意樂餐廳 (麗城薈三期)

营业中

休息中

向來常到這間意樂光顧，其食物質素以平民餐廳來說向來不俗。惟7月1日晚點了一份T骨牛扒，等候近二十分鐘才上菜，更令人詫異的是，所有食物竟已全數冷卻。炸薯條又脆又凍，實屬首次體驗；連牛扒亦已失卻應有的溫度——本應趁熱享用的食物，抵達餐桌時竟已冰涼，又豈會美味？更為荒謬的是，吃完牛扒後，餐湯才遲遲送上，試問又發生了何事？端上來的竟是一碗溫吞的湯，明顯已在室溫下放了許久。其實這間餐廳的食材與烹調手法向來不差，何以這次會出如此紕漏，簡直是糟蹋了食物。這是我首次在這裡吃到如此失準的料理，不知當中出了什麼問題。很大機會是樓面人手不足，導致食物出餐後滯留太久而變涼。希望餐廳能正視問題，加以改進。

今日返工前去咗餐廳食早餐，叫咗一個牛扒早餐同一個蕃茄通粉早餐，我係叫咗蕃茄通粉早餐，原本跟早餐嘅包係普通多士，我加咗$4蒜香牛油多士，我個2塊多士係最快到，之前未食過，所以唔知原本味道係點樣，食落去嘅時候我都好奇點解冇蒜香味，只係得牛油味道，之後我食完嘅時候，另外朋友都係食蒜香牛油包，結果發現我嗰個同佢唔同，我哋交換食，發現原來我嗰個真係只係普通牛油包，佢嗰個真係有蒜香味，感覺我加$4好似加咗個寂寞但係因為已經食咗，冇影到相，咁我同返店員講，其他都味道合理

外買自取19:00 落單 約好20:00 取 ，竟然在app 中顯示食物可以攞得但係當時只係19:11 ， 我仲以為自己睇錯，當我19:55去到門店攞餐時，發現食物已經凍了，餐廳職員仲話出咗好耐啦，我哋唔會睇時間㗎，態度超差

今晚去到意樂，想食pizza,於是叫左個烤牛肉pizza,大約十分鐘後食物上枱，pizza仲keep到熱，配料有洋蔥，牛肉，莞茜，加上有芝士鋪底，pizza都幾薄，食落味道唔錯，呢個pizza$65,跟餐加杯凍檸茶（半價,原價$20）只需$10,算可以接受嘅

荃灣麗城薈 本身意樂出品係非常好味😋本人都食過意樂幾間分店 服務態度味道都非常好但荃灣意樂 某位員工嘅服務態度就非常差 上左年紀戴眼鏡 喺收銀櫃檯嘅 我買外賣 我要嘅餐 佢話要11:30先有 我係11:26分到的 我話差幾分鐘 可以先落單 我願意等 佢就黑口黑面話 部機落唔到單 我話唔緊要 我就等到11:30再買 然後到11:30我就埋去買 哩位員工係即刻行開 叫另一位同事幫我落單當時我感覺到佢態度真係非常差 佢係老闆？完全無視顧客 落單後 我等左10分鐘左右 我問另一位員工 問我的外賣有未？嗰位員工態度好好幫我入去跟進 跟住嗰位態度差嘅同事叫號 係我的外賣 然後我同佢講 我嘅餐已經拿到 麻煩同嗰位同事講聲 態度差嘅員工完全當我透明 就咁行開 當下真係非常憤怒😡從未遇過服務態度咁差嘅人 請問貴公司係點請人？

今日放飯咁岩係下午茶時間咁就叫左個焗肉醬意粉啦連埋飲品都係$40不過佢份量真係少好多既但我唔太大食就岩岩好拎到返公司仲係熱辣辣味道keep住好好而且汁都好多食到尾個意粉唔會變哂有味咁👍🏻

白汁雞扒蕃茄豬扒焗飯 配熱檸水 $59次次lunch幾乎都係食呢個因為好似揀唔到其他更好食既😂今次買外賣返公司食次次焗飯都要等15分鐘趁冇野做附近行下aeon 12蚊店行完先返去拎其實呢個商場細細都有好大間超市可以行下既我一行行左成半個鐘先返去拎飯好彩拎到返去都係暖暖地既😅水準仍然保持住不過呢我發覺呢間分店都係差d咁上次堂食已經覺得唔夠熱今次拎返去雖然都知一定會凍左但某d位既飯係成舊痴住硬既好似隔夜飯雪櫃拎出黎咁🙈其他分店食咁多次都未試過呢個情況真係要注意下

西式早餐 $45有雞扒，蛋，火腿， 多士，熱檸水佢擺盤擺得幾靚好整齊乾淨咁上碟唔知點解覺得早餐唔係好抵食完都唔係好飽咁午餐晚都感覺抵好多🙈不如呢度好多位又唔太多人坐得都幾舒服既坐得耐又唔會趕你走因為竹本身好唔鍾意d餐飯坐到好迫食餐飯都唔舒服少位你食完又會趕你走咁所以我都成日會過黎呢邊食既

第一次去呢間堂食呢間店比較大門口仲有麵包買一向食開都覺得呢間野食唔錯既白汁雞扒蕃茄豬扒焗飯 $59面頭好多醬汁每啖飯都沾到汁食佢本身係炒飯底唔洗好似出面其他鋪咁要加錢而且豬扒雞扒各有一大塊我一個人食就唔會食得哂所以平時外賣同老公share就岩岩好個飯有杯熱飲習慣都係叫熱檸水佢檸水同出面唔同唔係用檸檬的係用檸檬蓉所以味道係好濃既但有人會覺得太酸我自己就幾鍾意個個味喇呢餐唯有美中不足係個飯中間唔夠熱🙈不過食過又費事叫佢再整過喇我諗都係個別事件都係第一次係咁

星期二7/6/2022 大約6:00pm到麗城3期買左盒朱古力旦卷比小朋友第二日食早餐，點知發現即日即7/6/2022就到期，都唔係平呀$22，點解即日就到期都可以拎比人架，黎親都係街坊啦，一向都有幾日期限，唔明即日到期都可以賣比人，人地donki近期都會比人知道，買左係消費者問題，但係櫃位係員工拎比客人，不是客人自取的，好失望，以後唔會再幫襯😡😡👎🏻👎🏻👎🏻

第一次吃意樂的早餐，雖然是普通的材料但感覺用心製作。Order 了一個 special breakfast 有個口感非常好的火腿通粉，真的烘得香脆的蒜香牛油厚多士，整件多士也塗滿牛油，好香。還有香腸、一片圓形的餐肉、煎焗流心蛋和麻醬沙律菜，這個沙律菜就值得加分。餐飲的即磨咖啡也不錯，一個物有所值的早餐。

終於可以除了太X 同新Xx同奶佬之外，多幾家早餐的選擇，這一家在荃新天地那邊也有分店，品質比較正常，今天去試吃了早餐，正常水準，幾好味，不過奶茶O水就麻麻地.可能剛剛開店，人流的控制不是很好，進去的排隊不是很清晰，今天就給別插隊了⋯⋯