意樂餐廳 (海富商場)

营业中

休息中

呢間野真係好奇怪，明明D野一D都唔好食，但總係有班學生哥會係出面等住食，不過可能該地區真係無咩選擇，大家又覺得佢餐單選擇幾多，諗唔到食咩個陣又會入去中一次伏。位置位於屋邨商場，因此餐廳食客多為附近住客。店內衛生差，成日有烏蠅嬲住價錢黎講係幾合理，地方又幾闊落，環境舒適。最常食佢個雞扒同流心蛋意大利蕃茄濃湯天使麵，加蒜香牛油多士，流心的蛋黃賣相麻麻，食落還可以，蛋白蛋黃比例OK，勉強合格。整體黎講，黎食cheap野唔抱任何期望就岩，當普通快餐店水準啦。

意樂餐廳沒有流心蛋嘅時候我惟有食菇菌喇！今個午餐我叫了蕃茄湯流心蛋鮮菇天使麵，當時沒有留意好彩我一向喜愛手機食先才發現🧐流心蛋不見了，☹️天使麵好鞋口沒有評論，跟餐仲有片蒜香牛油多士及餐飲一杯。$42和風蟹柳蟹籽珍珠炒飯跟餐飲 $51太美的名字了，米就係蟹柳炒飯加小許蟹籽炒飯，不過都炒得香口乾身，算不錯！九州叉燒豬骨濃湯烏冬連餐飲一杯 $47港式茶餐廳獨特口味。午市套餐

意樂作為亞洲餐飲集團旗下連鎖式餐廳，分店偏佈全港，今日趁住得三枝公黎到大角咀呢間分店，一嘗佢地午巿套餐。意樂一貫西餐廳格局，環境ok，但唔知係咪冷氣出左問題，坐落有少許熱。我叫左個西西里鮮茄烤豬扒焗珍珠飯，由於以珍珠米作招徠，對佢個飯底有所期望，結果就換來失望。豬扒飯並沒有按傳統用上炒底，而珍珠米亦略嫌較濕（可能因為蔬菜出水的關係），如能炒一炒會更好。鮮茄加入茄子同南瓜等蔬菜更健康本來值得一讚！（正是成也蕭何，敗也蕭何！）豬扒較薄身，烤豬扒令肉汁流失，失分較多，唯一較可取是平價取勝！至於同事的脆脆炸魚柳伴鮮野菌蒜蓉汁珍珠飯，魚柳金黃香脆，野菌汁惹味，配粒粒飽滿的珍珠米，整體合格有餘。

今日與父親及母親大人食早餐，就選了呢間座落海富商場既意樂餐廳。我們安排坐左卡座上，這裡環境很美，餐廳兩邊是落地玻璃，所以境觀開揚，部份位置是望街景，部份是望商場的。我們分別點了煉奶粗粒花生醬厚多士$22、漢堡扒意大利蕃茄濃湯（選了熟蛋及扁意粉）$29及無糖鮮奶燕麥片（太陽蛋及蒜香牛油多士）$28。煉奶粗粒花生醬厚多士，味道正常。漢堡扒意大利蕃茄濃湯熟蛋及扁意粉，可以。無糖鮮奶燕麥片、太陽蛋及蒜香牛油多士，正常。

今日黎到意樂餐廳,平時都係黎開,但通常都係食佢個安格斯牛,因為好抵,勁大塊扒,都唔洗100蚊,超飽,但今次唔係好肚餓,所以唔想食扒,叫個飯,細細地就好了,叫左個雞扒蛋咖哩飯,一黎到既時候覺得好大塊,望真d原來係豬扒黎既,唉！咁唯有叫佢換啦,再黎出過都要等多10分鐘,一食雞扒ok,但配埋咖哩汁認真扣分,咖哩汁好稀,唔太辣又無咖哩味,令到成個飯扣晒分,一向都知道意樂餐廳平民價平靚正,但估唔到個咖哩真係太差了,令到我到意樂餐廳好失望,希望下次有改善啦！

