意樂餐廳 (愛民商場)

當天中午，我去咗何文田愛民商場內的「意樂」 午餐，。餐廳的環境整體乾淨雅致，座位安排舒適，給人一種放鬆且舒適的環境。我點了招牌的肉醬扁意粉，這道經典意大利菜肴的表現令人滿意。扁意粉煮得恰到好處，麵身彈牙且不失柔韌，夠掛汁，醬汁濃郁而不失平衡。肉醬的味道層次豐富，肉汁與番茄醬的融合展現出廚師對食材的細心調配。醬汁的份量適中，既能充分包裹每一條意粉，也不會過於膩口。此外，加返幾滴辣椒仔恰到好處，增添了整體的豐富感。餐後，選擇了即磨咖啡。咖啡的香氣濃郁，口感醇厚，展現出店家對於咖啡品質的追求。咖啡的溫度適中，沒有過於苦澀，令人感受到一份用心的服務。整體而言，這次午餐經驗令人滿意。無論是肉醬扁意粉的精緻調配，還是咖啡的醇厚香氣，都展現出「意樂」對於品質的堅持。若尋找一個安靜放鬆的用餐場所，這裡無疑是一個值得一試的選擇。…查看更多

其實我都唔止一次係呢間係呢間分店食到佢地用芫荽扮Parsley，對上果次係叫左個龍蝦湯意粉（轉飯）。從來冇諗過龍蝦湯係用芫荽🤯今日食個芝士雞肉球茄醬意粉竟然又出現芫荽🤯🤯🤯究竟係呢間廚房唔識分定係全線意樂都係將芫荽扮Parsley???…查看更多

打電話叫外賣，講清潔拉麵轉烏冬，員工電話回覆都有覆單係烏冬！落去攞外賣，單無打烏冬，那位阿姐第一時間就唔係話漏打咗，而係話我無講⋯真攪笑，無講會嚟話攞烏冬！跟住另一位阿姐過嚟話唔好意，而家轉返比我，跟手收錢！收完錢，頭先嗰位阿姐又走返嚟，跟住同我講，整咗出嚟啦，你要咗佢啦，下次先改烏冬啦！成件事唔係我問題，我唔知佢點解要逼我要佢哋出錯嘅拉麵？唔怪之得香港食市而家生意一落千丈啦！比班咁嘅員工提供啲咁嘅服務！另外，我叫嘅係牛肉湯烏冬，但攞到返屋企嘅竟然係雞肉湯烏冬！真係唔爆粗都唔得🤬🤬🤬…查看更多

個餐牌張相望落去幾好，諗住一定冇死。結果個侍應姐姐一攞碟嘢過嚟……下？！白雪雪嘅？醬呢？好啦，諗住啲肉醬喺個碟底度，結果撈完都係有啲白雪雪嘅意粉喺個碟入面，個餐牌碟意粉有幾咁紅，碟嘢上到嚟就有幾咁白。少失望。第一次見凍檸樂唔係放兩片檸檬，係放檸檬汁，雖然都有檸檬味，但始終點都差啲😅另外朋友叫左個溫泉蛋牛肉丼，賣相望落去幾好，上面嘅洋蔥偏生，朋友咬落口一啖就吐返出嚟。最後係個跟餐白湯，飲落去第一啖係一種熟悉嘅味道，就係759會買到嘅嗰隻粟米棒嘅味道，另外胡椒味都太濃烈。…查看更多

好中意去呢間意樂，因為佢個安格斯牛扒加黑淑汁配珍珠米好好食，因為比較係原型食物，所以間中都會想去食下，感覺健康d但試過樂富分店嗰間佢d牛扒乸得太勁，無咁好食私心推介！個咖哩雞管意粉好得！意粉彈牙，咖哩汁好香！d雞預先炸過先所以香口~不過上一次食仲好食，d汁濃d掛面d氹仔豬扒包舊豬扒醃得好好，炸得好香口，肥瘦適中，但個飽身有少少乾，可以加多小小汁或牛油。特濃朱古力有超級濃朱古力味，一定要嗌多奶濃d，飲得出係溶左朱古力去沖而唔係開粉，飲完個應有幾粒溶左既朱古力，好有誠意，好飲到我捨得放棄我至愛既奶茶而叫佢熱溶芝士配薯條都好好食，跟餐加19蚊。最中意呢隻撲左粉既薯條，特別酥脆香口。大部分食物都幾好味，就算少部分既都算中上，連鎖餐廳來講好掂，不過係呢間特別掂咋…查看更多

