影片
港铁北角站 A1 出口, 步行约6分钟
继续阅读
开饭介绍
区内街坊中式素食小店，主打面食及特色小吃，汤底不含味精；若喜欢吃辣，可一试其秘制辣汁。
继续阅读
营业时间
星期一至六
11:00 - 21:00
星期日
全日休息
公众假期
11:00 - 21:00
公众假期前夕
11:00 - 21:00
以上资料只供参考，请与餐厅确认详情
招牌菜
无生意系正常嘅，因为实在系太难食兼且不负责任，仲要贵到死，如果吴想中伏嘅人，千万千万千万不要帮衬，重要嘅事情讲三次，明明落单1:30拎，12点几经已收到通知有得攞，认真O咀，心谂你开左咁耐，应该吴会犯咁低级嘅错误呱。真系好嘅吴灵，拎到番嚟，d嘢只系暖暖哋，大佬，你d系云吞，你如果分开装我都算啦，点知你连汤一齐放，搅到痴埋晒一旧，d菜黄到咩咁，见到都吴开胃，本来谂住求其食医肚，但奈何真系太难食，唯有丢左，我嘅同事都系同我同一命运。总然之，永不再食，太嬲啦，时间都吴睇，搞到浪费晒d嘢，真系太嬲先出嚟讲，希望大家以此为鉴。
继续阅读
一间超冇诚意、冇责任心、不负责任的餐厅。睇到该餐厅食评的评论不错，今天决定一试，结果中伏。约12:11左右落单，注明1:30取餐。过左约10分钟左右，收到取餐通知，当时以为写错时间，马上查看，证实取餐时间系1:30。于是马上打电话餐厅确认时间，但电话忙音，尝试多次也未能接通。以为餐厅一定系繁忙，以致冇法打通电话。1:25左右去餐厅取餐，见只有三枱食客，其中2枱各一人，另外一枱有三人。同柜枱职讲取餐，该位男士不知是否忙于接订单，低头不停㩒电话，头也不抬手指向左后方一指。取餐后我忍唔住问一句，食物是否做好好耐，佢竟然答系。云吞真系好难食，加上浸左咁长时间，食左一粒已不想食，卤水蛋同白烚蛋冇分别。上当一次足够，唔会再帮衬
继续阅读
真汉子再访北角嘅意素园，一间加入咗福建菜元素嘅素食小店。上次嚟食系刚开张冇耐，咁耐冇嚟唔知有咩新嘢食呢？😋餐牌多咗自选面餐，类似车仔面，但嚟到呢度梗系食啲其他地方冇嘅特色嘢啦。我睇中咗「福来面线」 $58 连小食同饮品，系纯素㗎。👍🏻面线食落好滑，又大碗，配料有好弹牙嘅贡丸，火腿，汤底有好多切碎嘅菜，红萝卜丝同菇丝。面线索哂啲汤，好入味，同埋由于面线唔使点咬，基本上可以连埋汤当粥咁食都 okay 。😆小食系我上次食完好挂住嘅福建菜果（两件），唔使问都系超好食啦。如果钟意食蛋嘅素友亦可转做炒蛋。🥚饮品我拣咗红枣茶，真材实料，好味又有益。💪🏻另外试咗素肉羹汤 $48，原来汤底系蕃茄薯仔汤，好清甜。素肉应该系猪嚟嘅，味道同口感都几可乱真，同埋真系好大旧同有好多旧，食极都仲有嘅感觉，钟意素肉嘅朋友下次识嗌啦？😁食饱梗系食甜品啦，我试咗香芋饼 $25，个皮烟烟韧韧，个馅甜度啱啱好，食落真系充满家乡嘅味道。🥹以家乡菜做主打嘅素食餐厅似乎冇乜，唔知有冇祖籍福建嘅朋友食过，觉得还原度高唔高呢？我自己乡下系中山，又唔知有生之年会唔会食到有中山/石岐菜特色嘅素食呢？🤔
继续阅读
去了一次便爱上了意素园，他们不单不用味精做到很出色的福建面，他们更是用满满的爱心做面的。他们这间小店是非常优雅的，布置别有心思，让我们在很舒适的环境享受热烫的面。除了车仔面和云吞面好好味，一定要介绍两样炸物：三角形的福稞及芋饼。至于咁抵嘅套餐还送非常好味的红枣水，所以一有时间便会和家人来的。我们每次虽然只帮衬$200左右，但他们给我家人5星级的服务。所以我会大力推介这间小店。祝福他们越做越受欢迎👍🏻😋🌈
继续阅读
因为见到外面餐牌有面豉芽菜面，所以想试吓芽菜面，就入去试吓，但餐牌上系冇呢个面，最后要问店员，店员回应系要特别煮，所以要等10分钟，由于其他面食不太吸引，所以我愿意等。另外店员话碗面有贡丸，心想或许会有4-5粒贡丸；等了好一段时间，先来红枣茶，饮了一口，味道不算甜，但也不够热。再来的面鼓面则有点失望，以为有多粒贡丸提供的，原来只有一至一粒半吧，因为他们是把贡丸是一分为四，至于芽菜，是食得到但又看不出的！味道方面；面豉汤味重，面底刚好，热度也可以，唯一扣分的是配料太少了！
继续阅读