意粉狂熱 (置富都會)

营业中

休息中

未寫過食評，但終於忍唔住要寫下，因為難食得有啲誇張。嗌左個二人餐，有兩個湯、一份沙律、一個意粉、一份檸檬煎白魚、兩杯野飲同埋兩舊細甜品。埋單$404，好似好多野食但基本上無一樣野係達到average既水平。洋葱湯蘑菇湯非常普通，薩利亞既湯仲好飲。沙律啲菜同三文魚食落唔新鮮但至少叫做擺得落口。南瓜忌廉汁雞肉意粉淡而無味，雞無雞味亦唔嫩滑。白魚太咸，調味亦普通。奶茶同水果茶只可以用解渴黎形容佢既味道。甜品tiramisu 蛋糕食左一啖已經唔想食。總括黎講，呢餐dinner係一場災難。題外話，見到呢間評分都ok但原來好評果啲已經係2020年既事。究竟呢一兩年呢間野發生咩事，水平跌得咁誇張？

上菜速度快，水果茶幾好飲，蘑菇湯正常，另外一個洋蔥湯真係唔識欣賞，入面有一個淋左嘅包好難食，牛油果雞pizza幾好食批邊外脆內軟，啱我口味。不過個蕃茄雞意粉就變咗湯面。。。圖片中係放左四個字後嘅樣

今日係紅磡火車站附近搵野食，上次食過【Pastaholic】覺得好好味又坐得舒服，今次發現又有一系列新野，幾款以日本帆立貝為主既菜式 😍😍 吸引我立即入去食🍲 法式芝士洋蔥湯法式麵包吸晒洋蔥湯味，再加上芝士味，真係特別推介好好飲 (本來朋友叫一碗自己飲，之後我試一啖太正，立即要多一碗唔使爭 😂)🥗 主廚精選沙律沙律菜夠新鮮好多料，烤雞肉質唔會嚡口，大大碟抵食又開胃🍛 日本產帆立貝香濃忌廉意大利飯帆立貝大大粒煎得剛剛好，外層煎得香口咬入去好嫩滑，保留住帶子鮮味，忌廉汁好Creamy配上一粒粒魚子，每一粒飯都超香濃忌廉味🍝 日本產凡立貝配蒜蓉番茄鮮製寬麵一樣有大大粒煎得香既帆立貝，蒜蓉同番茄味好濃郁，酸酸甜甜好開胃，真係會越食越多，如果鍾意食辣可以加少少TABSSCO 味道竟然好夾，超正🫖 玫瑰蜂蜜果茶 (熱)玫瑰果茶有好清香玫瑰味，有士多啤梨粒配少少蜂蜜，淡淡的甜同茶香好清新，仲有美容同延緩老化功效，好啱女仔飲 😌店員好主動又有禮貌，有為我地推介新菜式，食完一碟又好快手幚我地收野，服務態度好，食物好味又抵食 一定會再去 ❤️

今日經開紅磡見到呢間餐廳，好似幾抵食咁$268二人餐有兩個湯、沙律、兩個意粉、兩份甜品、兩杯嘢飲😋入去就叫咗蘑菇忌廉湯同洋蔥芝士湯洋蔥芝士湯好好飲！入面仲有塊法包😋然後沙律就正常發揮叫咗個蒜香蜆肉意粉同埋蕃茄湯意粉兩個都好好味～講吓啲嘢飲叫咗個凍水果茶但入面得兩塊橙🥹其實係橙茶先啱～ 甜品係tiramisu, 都係正常的，細細塊～～不過整體都好味，上嘢速度都快，所以keep住都多人^^會再嚟的！

中評其實都幾掙扎係畀好評定中評我個意粉實在太油😂🙏餐廳個紙巾盒已經直接畀吸油紙...💨過份咗，所以失去好評小食拼盤普通，又係有啲雞翼 咁樣較油特濃南瓜粟米忌廉湯都真係特濃！好傑 好creamy✓香草烤雞雜菌羅勒忌廉意粉其實味道同份量都ok，但真係越食越油，成咀都係＼(ﾟｰﾟ＼)...誇張咗

