意粉屋 (新城市廣場一期)

营业中

休息中

搬左上7樓之後都冇食過環境好光位置都好寬鬆價錢合理同朋友約會既好地方今次揀左tea time 去食叫左個：蒜蓉包,星星薯餅,Pizza個pizza 係有set有杯野飲（可+$15轉酥皮湯） 個蒜蓉包咸左小小有d重口味個星星薯餅份量好多，2個人食唔曬同m記薯餅一樣，好食！Pizza 不過不失，都ok既整體黎講食個tea傾下計，其實都係一個好地方，價錢合理，質素ok

自從意粉屋由1樓搬左上去7樓之後，環境舒適又開陽！未搬上去之前，有一段時間啲食物質素很差！唔知係唔係換咗廚師！啲質素轉好，而家喺餐廳𥚃面仲設有獨立洗手間設備，仲有抹手紙，非常細心，好方便。最近喺Facebook見到意粉屋有一個龍蝦套餐做緊優惠，雖然要等到2月3號先有這個龍蝦套餐！由於現在的意粉屋質素比以前好所以當晚一行五人就決定選擇到此餐廳品嚐晚餐！點了五款食物。1）海蝦煙三文魚鮮果沙律，生果大大粒，好好食，菠蘿好甜，蝦夠大隻。2）檸檬蜜糖雞翼，好入味，不過唔算好大隻。3）芝士焗龍蝦帶子天使麵4）豬鞍架大啡菇意大利飯5）芝士焗海鮮墨汁意大利飯今晚每一款菜式都整得好出色！回味無窮！

以前經常去意粉屋,好中意佢哋啲有幽默感嘅畫.新城市都有間,之後無咗,最近去7樓發現原來搬咗上嚟.重拾回憶,要等位都入.入到去,裝修已明顯唔同,唔好提畫啦!今晚都夜喇,所以叫個意大利菜湯 加個菠菜田螺伴薯蓉,唔好太滯.湯先送來,味道偏咸,又唔太熱,似叮過.湯內幾粒粉好硬,唔好話呢啲叫 al dente. 呢個湯…失敗!另一道菜喺飲完湯後送到. 賣相同餐牌張相都幾似噃,味道又點先? 先食粒田螺,太熱(辣咀),有咬口,混埋灑上嘅香草同煙肉粒,好味道!試埋菠菜,雖然係焗,但仍有水份,唔係菜乾! 再試薯蓉,好滑溜.沙律菜都好新鮮.最後,都好滿足. 其實當然不能重拾回憶啦,始終呢間唔係傳統老店,連鎖餐廳都不時轉裝修&轉餐牌嘛! 當一間新餐廳嘅心態,唔好同之前比較會好啲!

之前加入了做意粉屋的會員，每次光顧都有八五折，另外也有現金券回贈，所以每逢到新城市廣場也會帶家人和朋友到些吃午餐或晚飯！每逢星期五六日都需要輪候座位，今次點了小朋友最愛的焗芝士肉醬薯條($49)，味道不錯！蘇格蘭煙三文魚薄餅($168)，頂頭芝士份量適中，煙三文魚大大塊的，饼底做得鬆脆，熱烘烘的很美味！芝士焗卡邦拿意粉($138)，帶有濃烈的芝士和忌廉香味，意粉質地有口感，軟硬度恰當！最後點了芝士肉醬闊麵($158)，芝士肉醬分量十足，闊麵和肉醬是一層梅花間竹的，顯出廚師用心製作！整體來說服務和環境都做得很好，所以吸引很多回頭的客人！

上年既除夕都食左意粉屋既芝士火鍋～今年除夕都返黎再食過餐牌價錢有少少唔同左我地都係簡豪華個個既芝士火鍋D食物同上年有少少轉變 但仍然好豐富男朋友話芝士比上年濃味左( ･ิω･ิ)一開始有個頭盤先主菜有一盤美食食物味道好好仲包飲品添～～價錢雖然少少貴 不過食物都係豐富好味又坐得舒服既！