星期日。落雨唔想遠行。。。近近地去附近搵野食。2小1大去意樂。。。貪佢多樣化。有面有飯有烏冬有湯飯炒飯等因為2小都比較煩。。所以乜都有就岩晒唔使爭1）焗茄汁豬扒飯個汁ok..焗得唔錯。。係個豬扒個質感爭d2）海鮮龍蝦湯意粉味道好濃，意粉軟硬適中。好味3）烤焗咖哩雞飯好野味，辣道岩岩好（岩我食），好好送飯一齊食。跟餐叫左3杯野。1杯紅豆冰：唔多吸晴。攪完之後都好白雪雪1杯凍朱古力：堅正，特濃味，仲有d朱古力碎既物體，好有口感1杯凍奶茶：茶味唔足。。已經叫少奶，但仍好奶水冇乜茶味…查看更多

【何文田•意樂】————————————————————————早晨經過何文田想食早餐 經過愛民商場見到比較普羅大眾受歡迎嘅意樂餐廳 即刻入咗去食個靚嘅早餐 座位舒適寬敞 裝修具意式風格｜白汁雞絲湯扁米粉｜35 相信意樂已經係快餐店模式 所有嘅一落單即叫即製好快上枱 白汁雞絲肉嫩 忌廉味夠濃 一上臺陣陣香忌廉味撲鼻 米粉熟嫩程度剛好 鋪上蔥花及香菇、洋蔥等 係一個高質嘅早餐而且性價比高既早餐餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰消費 HKD35✨✨✨✨✨✨✨✨✨✨✨✨✨#何文田美食 #意樂意樂餐廳 (愛民商場)何文田忠孝街60號愛民邨愛民商場1樓F11A號舖…查看更多

今日星期日，由於foodpanada有優惠，經APP買外賣自取減$30同時用指定信用卡/扣帳卡有折扣今次叫左2個餐2杯飲品，原來有得叫熱利賓納，唔洗加錢又幾好。一般餐廳無得免費飲通粉既味道真係無咩特別，蛋並唔係流心，而且又無咩番茄味，至於西多士則很厚和很硬但是不脆的，與其他我吃過的西多士比較實在不好味。食物係熱既，去到餐廳時是剛好可以取餐。好處是有優惠下價格便宜…查看更多

外賣叫咗1個“鮮蜆白酒煙肉蒜香天使麵”，食落完全無蒜味，但係勁重勁重勁重芫荽味，蜆肉又多沙，叫咗1個“龍蝦湯海鮮扁意粉”，又無龍蝦味，又係勁重勁重勁重芫荽味，貨不對辦，非常難食！！！啲飲品又倒瀉曬，成個袋都濕曬！！！…查看更多

有餐唔叫，點一個安格斯牛扒，就是對食有點要求，可惜，薯條就燶嘅，粟米就生嘅，牛扒我叫五成熟但佢得三成熟（個女侍應仲要死話你唔食得咁生就叫七成熟吖嘛）我已經重申你塊扒三成都冇喎，但佢依然認為係我麻煩，佢仲要唔止一次同廚房講「要七成呀！」「七成嗰份整好未？！」「記得係七成呀！」🤬頂！係你整唔到水準，唔好要人拉低個水平去就你！！好想話佢知上網都已經有圖片清楚展示幾成熟，毋需爭論，上網進修下啦！佢除咗正面講咗二次之外，亦與廚房及職員多次「評論」。其實莫講話真係冇五成，就算有，但客人要求再煮熟啲，其實都冇得Say NO！ 所以，如果有一個合格的店長，便可阻止這職員作多餘的爭辯，徒增客人嘅不快，不過可能這大嬸便是店長吧！😑…查看更多

拜訪完親戚同佢一齊嚟食晚飯，我之前諗過試依間但係太忙冇咗下文，所以好有興趣，坐低點咗三樣嘢：飛魚子三文魚滑蛋炒珍珠飯帆立貝海鮮龍蝦汁意大利飯意大利雜菜湯（要+10蚊）結果炒飯味淡咗少少我算佢合格，但係意大利雜菜湯上錯咗變成唔駛錢嘅白湯，拎嚟嗰個阿姐仲同我拗話煮出嚟係咁，我指住餐牌話佢就算圖片只係參考都冇可能紅湯變白湯，佢先拎去換。個帆立貝海鮮龍蝦汁意大利飯仲好嘢，第一次上菜上咗個龍蝦海鮮湯飯當係，要佢換轉頭俾咗個龍蝦海鮮白汁意大利飯（餐牌冇嘅），再叫佢換個侍應居然叫我哋試下先，我話一定要換佢就好晦氣咁同我講話廚師換咗兩個唔識整。吓？唔識整你擺咩上餐牌度？拎走之後直到我食完都再冇上過菜，索性cancel咗佢埋單，而且由我哋坐低到食完間嘢都冇坐滿，但係都可以搞成咁死樣，甚至冇客嘅枱冇人清潔，真係去我屋企附近商場間薩莉亞食體驗都好過佢…查看更多