經過紅磡同一班女仔揾地方食Dinner，見到一間歐美日fusion菜式【意粉狂熱】吸引住，有我最喜歡的軟殼蟹製作一系列菜式，當然要立即入去試試 🤤座位好闊落 自己用QR Code下單好方便 📝最喜歡的軟殼蟹製作一系列菜式 💕💕女仔特別鍾意食沙律，我們一班女仔叫咗兩個沙律 🥰🥗 香草烤雞凱撒沙律🥗 主廚精選沙律烤雞大大件肉質不嚡口，另外主廚沙律有煙三文魚，沙律菜夠新鮮有芝士碎、麵包糠，車厘茄，醬汁酸酸甜甜好開胃 🍲 忌廉汁煮青口青口分量好多又大隻，配埋好香濃忌廉汁🍗 香蒜雞翼雞翼上有好香濃的香蒜芝士粉，再配芥末沙律醬更加美味🥓 帕爾馬火腿三色沙律披薩可以揀Small同Regular不同份量，怕會太多可以叫Small Size，這款是喜歡的薄身Pizza，外邊脆脆的上邊鋪滿芝士和一大片Parma Ham，味道香濃剛剛好 🥩 烤北海道產香草豬扒豬扒烤得好香肉質保持鮮嫩，旁邊配有一塊熱石，可以再自行控制熟度，可以放上石上煎一煎🍝 溫泉蛋松露油蘑菇鮮製意粉非常欣賞這個鮮製意粉口感好煙韌，每一條意粉都掛滿溫泉蛋和松露香氣，口感豐富🍝 軟殼蟹配海膽忌廉汁鮮製意粉最期待的軟殼蟹 😍😍大大隻軟殼蟹上台已

真係好難食，見到有百幾個好評，諗住試下，伏到呢？叫左兩個意粉，同烤雞翼。個牛肝茵濃汁意粉，好咸，個意粉啲汁多到好似湯咁，粉嘅口感完全唔掂，好似食緊台灣牛肉麵咁。另一個羅勒危肉意粉，都係好咸，啲雞皮多過啲雞。烤雞翼有4隻，其中兩隻冇烤過咁。我平時好少寫食評，但係依個意粉真係好難頂。唯一好嘅係，服務態度真係一流，員工好好人，好有禮貌。

今日早餐都無食忙咗成朝去到紅磡內心已好想食pasta但mtr上蓋得美心唔似會有爭扎咗一陣出面咁曬行唔行去置富竟然一上電梯就見到Pastaholic大招牌注定要入去食啦😂有lunch menu包湯同餐飲好似好滿足不過都係港式咖啡同淡味的洋蔥湯而個蜆肉意粉份量有d少居然食唔飽🤪🤪🤪叫多份牛油果多士啦味道其實ok嘅但唔係真係如「意粉專門店」般有好多選擇比較大眾化但以唔平民嘅價錢食唔飽餐飯感覺性價比就不高了

呢間話就專食意粉，味道還好，算係對得住佢嘅價錢，但勝在夠多選擇，總有一個啱你心水😉而且午餐可以免費加大1.5倍，又包嘢飲同餐湯 正😍..蒜香白酒蜆肉意粉（$78）呢個意粉係我食過咁多個裡面最鍾意嘅一款意粉。佢啲汁好香，而且蒜香好足夠！真係會食到好臭個種🤪而蜆肉份量都好多，唔錯唔錯。個主角-意粉，其實我就唔覺得係勁好味，但就一定唔難食，普普通通，正常發揮，同價錢相符～紅磡呢間環境算係大，係紅磡裡面，lunch hour難得可以坐得舒舒服服嘅其中一個餐廳👍🏻

意粉狂熱🍝評分：🌕🌕🌖🌑🌑今晚路經紅磡置富都會，想食西餐🍝醫下肚，見到意粉狂熱就入店try try🧐 店舖面積尚算寬敞裝修整潔，我哋點左一份推介的羅勒葉意粉、千層麵、細pizza、特色沙律。🥗沙律配料豐富，有三文魚、雞肉、糖心蛋、煙肉、多士粒等、鋪滿芝士粉，作為都幾惹味🍝羅勒葉雞肉意粉上桌時，我哋都被羅勒葉香味吸引，粉量足夠可惜醬汁略嫌不足，味道方面打了折扣，而意粉似落油炒耐了一點偏油🥲🧀芝士千層麵，上菜賣相充滿焗芝士，芝士香味是吸引的，唯千層麵身偏厚，及少了薯蓉作層次感，口感方面未如理想🙂🍕水牛芝士Pizza (細份)還好，pizza薄身香脆，水牛芝士香及車厘茄醬幾夾，份量少而清新總結，以人均$160既質素而言，意粉狂熱在主打粉麵方面令我哋有啲失望，反而前菜和副菜更為出色 🙂

