意料之外

最近我、太太，阿仔去食早餐，都係街坊都食左好多年，由佢細鋪食到大鋪，但今次發生咩事。去到話你只可以坐二人檯，要bb坐大髀，張台兩個大人都少難搞，佢好意思塞叫多個BB，咁我話搞唔掂坐唔到，佢就話如果要四人檯一係你就叫三個餐，話因為係繁忙時間，不過間鋪起碼3、4張大檯係吉嘅，真係好繁忙。我去韓國食野，佢地文化都係要一人叫一樣野，都冇試過迫bb 都要叫埋一份。明白生意難做，不過你如果唔歡迎食唔到一個餐嘅小朋友，可以係門口貼出黎，不過我就以後唔會再去，非常失望。…查看更多

一家五口到餐廳食飯，還有半小時到下午茶時間。我哋被安排坐兩張相連的坐位，我們首先叫了三個餐，本身想看看能否完成再決定會否再嗌食物。但即時被通知要最低消費，需要最少一人一杯飲品，但隨即又被要求再嗌一人一個餐，原因是我們一行5人，「霸」了兩張枱，但其實我們從來沒有要求兩張枱分開坐。如果這是餐廳列明的規矩，設有最低消費，而在進餐廳前我們已經知道，我們絕對願意配合。但是那位女職員所對我們要求的全部都沒有列明。亦都不應用於所有餐廳的食客。他的解釋是沒有時間列明，而他亦沒有時間解釋比我們聽。我們要求同坐一張枱，為免如他所說，我們五人霸了兩張枱，但他卻回應這樣會阻擋他出入拒絕了我們，態度越惡劣及囂張。我們甚感無奈，欲離開，但是餐飲已到，同行的老人家及小孩亦已肚餓需要進食。那位囂張的女職員隨即呼叫了店內的另一位男店長，向我們解釋一些沒有列明餐廳的規則，突然間又跟我們解釋現在不是繁忙時間，所以不用每人嗌一個餐。我們假日一行五人有老有少，只是想快快樂樂在餐廳吃一個飯，亦都願意配合餐廳的規矩，大前提是有列明及禮貌的提示下。從來沒有想過要強霸枱及座位影響餐廳運作。我們希望能夠支持小店，亦都明白租金高不容易運作，但是次實屬一次非常之失望及不愉快的體驗。我們僅此希望那位女職員能夠學習尊重及對人基本的禮貌。我們不談是不是服務行業需要的態度，而是對人與人之間基本嘅尊重。最後我們應他們要求多嗌了一個餐，一位老人家兩位成年人兩位孩子共嗌了四個餐在不算繁忙，附近有空位的情況下，希望尚算合理。這是我們最後對小店的尊重但並不認同那女職員自以為是，沒有準則的處事方法。…查看更多

牛肉那到不得了無味又冧，湯係味精勁，拎上枱都聞到梳打粉同雪味。又無其他嘢跟。蒜茸多士就熱係得嘅。唉！食完個口成陣味精，好唔舒服。早晨流流咁重口味，見到呢個色都唔開胃真係意料之外！！！！！！！！！！！咁難食…查看更多

當時平日中午12點入到餐廳職員先通知有最低消費食物種類不多 理解繁忙時間 因此表示有客亦可讓座 可以餐廳外面等職員即話唔可以咁樣喎 你有最低消費態度惡劣最後亦叫了飲品平息 但不會再幫襯…查看更多

今日行完山，經過藍地就入咗呢間餐廳，估唔到餐牌上的價格大眾化$50左右，叫咗2個餐分別係蒜香炒意粉$50同早晨全餐$47，意粉好香蒜蓉味，個全餐都好豐富好味😋，食飽我哋都好滿足😊。小餐廳大意外，有機會要再去食😆…查看更多

本人想更正之前嘅post，之前提及同街坊講開呢位態度惡劣嘅職員，想補充番佢嘅經歷：之前提及佢哋四個人一齊入去食嘢，呢位職員叫佢哋分開兩位兩位坐，係因為本來佢哋兩位已經入座一張卡位，仲有兩位朋友行緊過嚟，當呢位職員可能見到相熟客人，竟然同呢位街坊講，你哋兩個朋友未到，所以你哋要起身，分開兩個兩個坐另外一度，要求將呢張卡位讓俾佢相熟嘅客人，所以呢位街坊先至話咁我哋唔食啦，個職員就話人哋混吉本人覺得好離譜，有一張卡位街坊另外兩個位朋友都嚟緊，你冇可能要求街坊起身分開坐，俾張枱呢位位客人。…查看更多