叫咗下午茶餐雞扒太陽蛋米粉跟熱檸茶。個三件一口鷄件唔係扒仲柴皮咁，無味無道質地好梅，隻太陽蛋個蛋黃係全熟，米粉個湯底淡茂茂，碗嘢只係微暖！非常非常難食！杯熱檸茶原來無新鮮檸蜜片，只係茶膽加檸汁，我想要濃啲茶就只可以選少檸汁，最後唯有叫正常，但係杯茶只係啡色滾水，檸汁亦楊枝甘露得幾滴，成杯飲品只可以形容為有少少檸檬味嘅啡色滾水。其實茶餐都可以有啲誠意嘅，呢間真係……不知所謂，唔識形容！簡直虐待客人條脷同個胃！…查看更多

上星期去食晚餐，叫咗個肉醬意粉，點知嚟到真係從未見過肉醬係咁多水，好似肉醬湯咁，第一次見，叫侍應換過另外一個餸，鮮蜆白酒天使麵，點知嚟到又係水，肉醬意粉又係咁天使麵又係咁，從來未食過濕達達嘅天使麵，個侍應仲搞笑同我講話使唔使幫我整乾啲，正常都唔會出水啦，真係笑死，我問佢係咪以前個師傅走咗，點解食物越嚟越難食，質素越嚟越差，佢求其答啲嘢敷衍我。其實一開張水平係可以的，但係耐左已經好難食，相信街坊一定認同，我發現香港好多餐廳都係一開張就好食之後慢慢開始冇幾耐就開始質素下降，呢度真係冇咩好食，真係慘！…查看更多

在家工作一樣忙到冇時間煮午餐今日又食外賣啦屋企附近竟然有丼飯未試過就梗係要試下啦唔使20分鐘就送到嚟真係好快不過外賣盒唔保溫所以送到嚟嘅時候飯已經變成微暖大小姐嗌咗溫泉蛋牛肉丼飯溫泉蛋整得唔錯仍然有好多蛋汁半生熟效果好好牛肉分量都好多撈埋蛋汁拌飯真係好好味至於我就揀咗泡菜牛肉丼飯辣辣地嘅泡菜好開胃每一啖都包括泡菜，牛肉，飯多重滋味另一個就係照燒雞丼飯可惜賣相一般 照燒汁太稀望落去一啲都唔似照燒雞不過味道食落去其實都唔錯嘅如果佢嘅照燒汁可以再濃郁啲就更好啦總括而言 佢嘅性價比都唔差價錢幾十蚊 女士嚟講份量應該都ok如果男士就可能會唔夠飽喇 同埋如果可以改善一下外賣盒的設計用番保溫嘅飯盒咁外賣送到嚟就唔會凍左啦咁就會比較好食有興趣嘅大家下次可以試下…查看更多

雨就是不定，哇啦哇啦地降下，一看整個星期也淚雨不停，心情也沉下去，為自己打打氣，決定就去深海游一場，配合灰灰的天暗沉的心情…… 以前曾去別的意樂，感到午餐選擇不算很多點，疫後再去，留意到食物種類變多了，令人眼花繚亂。 環境都闊落，光線充足，亮掃去心底一點灰暗，可以偷閒一點。服務員細心，要辣椒仔俾辣椒仔，要水有水，要芝士粉也給芝士。👍今次選了龍蝦🦞湯海鮮意粉，以往較少留意到此配搭，多數選湯河或馬拉盞炒菜，又一新嘗試。龍蝦🦞湯海鮮意粉：不得不讚湯底……湯底厚身有層次，豐富的龍蝦🦞鮮味，令我想多喝一點。配料方面，令人有驚喜，海鮮樣樣都有，滿足貪嘴的人（真的好多配料，包括：青口🦪，蛤蜊，蝦🦐，雜菇🍄） 意粉分量不少，女生可能吃不完。柚子茶很大杯，柚子香甜👍對一向少甜的我，忘了叫少甜……只好自己調適一下。 舌尖上的滿足，帶出力氣，努力向前。。。…查看更多