得更有「懷舊感覺」。而這個飯，我仍然最喜歡那塊薄牛扒，是舊式快餐店或茶餐廳吃到的那種味道，而喜歡汁撈飯的我，即使你不叫多汁，愛群每次給的汁都十分足夠，大滿足！

雞翼配西多士位於彩虹邨入面，好舊式既餐廳嗰日做嘢經過附近，個時係下午5:00時間由於前排禁止堂食夜晚六點後就冇啖好食因為附近冇咩好食，就快快脆脆食個下午茶，於是就入咗呢間餐廳睇得出佢同裝修開始都係好耐歷史同平時去開嘅茶餐廳好唔同要先俾錢買票後，再除餐等咗5分鐘左右就有嘢食西多士係用糖漿一開始見到好似比較多油食落去又唔錯好大舊牛油喺旁邊 可以自己選擇落唔落出其不意地雞翼又幾好食 沒有期望就有意外驚喜

由細係彩虹邨食到大 長期都鬼咁多人 坐無虛席童年回憶細細個 屋企人好少出街食飯難得一次媽咪無煮飯 就係去愛群買頹飯必食什扒飯同粟米班塊飯大個咗唔再好太多汁嘅食物懶健康呀麻其實食快餐仲講咩健康所以每次食愛群必叫 呢個香蔥肉排雙蛋飯 再配杯凍奶茶 奶茶唔會死甜 茶底比重多過奶 煎豬排香脆 薄薄兩大塊豉油唔係死咸 甜甜地 同唐記蒸飯啲豉油無得比白飯粒粒分明每次 都食到一粒飯都唔會餘下依家諗返起都想再食 西多士 炸脾 紅豆冰 菠蘿冰 做下午茶都唔錯選擇

我唔係住彩虹邨既，今日係特登搭車去幫襯佢地買外賣的。我叫左一個乾炒牛河同一個楊州炒飯，連埋兩支凍豆漿共銀101蚊! 一D都唔平，但因為食過好食所以再去。佢一個膠袋綁住哂成個ORDER，我冇拆開黎CHECK，因為一來信佢地，二來佢綁左個死結，我真係拆唔開。點知返到屋企，個乾炒牛河唔見左，反而變左一盒平十幾蚊既餐肉雙蛋飯!!! 好嬲呀!!!!

There are two branches of Oi Kwan and I am glad that both have kept the restaurant how it is.Sadly for Si Sun Burgers, they had to move so all that living history has been lost.The staff looked like they were wearing PJs but it could be funky uniform from the past which I haven't seen before.They are famous for the huge fried chicken legs but they looked a bit burnt so I ordered something else.I got the salted fish meat patty with rice.The portion was huge, 2 big patties.As expected the patties

呢間餐廳都好耐年前每次都總係來呢到食懷念既係餐廳內觀呢次叫的是黑雞扒飯味好重要！呢到除左黑椒雞扒，可以要黑椒豬扒、牛扒，甚至雞冀都無問題，都係4x.....我當然要配飯，不轉意粉、薯菜。雞扒味夠...極正黑汁🤘🏿食多個飯都願

當日打完排球時間唔夠唯有搵一間快餐店食。睇到個餐牌好清楚,試一試佢哋雞扒火腿飯+例湯(紅蘿蔔豬骨湯),熱奶茶。首先雞排已經煎過好香,加上它們味道濃郁嘅黑椒汁,以及絲苗白飯。雖然我係個女仔,食完之後感到手腳有力。始終女仔有幾日會比較手軟腳軟。加上他們好好飲嘅例湯熱奶茶,令到我再次飛起來,恢復所有體力。之後返屋企噉啊可以講話好好食。

朋友住彩虹邨，成日都話由細食到大既炸脾好好食！今日就約左佢帶我去試下彩虹邨好大，如果吾係朋友帶住，應該會迷路。佢帶住我左轉右插，終於搵到愛群。。由門口睇落已經好舊式，真係好有童年回憶。入到去自己搵個位坐底，自己抬頭望下餐牌再自己出去點餐，再等叫號，再拎餐。所以都自助式，夠哂傳統。我地點左一份炸脾薯條，一份炸脾沙律，再配上一杯紅豆冰！炸脾都算大隻，一切落去有肉汁。皮炸得脆，肉有醃過，肉質滑！朋友話係生炸脾，所以先會甘好食！另外薯條係扭紋薯條，份量都算多！沙律拌了檸檬汁，係店家自家製的！值得一試！紅豆冰紅豆好多，略嫌硬左少少，不過吾會太甜，又吾覺得好奶，岩岩好！而家呢啲小食店真係愈泥愈少見！所以真係要去支持一下。下次有機會再去試下其他