新城市餐廳午市大多都加一後百幾蚊 意粉屋都不例外 但三點前下單 套餐八五折 會員七折 直到12月5日 所以很多人食兼排隊 環境比以前的店舖光亮 但已經沒有那一盞盞特色彩色玻璃燈 整體有種説不出的電影舊式美式餐廳的感覺意式田園忌廉松子仁醬扁意大利粉連飲品$108 連沙律/湯+飲品 $120森林蘑菇忌廉湯 有蘑菇粒粒 味道剛剛好 不會太稠太稀 特色軟包 就真的很有特色 咬下去很軟 有一陣黑麥?還是提子乾?味 健康包味道🤔說白了就是白汁啡菇蘑菇意粉😂 松露蘑菇味好重好濃 白汁應該用忌廉做底 好濃稠 但意粉質地麻麻 有少少冧8號餐批薩份量少 只有四片 每一片有八份之一多少少(六份之一左右?) 男生應該不足夠

搬上7樓黎後，第一次幫襯。新鋪比舊鋪闊落，環境光猛，而且仲係open kitchen, 一邊食野，一邊睇住廚師們煮野，食落特別好味。今次叫左個一人餐，另外散叫左兒童餐，芝士肉醬千層麵，煙三文魚鮮果沙律，法式紅酒燴牛尾闊條麵。一人餐包左餐湯，沙律，主菜同餐飲。餐湯係南瓜蟹肉湯，每匙都食到蟹肉...yummy 主菜就叫左炸魚薯條，脆漿唔厚，新鮮炸起，好食兒童餐👦🏻我家二少每次必叫，兒童餐有兩款，今次二少想食肉醬意粉，所以揀左A款。兒童餐分量一d都唔少，而且仲有杯橙汁。小朋友絕對夠食，二少話樣樣都好味道。芝士千層肉醬麵🍝呢個係我家大少必食。一層肉醬，一層麵，最後加上芝士，肉醬夠多，而且無焗到乾爭爭，佢話好食到定唔到口。煙三文魚鮮果沙律🥗呢個又係必食，最鍾意係用新鮮生果👍🏻，唔係罐頭雜果。法式紅酒燴牛尾闊麵呢間係期間限定manual 入面，牛尾入晒味，夠淋，個汁撈埋闊條麵，好好食。

我們一行2人，由於朋友生日，她話好耐冇食意粉屋所以就食。新裝修後搬了新城市廣場7樓，環境闊落左光猛咗舒適左。叫了一個秋日2019套餐B（二人餐）：包忌廉蟹肉藜麥南瓜湯- 有蟹肉、南瓜同忌廉好夾好味，加埋藜麥感覺健康d😋; 醬燒原條丹麥豬仔骨配脆薯條和燒菠蘿- 一上枱豬仔骨好香（bbq醬）薯條夠脆不過菠蘿就燒過頭有啲燒窿；芝士焗肉醬千層闊麵（牛肉）- 味道好香、芝士加肉醬不會太（希）好味；套餐包兩半餐飲，另外加$24可以跟甜品，我們分別加了兩個甜品：自家製檸檬芝士撻 - 檸檬及芝士配搭夠清新,同埋味道唔會太（留）好味；令一款係自家製蜂蜜蘋果批配雪糕（職員話由於雪糕返唔切貨所以用馬卡窿代替）- 這款我覺得馬卡龍較為出色，不會太甜做到我預期嘅口感，值得推介，反而個蘋果批就覺得麻麻地，因為食落啲蘋果批入邊嘅提子乾嘅味道好似有啲有油液味。整體而言：味道OK份量足$500有找值得推介，因為又唔限時，又可以同朋友慢慢傾計，但唯一想改善嘅地方就係上菜方面可否差不多食完一道才再上另一道菜，因為一邊傾計一邊食，食唔切就會攤凍左

餐廳搬咗上7樓, 感覺光猛舒適, 心情良好, 食物味道感覺好咗。下午茶款式依舊, 新意欠奉, 其待有新的變化。酥皮周打海鮮湯 $15酥皮周打海鮮湯焗得超吸睛, 香脆可口。湯料有蝦, 薯仔, 魷魚等, 份量雖足, 略嫌湯有點少。鮮忌廉芝士焗菠菜煎魚柳扁意大利麵 $85魚柳肉厚滑溜, 每口扁意大利麵均吃到啖啖菠菜。醬汁質地稠密, 如分量多返少少, 質地稀返少少, 扁意大利麵的口感會較為濕潤, 無咁乾。青檸梳打 (升級價) $6青檸梳打有助解膩, 清新口腔。