六點鐘去到，無乜人，唔洗等位。d位幾闊幾好坐。散叫幾個菜share益力多橙汁，好飲，估唔到！可能會為咗飲呢杯野再嚟食。因為其他地方d益力多飲品冇呢個咁濃。意粉都唔錯，唔肥膩。小食又係幾喜出望外。選了多士、洋蔥圈、雞翼。都幾好食。我覺得雞翼最正，夠入味又唔鹹。洋蔥圈都炸得脆同新鮮，好味又不太油。青口爭瞰dd，d汁未係好香，青口d肉少鞋，但未到唔好食。不過本身係無期望，只求食飽，但食物質素算ok，所以算係喜出望外了。

第一次寫食評就俾意粉狂熱⋯坐低個感覺已經似薩利亞，不過點知衰過佢⋯野食唔熱，睇住啲野叮出黎碗碟熱野食唔熱。個湯，凍既；意粉，咸得濟。叫塊兩舊幾水既牛扒無問你幾成，出黎變Well Done。雖然唔係貴，但食物質素完全同呢個價錢掛勾唔倒。應該係耐無開晚市同無客左太耐，員工唔係狀態，兩個樓面只係服務五張枱都係無效率。後來睇返原來係和民集團，估唔到大集團都會做得咁差，建議管理層都定期檢視下員工服務同食物質素。

一見到餐廳個名，就知道餐廳係主打各式各類嘅意粉🍝🍝🍝仲有各式各樣嘅pizza🍕🍕🍕而家OpenRice仲有外賣自取9折優惠，二人餐有一個小食一個意粉一個pizza兩杯飲品，除番開都係每位$80，價錢比較親民，唔洗好貴就可以試到多款食物，CP值夠晒高😤😤😤✨✨✨✨✨✨✨✨✨🍽Cream Cheese Pasta with Scallop & Bacon $78Cheese味夠濃郁🥰🥰🥰完全感受到師傅整pizza滿滿嘅誠意，pasta唔算太乾身，整體食落口感ok🍽Roasted Herb Chicken & Mixed Mushrooms Genovese $78Pesto pasta alla genovese一直都係小編其中一款鐘意食意粉嘅配搭，不過今次意粉整體有啲偏油，食完要嗌番杯飲品中和番🤓🤓🤓🍽Margherita (Regular size) $88芝士焗得啱啱好，仲有少少拉絲嘅感覺🥰🥰🥰唯獨係個餅底有少少厚，似面包嗰種pizza底，鐘意食厚底嘅foodchasers可以一試🤣🤣🤣✨✨✨✨✨✨✨✨✨食物味道：⭐️⭐️⭐️⭐️打卡指數：⭐️⭐️⭐️⭐️服務環境：⭐️⭐️⭐️⭐️⭐️📍Pastaholic

話說抽中獎有$500 coupon可以用，不過遇着疫情冇得夜晚堂食，唯有外賣，晚上嚟到，店舖烏燈黑火，只有一位店員幫忙落單，望吓餐牌，呢間餐廳嘅價錢真心抵食，所以我要用晒嗰$500其實都真係叫咗好多嘢。有套餐梗係叫套餐，唔使煩， $348包兩款小食、兩款Pizza、兩款意粉， 仲有四杯飲品，湯要另加$10一碗，我已經加咗四碗湯同其中一個意粉加大，不過都未用晒啲錢，於是另外叫多個羊架、沙律同埋甜品，所以真係相當豐富，仲要自取有八五折，性價比實在太高！由於攞到返屋企都已經一段時間，所以預咗一定冇咁好味，不過啲Pizza係可以嘅，千層麵略嫌味道唔夠，卡邦尼意粉就凍咗有啲硬，但我相信堂食的話應該好好多，沙律呢啲凍盤就當然冇問題啦，所以呢個係好味嘅。羊架其實有兩件，都多肉的，不過張相影得唔好，味道和質地都幾好。想講個湯和芝士雞翼其實都好味的，不過掛住食忘記拍照🤣🤣雖然呢間唔算高級餐廳，不過佢嘅服務態度好好，值得一讚！

溫泉蛋松露油蘑菇鮮製意粉 ($68 + 1)意粉份量足夠 同埋蘑菇都有好多 可以食到好飽👏但就眼睇好似見唔到松露👀睇真D 原來係松露油 果陣"石油氣味"比較清淡 冇平時咁濃烈😝而且因為有油..成個意粉唔會覺得好乾 易入口 好快就食曬🤗咁今次就冇加任何野啦☺️都覺得好飽..仲要抵食過上次✌️