出面街各式台灣炸雞(豪小小, 繼乾)開到成行成市, 然而這一日我卻回歸7、80年代的香港美食 -- 愛群炸雞脾。香港有好多間愛群, 深水埗有, 順利同 彩虹都係做快餐廳的, 老派格局。沒有電視做告示板, 餐牌仍然是掛上去的。下午茶炸雞脾粉餐, 可選米粉米線或麵, 配飲品, 又可選甜品或紅豆冰, 而不另收費。主角皮脆肉嫩多汁, 雖然係好毒極邪惡, 生炸嘅髀肶熱辣辣跟碟上，即叫即炸，又唔會好似台式果D 有層炸粉漿係到, 一切開脆皮，入面D雞油baba 聱喊晒出嚟gam 款, 夠晒惹味~ 台式果D真係比唔上。總結黎講, 呢餐真係好毒, 痱滋又出, 又爆瘡, 但愛群炸脾真係無可匹敵~

夫復何求 -- 爰群餐廳彩虹邨, 一個老化了的屋邨, 邨裡面餐廳沒有走高檔路線, 沒有加一, 沒有食飯儲分, 門口沒有巨大的電視屏幕走的都是樸實平民路線。就因為這樣, 要是星期六有空的話我都到彩虹邨吃下午茶, 避過荷理活的人群, 悠然自得享受平實簡單的下午茶。愛群餐廳出名的是生炸雞脾, 但總不能每個星期六也吃炸雞脾吧,於是我點了雞翼代替雞脾- 肉躁雞翼米線(配料還有一隻蛋),。而這天天氣比較寒冷, 於是我點了糖水(南瓜芋頭西米露)作為餐茶。以為這餐會很貴吧, 錯了,這樣吃才28元, 那些(金裝X奶佬)肯定做不到這種性價比呢~所以, 我只有4個字作結 -- 夫復何求?

好似好耐無見過呢類舊式快餐店, CHAIR 同MENU牌, 我記得都是細個時代的產物。叫左個都好TYPICAL 的碟頭飯。咖哩豬扒腸蛋飯。咖哩汁係一貫的港式味道, 唔辣但香, 帶點椰汁味。豬扒薄薄一塊, 略嫌細塊左D, 炸得唔油, 味道唔會太咸, 都OK, 香腸同蛋就唔會難食GE。仲有幾舊薯仔, 又林又入味。另叫左杯茶走, 聽說係 =  加左練奶GE MILK TEA, 但茶味太濃, 要加糖。港式奶茶真是not my cup of tea. haha

搜尋之下才發現，原來這間愛群餐廳，在順利邨亦有另一間分店。只看門面，以及內裏的裝修，也覺得懷舊味道十足。報道稱「愛群」屹立彩虹邨近四十年，試試這種舊式餐廳，正合我意。友人例遲，於是我在這兒附近，看看牛池灣村街市，跟彩虹邨這邊，有沒有什麼特色食店，看見鑽石冰室，與及這間茶餐廳之間周旋，由於這款茶餐廳在本港的確剩不多（像何文田愛民邨天馬快餐），遲一些可能也再不復見，於是決定進去這間愛群茶餐廳。先說其裝潢，已經非常特別，一條條長條形的排版，掛上了餐廳提供的食品。然後是收銀處，頂上面有橫牌寫著「收銀處」，已經覺得非常舊式，員工進去，形成一個小的櫃位。另外就是取餐處那些上面的燈箱，以往的快餐店，也喜歡用這款燈箱，展現出炒麵、雞脾、熱狗等等美食，現在好像只在馬場裏面看過這種燈箱🤔，否則也可能已經拆掉了。就看看出餐那邊的牆上面，「外賣部」保持一個牌仔，也覺得非常舊式，饒有趣味。還有這款四人座位，使用膠椅座，以往，在中間還會有柱子分隔兩邊，需要橫跨座椅，就要舉腳跨過去。雖然認為這款舊式餐廳的炸雞髀、薯條，又或者炒物，或是芙蓉蛋飯，可能非常出色，但是又生怕會比較乾，於是還是點了一個咖喱飯。看到前面的兄台