一向都是意粉屋粉絲，已經是會員好多年了，見証了好多分店又開又關，屯門巿廣場呢間，印象中好似好耐了，因工作關係，我大多數放平日，所以頗喜歡不用排隊的感覺。今天一如既往，在平日的晚上，選了呢間分店享受一下寧靜的晚餐。我們選了二人餐再加錢要埋甜品，仲用積分換了肉醬粗薯，又一個肥死的晚餐。餐渇要了龍蝦🦞湯同忌廉湯，個人較喜歡龍蝦湯，因為味道較濃而忌廉湯好creamy,兩個都各有特色。始終好愛呢個薯條，好好味😆青雞好嫩，好好味。千層麵在意粉屋來講，可算是皇牌食品了，無得輸。蘋果批亦係我至愛，好多時要預早order,落單時要留，好快無，要食記得早D叫。朱古力班㦸味道偏淡，可以不吃。

前排諗住食意粉屋，去到先知無咗既 😱 但又唔見佢話係內部裝修，心諗唔會執咗掛，無理由咁好生意都執 🤔 過多一排係個朋友口中先得知原來佢搬咗上七樓。新鋪位置雖然無舊鋪咁開揚，不過座位擺放更舒適，加上廚房採用開放式設計，可以睇到裏面既衛生環境。餐牌食物同價錢變化不大，叫咗 $398 二人餐同煙三文魚牛油脆多士。煙三文魚牛油果脆多士 ($68) : 煙三文魚味道咸香，配上健康既牛油果，同脆到爆燈既多士，真係無得彈，呢個抵食。👍🏻 👍🏻帶子蘆筍湯 : 識飲一定加酥皮 (另加 $18)，加咗成件事即刻唔同哂，而且蘆筍湯都好足料，蘆筍好爽口，不過自己始終都係鐘意飲龍蝦酥皮湯多啲。芝士焗龍蝦帶子天使麵 : 見到個樣都覺得好邪惡，份量超大碟，應該足足夠三人份量 ; 芝士汁好好味，而且帶子、龍蝦肉都好彈牙 😍 食完返唔到轉頭。芝士焗肉醬千層麵 : 味道酸咗少少，而且千層麵邊位焗到有點硬，失色左少少，不過用料都唔輕手，用大量肉醬同芝士，終於食芝士肉醬既朋友咪走寶。

之前意粉屋係新城市地下 而家搬左上7樓好似唔係咁多人知道 星期五晚7:00鐘嚟食都仲有位 新鋪嘅裝飾用淺色爲主 感覺舒服 仲多左個bar 位.一班朋友嚟食可以每樣野食都叫d 試到好多款 食左好多野 揀幾樣介紹下啦 .藜麥牛油果沙津：味道普通啦 無咩特別 當頭盤refresh下都ok炸洋蔥圈： 炸得好脆 雖然真係好熱氣 但會食唔停口 蕃茄帶子意粉：得3粒帶子有d少 不過意粉味道唔錯 仲有少少辣味千層面：見到面個層芝士都流哂口水 次次嚟親都必點 有大量蕃茄肉醬 食完一舊又encore多一舊 真係停唔到口 不過好快會飽🤣叫完野食上菜速度好快 想快d趕你走咁 佢入座計得75分鐘 想坐耐少少傾下計都唔得

自從冬天係意粉屋食過芝士火鍋後 , 好耐無再黎食 ~沙田分店搬左去新城市廣埸 7 樓 , 依舊咁多人 !!新鋪門口有梳化比等位 ge 客人坐 , 當日星期 5 晚去到 , 仲見到餐廳放左好多氣球比小朋友玩 ! 👍👍餐牌有好多圖 !! 好易睇 ~ 同埋令 d 食物吸引好多 ~總共叫左 7 款食物 , 除左炸洋蔥圈質素一般 , 有少少炸過龍之外 , 其他食物都好好食 !! 有幾款食物想推介比大家 !芝士焗肉醬千層闊麵 好食 ! 好足料 , 熱辣辣 ! 你睇下面頭 d 芝士 🤤🤤🤤刺身級帶子配蕃茄忌廉汁直通粉 - 呢個意粉好好食 !! 個醬汁係靈魂 !! 係夏日新餐牌入面 ! 推介 !海蝦牛油果沙律 - d 蝦唔細隻 , 好爽口 , 成個配撘好好食 !醬燒原條丹麥豬仔骨 - 好味 !! 份量都幾多 !! 仲配埋脆薯條同意大利黑醋雜菜沙律 !!