過黎呢頭同朋友食飯，選擇唔算多，呢日又唔係特別有胃口，事旦食啲就夠啦。我地4個唔係叫咗好多，三碟飯粉加沙律小食。牛柳粒（$38），樣係睇落唔錯，但係靭到咬唔開，唔係筋嘅問題。味道一般。沙律（$27）叫佢分3小盤，還可以嘅，都叫幾新鮮。黑松露煙肉菌皇意大利飯（$58），味道可以，份量都幾多。呢間嘅飯粉都幾多雜菌，定係咁啱我地叫嘅都有。帆立貝龍蝦汁意大利飯（$57），汁稍為多咗小小，海鮮還好。蛋黃煙肉卡邦尼長通粉（$52），汁收得麻麻，好淡，唔夠入味，煙肉正常。忌廉鮮蜆（$34），可以嘅，呢個救番小小，無沙。整體麻麻，不過呢個價錢呢種份量，純過下西餐癮，平平地呢間。

今日食左一個忌廉蘑菇天使麵，味道幾好，忌廉濃淡度適中。下午茶份量明顯比午餐少，女仔黎講都夠飽。至於男仔就未必夠飽，只係不至於肚餓既份量。食左呢間野數年，侍應只會留意佢地正前方，10米範圍內既顧客揮手。其他一律睇唔到/睇到都扮睇唔到，繼續dup低頭行。唔知呢個大角咀意樂文化會持續到幾時。

上星期六同家人去咗呢間餐廳食晚飯，點知食完第二日我同個仔開始肚瀉，瀉咗四日，我個仔到今日都未好番。其實呢間餐廳以前都有食過，覺得佢啲食物都唔錯，價錢又唔算太貴，所以間唔中都會去，今次之後，我都唔敢再去光顧佢，就算佢其他分店我都唔會去囉。從未試過如似辛苦。

之前成日聽朋友們讚 “意樂” 啲意粉同扒餐都唔錯, 價錢又合理咁話. 好奇心推使下, 係周末同就去左屋企附近的分店試下真偽. 去到時可能係午市尾水(1:30pm)的關係, 所以餐廳裡面都唔係太多人, 地方環境同座位空間都幾闊, 坐得都算ok 自在. 由於太肚餓,都等唔切2點的下午茶時段, 就叫左個午市套餐: 香草烤雞鮮野菌忌廉扁意粉($50) 意粉的份量都算大碟, 外型望落去都唔錯. 雞肉幾嫩滑, 但就唔夠香同入味, 冇“烤”的感覺; 而菇&蔬菜都幾新鮮; 意粉的熟度剛剛好, 唔會過腍/硬, 係我鍾意的Q度; 但可惜成碟意粉的味道都係偏淡, 白汁唔夠濃有啲過稀而且冇咩味道, 需要自己加鹽調味. 原本餐飲想叫即磨咖啡, 但咖啡機又壞左, 只好叫左杯熱奶茶. 但諗唔到杯奶茶會中伏, 唔夠香滑又唔夠濃…. 家人原本都係叫左杯奶茶, 但都只係飲左兩啖就放棄左 ==” 另外有一樣要改善嘅就係, 餐廳人手嚴重不足！加上門口的收銀員, 全場咁大地方都係得果6位店員！ 眼見周圍啲食客都不停招手, 但啲待應根本無霞理會. 剛好捉到機會, 見待應哥哥一放底碟食物俾隔離枱食客, 已經即刻叫住佢, 點知佢