服務態度惡劣，食物亦非常普通，一啲都唔出色。同街坊講開，佢哋亦有其他態度惡劣嘅經歷，而我係：已調位一次，食物食到一半再被要求第二次調位唔知咩旁邊角落位，在拒絕後，之後有一位客人到，職員竟說，因為有人唔肯掉位，所以你冇位，我問呢位職員點樣唔肯掉位啊佢就話：話您咩，我話緊其他人唔肯調位。而當時呢位客人得一位，仲有其他位佢可以坐，佢絕對係冇需要咁樣講嘅，而我正正坐喺門口，佢係有心講！在第一次掉位後，我在等朋友嚟嘅時候，有三個客人入嚟話佢哋四位，呢位職員話，咁你仲有一個未到，你出去等，要等齊人先入嚟，打電話俾佢啦，我得返一張枱先到先得，而當時我完全感覺到佢係特登比說話我聽。佢舖頭亦都冇寫乜嘢過半數入座， 人哋三個已係度，嗰個行緊嚟，佢都唔俾人入！之後將呢個經歷同街坊講返，佢哋都有其他不愉快嘅經歷。佢地四個人黎食，呢位好串嘅職員，叫佢分開兩個兩個坐，我朋友就話咁我唔食啦，人哋四個人你點會叫人哋分開坐，人哋都係有權唔食走人㗎嘛，跟住佢就鬧人哋運吉， 而呢位職員講說話嘅語氣絕對唔係好的！有其他街坊都覺得嗰位職員態度惡劣，係好串嘅，可能佢不是一般職員！…查看更多

剛經過附近，入去食左一個下午茶時間的早餐。我哋4人試了5樣食物。手撕雞歐陸早餐 - 手撕雞、多士、炒蛋、沙律 全部都好啱我口味，正！南乳雞球烏冬 - 估唔到佢南乳雞球都炸得幾好食，香香的南乳味但又唔會喊，雞粒炸完又唔乾，烏冬正常發揮，喜歡公司三文治- 多士烘得香香薄薄，熱辣辣好好食鴛鴦雞翼 - 2隻炸加2隻瑞士汁雞中翼，炸的香脆，瑞士汁的好juicy , 小朋友話2款都好好味唯一海鮮扁意粉就失色了，海鮮只有蝦和峴，峴似雪藏的而且帶苦味，成碟意粉都帶苦，汁都好一般，而且唔夠熱，只係微暖… 相比起其他菜式，哩碟就唔得了…. 總括來說，食咁多野又叫埋特飲，都唔洗300蚊，簡直就係超值！我估哩間會成為我食堂哈哈😆…查看更多

位於藍地大街最入既位置，主要客源相信都係靠附近既屋苑，裝修算頗舒適光猛座位亦多，而食物款式同menu 設計，相片等都比人一種家庭式經營既感覺，價錢亦都相當平民化，除了食物款式多特飲款式亦多，似係餐廳+台式飲品店混合體既感覺手撕雞烏冬，因為都係因大路麻醬關係味道好正路，麻醬份量充足夠晒味，配雞肉亦係正路配搭，基本上都好難會整得唔好食，穩陣之選咖哩牛腩飯，帶有椰香，但咖哩汁係薄身較為"水"既感動，撈飯食時略嫌不夠惹味，牛腩亦偏韌，擺盤賣相不錯但味道一般飲品之前有一款芒果紅茶非常不錯，但最近都好似無再提供了，其他試過幾款都中規中舉，所以都係叫返凍檸茶穩陣…查看更多

意料之外@屯門 原來屯門真係收埋好多隱世街坊小食肆🤣一到中午就唔知食咩好，朋友網上揾左呢間好似幾好食既小店就去試下，店舖都幾大，座位都算坐得舒寬敞，而餐廳食物種類有好多，真係睇到樣樣都想落單試下🤣 💥 重慶麻辣手撕雞拌公仔麵 HK$50食得辣既你地可以試下呢個，好麻香好惹味麻辣醬唔會太濃太咸，拌公仔麵連雞絲青瓜絲真係好夾👍重點雞肉無雪藏味👍 👍🏻 評分 : 8/ 10 💥沙嗲牛柳絲烏冬及蒜蓉牛油多士 HK$56沙嗲湯好食，沙嗲味道剛剛好，好滑好香配上烏冬，掛湯無得頂👍牛柳絲份量都幾多而且好滑，另有小小芽菜及豆卜配料，唔會咁寡👍 👍🏻 評分 : 8/ 10 💥 阿華田西多 HK$32（下午茶）朋友仔係阿華田愛好者🤣所以呢個係必點之一西多整個都炸得好均勻，面舖上柯華田粉，而入面亦夾了阿華田朱古力醬，好食👍👍🏻 評分 : 7/ 10 🥤柚香檸檬紅茶 （小特飲+$8）🥤椰香紅豆冰     （小特飲+$8）🥤蜂窩百香果綠茶（小特飲+$8）意料之外@屯門📍屯門藍地福亨村路8號豫豐花園地下Q號舖 …查看更多

