影片
以上资料只供参考，请与餐厅确认详情
难食到唔想影相...360pizza好似小学生第一次学整pizza咁，hea到爆，仲要$88，其实$44都俾多佢！食左一件已经唔想食第二件芝麻酱鸡肉意粉，又系劲hea，鸡肉又得几粒，好唔吸引黑松露带子意大利饭，呢个正常d，都算ok，饭汁几香，带子得两粒少左d而且偏干肉酱薯条，d肉酱同薯条系分离捞唔晕，又太干，薯条亦唔脆，令人冇咩意欲再食将军澳咁多人口，间间餐厅都大把人等位，所以呢d咁hea既餐厅先至生存到，真系冇下次...
继续阅读
去开宝琳其实都知系无乜特别好食嘅野。。。既然系咁，不如食下环境啦～Spaghetti 360系宝琳黎讲都算系坐得比较舒服嘅一间餐厅，大部份都系梳化位。今日系星期六，所以系无lunch set嘅。我叫左个咖喱吉列猪扒滑蛋饭，屋企人就叫左鱼柳龙虾汁镬仔饭。咖喱吉列猪扒滑蛋饭用嘅系日式咖喱，甜甜地唔会太辣；吉列猪扒松脆，滑蛋熟度恰到好处。值得一提嘅系，份量十足！鱼柳龙虾汁镬仔饭其实系好似risotto咁，龙虾汁融入每一粒饭里面，几惹味。野饮方面，我地都叫左红豆白玉宇治抹茶【走cream】一个绿茶真系好啱我口味，少少抹茶嘅甘味加上红豆淡淡嘅甜味，甜度同甘味平衡得啱啱好。白玉烟韧唔会太硬，亦唔会痴牙。总括黎讲，Spaghetti 360系宝琳黎讲都算系唔错嘅选择，最起码坐得舒服。
继续阅读
喺九展玩完行咗阵，晚饭就决定返将军澳食。因为tea time食咗少少嘢，大家都唔系太肚饿，但系饭总要食，所以就决定食呢间，好快就有位😌随意拣咗几样嘢....叫咗个有火腿、蛋片、芝士嘅pizza，啱小朋友食。因为只有6件，所以我无试。姪仔好钟意食咖哩饭，所以应佢要求叫咗呢个。鱼柳炸得好香脆啱啱好，薯仔只有少量做配菜，个饭“不“𠮶阵觉得有啲硬，但食落又ok一粒粒咁，珍珠米嚟嘅。蛋皮薄薄一块都ok，个咖哩汁几香唔辣。呢个意粉好好味，芝士汁好香浓，每条意粉都充满住芝士汁，正!值得推介👍🏻最失望就系呢个焗野菜，印象中里面有南瓜、车厘茄、西兰花、翠玉瓜薄片、本菇。份量唔多，但系个芝士汁就成碗汤咁😑，不过芝士汁味道系唔错嘅，姪仔净系钟意个汁😅
继续阅读
星期六办完点正经事和家人去了Spaghetti 360吃个午餐。看到这个酥Early餐牌说下午12:00前落单、12:45前结帐便有优惠价之同时，又看到另一午餐餐牌有令人为之动容的pizza，最后我们三人点了两个优惠餐和一个pizza午餐。先来的酥皮汤，香脆的酥皮内是热腾腾的白汁蘑菇汤。再来的是酥Early餐牌上的日式芝麻酱鸡肉1.7mm意大利粉 $52。芝麻酱通常配冷面或鸡丝粉皮，这次跟意粉的配搭也很新奇和美味。每条意粉都吸收了香浓的芝麻酱，加上许多的菇和鸡肉也带著芝麻酱独特的浓香，这个值得一试!之后是酥Early餐牌上的薄切肥牛蟹籽300C热石锅饭(日式烧汁) $54。薄切肥牛配日式烧汁又怎会不好吃呢?加上蟹籽一粒一粒胀卜卜连饭吃，绝对能增加口感。接著是360脆趣薄饼$98。香脆的正宗”薄”饼之上，放满烟肉、火腿、蛋、蟹籽和芝士，这绝对是一定很好吃的配搭啊!跟薄饼餐的是日式窝夫配菠萝鲜果茶，窝夫表面倒是挺香脆的，内里也带有蛋香。跟酥Early餐的是热柠水和即磨炭烧咖啡。巧克力曲奇随即磨炭烧咖啡附送，咖啡味道不错，可以一试。
继续阅读
放假日子, 起身特别晏 🤣哈哈! 周围行下睇下, 最终两点几先食第一餐😎既然两点几先食第一餐, 可想而知我几咁肚饿呢🤔行行下, 忽然好想食意粉同PIZZA呢间360就岩晒我😎好彩两点几仲有LUNCH SET点咗两个餐😋胡麻酱鸡肉意大利粉360 脆趣薄饼 (烟肉, 火腿, 蛋, 蟹籽)一个罗宋汤 / 一个忌廉汤两杯冻柠茶胡麻酱鸡肉意大利粉胡麻酱味好香, 我好钟意打边炉加胡麻酱鸡肉好滑好嫩口同埋呢个意大利粉有少少辣味, 感觉一D都唔会漏360 脆趣薄饼 (烟肉, 火腿, 蛋, 蟹籽)饼底系薄身, 脆卜卜, 好似薯片咁上面配上烟肉, 火腿, 蛋, 仲有蟹籽每啖咬落去都会感觉到蟹籽爆开嘅感觉, 好得意两个餐汤就无乜惊喜, 觉得个罗宋汤有少少稀冻柠茶糖浆分开上, 所以唔使讲少甜, 要几甜自己安排哈哈~ 睇啲甜品卖相好吸引, 下次试吓先😍
继续阅读