「領展」近年在香港各大屋邨內，兼併屋邨商場，和發展速度越來越快。例如位於觀塘區內樓齡較舊的彩虹邨、彩雲邨、坪石邨，彩雲邨跟坪石邨的商場都已經被「領展」所收購兼併。現在只剩下彩虹邨樓下的商舖，估計因為商舖附近區域難以改建為現代化商場規模，所以令彩虹邨至今仍能倖免於「領展」的魔爪，不少彩虹邨的老牌地道小店，仍然能安然逗留於彩虹邨內。例如彩虹邨內，當中就有一間，歷史悠久的老牌快餐店「愛群快餐店」，餐廳由門面到內部裝潢擺設，仍然保留八、九十年代的快餐店風格。就連「愛群快餐店」其中幾款有名的代表菜，都已經被店門旁邊的光管招牌，和剪報內容所透露了，就是「生炸雞脾王」和「西冷牛扒」。生炸雞脾是近年香港很多隱世小食店，都會指定提供的菜色。不過，由於我在西貢墟，還未食午飯就坐小巴跑了出來，所以我要食的東西很簡單，一碟簡簡單單，又可以飽肚的雞扒頹飯就可以了。看見「愛群快餐店」內的檯櫈，檯櫈竟然還是緊緊鎖在地下的舊式餐檯餐椅，我看見不期然感到，我彷如置身未結業前的西貢「利口福」。未結業前的「利口福」，檯櫈就是緊緊鎖在地下，感覺很有八，九十年代懷舊街坊食店的氣氛。當然，香港還有不少快餐店用這些懷舊檯櫈，例如愛

舊式老牌屋邨彩虹邨裡，到處都是寶：有開業四十年多的麵包店、開業超過四十餘年的茶餐廳冰室、掛上玫瑰牌火水廣告的糧油雜貨老店、有52年歴史的茶樓、老舊的家品傢俬店，老上海理髮店，更有50-60年代最流行同時一鋪經營賣鐘錶及眼鏡零售模式的小店，當然不少得是也有同等歷史價值、開業超過三十餘年的愛群快餐店。店內保持了舊日的裝修，類似198X年代的裝修，但是亦融合了不少新的事物、新的食品，更重要的就是加入了電腦收銀系統及八達通機！愛群的懷舊裝修很先「色」奪人，鮮紅黃兩色的收銀處，非常eye-catching ，跟在旁也以紅黃兩色為主的舊款餐牌，很是合襯，還有中間一張長桌和鑲實在地上的圓椅，及兩旁同是鑲實在地上的卡座，這就是香港「黃金歲月」的裝潢吧！招牌生炸雞髀配薯條加紅豆冰（$34），生炸的烹調方式，令雞髀更多汁更脆，雞髀肉本身肉質很滑、味道很香，很有小時候那「吃炸雞髀」的期盼感覺，伴以薯條，是粗粗有波浪紋的那款。粗的薯條肉厚，能夠保留薯仔內更多原本口感的部分，所以不是太乾。紅豆冰味道不及大X活的，糖水多過奶，但是勝在紅豆很多，不過未算很好喝。

入彩虹邨，要尋食的話，因為此屋邨甚有歷史的關係，一定會以舊食肆，同古早味行頭。而我是次再到來，也不想多說《鑽石冰室》，而是介紹一家小型的連鎖快餐店，叫做《愛群快餐店》。一看門面，很容易就知道，這是我們一眾7、80後的學生時代飯堂，先付錢後取食的老香港 style 快餐店。固定式座位是現今及以前的快餐店座位標準，而這一個場景，就正正是我們中學時代食快餐店仔的那一個場景，作為一名70後的我，當然會帶有小感觸啦。有朋友說來這兒買外賣是值得一評的，因為他們會用印有自己 logo 的紙盒盛載食物。可是，我每一次來彩虹都是早上路過，不會亦不需要買外賣，所以我只能夠輕輕地品味早餐，而早上的早晨套餐，就有一個可愛兼古早味的雞湯火腿通粉作為醒神的佳品。味道，是很濃的雞精味，通粉又煮得甚腍，熱度不高，可以快快趣連通粉連湯連火腿吃掉，是香港快餐的精神所在。來快餐店食早餐，通常都會以西式為主，所以我的雞扒餐就有腸仔、雞蛋同茄汁豆。說真，只差煙肉同薯仔，這基本上等同一個西式的全日早餐，而且肉、腸、蛋都不是馬虎地煎，熱熱的，帶點點焦，感覺份外的香口，而茄汁豆是熱的，令吃者食得份外的開心。奶茶，也是不錯，香味十足，