幾年前試過一次就愛上，最近睇到有Youtuber介紹，見啲野食同自己幾年前食嘅有啲相似，就上Openrice搵一搵，原來真係自己幾年前食個間，只係佢搬左鋪，於是就決定黎新鋪參觀下，新鋪比以前大左好幾倍可能位置太偏嘅關係，即使係星期五晚，係餐廳食野嘅人都唔算多，但都不時會見到有人入黎攞外賣🍴二撇雞飯(黑椒雞扒+南乳雞球)($42)唔太鍾意食黑椒嘅人都可以試下，佢嘅黑椒味唔會好出；至於南乳雞球，可能係本人唔太鍾意南乳嘅關係，所以覺得唔好味，但如果鍾意南乳嘅人可以試下，因為南乳味係重嘅🍴鴛鴦雞翼飯(脆炸/豉油)($42)如果佢有個脆炸雞翼飯就好啦，因為個豉油雞翼好咸，咸到我會擔心自己食完會有腎病，反而個脆炸雞翼就岩岩好，唔會太咸兩個飯嘅汁都太多了，又豉油又蔥油，豉油分量又多，啲餸本身又有味，例如黑椒、南乳，再加豉油蔥油，就真係太多味道了。再加上啲飯咁淋，加咁多汁，係淋上加淋。我食嘅係鴛鴦雞翼飯，由於雞翼飯得個咸字，所以我就試下加佢地嘅辣油，唔加油，只落渣，即刻變得好好味，多左香辣味。值得一讚嘅係溫度，飯黎到嘅時候，連隻碟都係熱，因為我覺得野食夠熱先好味，所以我好介意野食黎到嘅溫度，而意料之外係滿足到我呢方面嘅要求。但今次真係有啲失望，以前好好味架，最欣賞係飯夠硬，同埋以前有好多選擇架，唔知係咪一向晚餐都咁少野揀呢。但都唔會再有下次了。 …查看更多

#搞串個pantry今日就嚟到大西北#屯門 🧭搵食，呢間街坊小店好唔就腳🧗，唔近西鐵站。係輕鐵藍地站行過去都要大約10分鐘⏱️。每次嚟到呢間小店都只會叫同一個飯，就係二撇雞飯($50)，入面會有一塊黑椒雞扒🐓，同埋一堆南乳雞球！雞扒、雞球都非常嫩滑，一啲都唔老，黑椒🌶️同埋南乳嘅味道醃得剛剛好，唔會太咸，用嚟送飯一流。而飯都煮得啱啱好😝，最正係飯上面淋咗一啲葱油，令個飯香咗好多🍛！！！如果大家有機會嚟到咁遠嘅地方，又唔知食乜好，不妨嚟呢度食嘢！！細食嘅朋友，可以嗌少飯😉☺️…查看更多

過去三週都來這店用餐，一直都想給它寫食評。在藍地這個帶點寧靜小村氣氛的地方，總有一兩間令人感到驚喜的食肆。意料之外就是其中一家。它的特色不只是禮拜日休息，還有它製作的食品。如果定意這店是茶餐廳、冰室，它的出品又似乎在這個範疇裡多一分你意料之外的想像，收費也屬乎合理。就一次過重記過去三次點選了的食品。另外，它只收現金，…查看更多

聽朋友說 這家小店食物高質。襯下雨天沒地方去。就安排在這裡午餐🥣。湯烏冬🍜一向是我的最愛❤️，當然要試一下。烏冬質地可以，中上水準。但值得一讚的，竟然是 🐔雞排：入味，juicy ，重點是 皮脆不油膩。推薦😀奶茶☕️有茶餐廳水準，茶味夠又很滑。怪不得逆市中都可以小舖搬大鋪。加油⛽️…查看更多

今日和朋友跑步後打算一齊搵地方聚聚，好好用餐休息一下，住藍地大街的朋友強烈推介，今日試食朋友推介的歐陸早餐，內容有半熟蛋、沙律菜、雞肉、蒜蓉多士，低碳好味，性價比非常高、環境舒適地方寬敞的一間街坊餐廳，值得推介。…查看更多