平時這間店連早餐都要等位。星期六因為一大早要來這附近工作，見這裏難得人少，就決定在這裏吃個早餐。可是原來這是個錯誤的決定。其實這裏環境很美感覺舒適。家姐很喜歡，經常提議來這裏，即使要等十幾分鐘也是。但我這人甚少有耐性，而且那兩次的早餐因為太多人都沒享受到那種舒適感。所以我不是這裏的Fans，有幾次都跟家姐唱反調要去第二間。好啦，心想今早一定可以明白到家姐為何這麼鐘情這裏，卻只換來一次的失望及我堅決的一句以後不再來。其實這裏不算便宜。但賣相吸引才先讓人覺得對得住這個價錢。我要了這個煎焗流心蛋餐。因為不吃茄汁豆所以走豆了。怎知吃第一口餐肉，冰凍的，火腿，又是冰凍的。不是因為某部份煮不熱，而是成塊都是冰冷！早上七點來，那天又比平時冷，心想吃個早餐暖暖胃好應付一會兒的工作，怎知大失所望。好吧，吃這個它極力說很讚的煎焗流心蛋應該是熱的吧。因為它明明寫著"用心製作"、"高溫香煎後焗"，怎麼都應該是熱的。但是，我只能在流心蛋裏找到一絲微弱的溫度，就像垂死的人最後的一口氣，而它的身體一早已冰冷了！我只能說虛有其表。連最基本讓吃的人吃到熱的食物都做不到，我不覺得這裏有幾用心製作，就算它真的流心真的香煎，

頭先叫左個外賣 等左好耐見唔對路 於是問下收銀，佢去左廚房睇左睇，之後話人手唔夠 叫我等多陣。再過多陣，排我後面3-4個客都拎左外賣既時候，我既外賣都仲未到，期間忍唔住望下廚房 見到有位員工係到食野 遊手好閒咁 最後再催多次單，收銀入左廚房 唔夠十秒鐘就拎左個包好既外賣比我，即話係咪原來一早整好但放係到比人遺忘左，認真感到好失望。唔會再有下次

不好食,通通不好食...飲料好冰,都說走冰,怎麼會有那麼多黑木耳跟大蘿蔔,顯得肉片也太小了吧,錢包好傷心,沒食完...但氣氛很舒服,但人多一樣被併桌,好擠....不想再來.

今日下午我們去咗旺角海富商場嘅「意樂餐廳」食下午茶！我們叫咗鮮菌沙嗲牛肉長通粉嘅質感相當諗身，唔係好煙韌彈牙，沙嗲醬嘅味道非常鹹，而牛肉嘅份量就極之少，肉質超韌，一啲都唔鬆軟，真係令我們覺得好失望呀！意大利蕃茄濃湯煙鴨胸扁意粉嘅湯底絕對唔係蕃茄濃湯，祇係普通鷄湯再加啲蕃茄喺面，所以完全飲唔出有蕃茄嘅鮮味，煙鴨胸嘅份量亦都係相當少，而扁意粉就好似煮得未夠熟咁，質感非常硬身，同埋煎蛋我們係要求太陽蛋，但出嚟嘅係煎到全熟嘅，又係令到我們覺得超級失望呀！

食過可能有十次 每次都會叫幾類餸 海鮮飯 扒 意粉 pizza 等等 另外好似仲有拉麵 自己就冇叫過 但有朋友食過 味道唔係高質但一定唔係難食 唔差重點講下佢d扒餐 真係好抵食 都幾夠飽(自己都算中等食量啦) 而且嘢飲都好多唔同嘢揀 真係次次嚟食都唔會怕食到悶 最重要係唔係超貴 d扒餐可能質素冇人地百幾二百蚊咁正 但幾十蚊過下口癮嚟講 都okay既不過有次去食間餐廳坐爆咁濟好似係繁忙時間(btw 本身間鋪都幾多位) 佢就漏哂單 不過呢種情況我食咗咁多次都只係一兩次既事 都還可以接受既

So one Sunday morning I decided to eat my breakfast in the neighborhood. I chose to eat at Itamomo. The food was brilliant. The 'No-flip Over Easy' sunny-sided-up with just a little bit of salt was perfect. The noodles were tasty, too. However, the waitresses made a lot of mistakes regarding the orders. The orders are missing. I got to the waitresses because of this matter, and they gave me dirty looks and shouted at me. This is ridiculous.