影片
同事推荐, 话说有间酒店餐厅座落于湾仔区午餐好好食价钱亦对得起食物质数, 所以今日一行十一个去试一试. .... 环境开阳, 地方整洁, 服务又贴心. 经理话今日系全新餐单. 如果觉得好食又满意的话可以去fb 比个like.. 之后有九折及送小食. 我哋每人一个set ,有餐汤有蒜蓉包, 我今日点左个10oz 安格斯牛扒.... 哗真系好好味. 第一冇soda粉, 原汁原味, 只有基本salt n pepper , 再跟个烟肉芝士汁炸薯条.... 原美. 我喜欢尼道... 一定再黎过
继续阅读
终于收工, 公司附近有间叫意廊的餐,平时间唔使都去尼道食午饭, 今次系第一次去食晚餐. 首先讲吓环境........Em ..... 冇装修..... 环境卫生 但系有服务 呢度个经理我由午餐到晚餐成日都见到佢, 今次终于畀佢劝服我成功过嚟食一食过晚餐 今日分别嗌咗两个主菜一个系香煎银鳕鱼另一个系烧羊鞍...... 味道出乎意料嘅好, 相信呢度呢厨房嘅同事都应该系受到一定专业嘅训练点伴碟摆位都好精致. 值得鼓励.. 味道方面 个羊肉好嫩口爱皮烧到好香脆 至于银雪鱼都好似一般嘅鱼咁样啦但系都好好味嘅. 整体嚟讲服务质素, 价性比我系畀五粒星佢哋嘅... 但系就有少少都要负评下嘅佢哋嘅散叫餐单里面太少食物选择啦pizza或者意粉𠮶啲太少啦数量. 变相我入到嚟我都会食套餐因为套餐里面一个价钱包晒所有嘅嘢汤沙律主菜同甜品及餐饮.
继续阅读
悠闲嘅时间又要揾Tea食啦 ! 经过庄士敦道见到有间食意大利菜嘅餐厅，谂起好耐都冇食过意粉就入去试下🍝内里环境都唔错，卡位有落地玻璃窗，可惜当日太阳☀️直晒...所以冇选择窗口位坐😎点菜 ✍🏻。。。好肚饿点多款小食🤤Set 1+2+3 黑椒蜜糖鸡翼+意大利肉酱意粉🍝+杂果宾治🍸先嚟饮品...没有杂果嘅宾治，饮落去唔够味肉酱意粉味道可以，但意粉唔够淋身偏硬一点黑椒蜜糖鸡翼 - 皮脆惹味，可以做𩠌食埋我碟意粉😝😝
继续阅读
整日反工经过，都系匆匆而过。今日特登与朋友仔下午茶时间过黎试下先。间铺仔细望落其实唔算大，但因为周围都系镜。所以视觉效果下都感觉唔细。而且有两边都有落地窗。光线都好好。西餐固定摆盘。下午茶menu.有粉面、薄饼、三文治与窝夫……价钱都唔算贵。店家仲好贴心咁有埋免费2小时WiFi服务朋友仔叫左一个肉酱意粉，我Order左一个烟肉忌廉汁阔条面。虽然我地叫既系茶餐，但个份量好似午市咁。两碟面食味道与卖相都ok.唯一问题就系面煮得唔够淋，所以偏硬。小食:黑椒蜜糖鸡翼。无咩黑椒味。但有少少辣椒粉。面头个蜜糖烤得香脆，唔会太干身，侧边仲有薯仔沙律。整体ok.饮品:杂果宾治。可能得橙汁与西柚，酸酸甜甜。
继续阅读
话说今日铺头得翻3个人一齐食lunch，谂到头痕唔知食咩噶时候，就醒起有间叫意廊的物体出面见到都OK下，就入去食个午餐+下午茶从几款之中大家一致认为“香烤肉眼牛扒”应该都唔会点样伏，笔者最后就选择左7成熟配炒饭，饮餐汤:忌廉粟米汤，还有饭后饮品:橙汁餐汤嘛，个人就觉得味道唔够，然后汤好似加左薯仔蓉，反正我就唔多识欣赏，个包就算了吧。终于到主菜，就甘睇落去都可以，牛扒煎得几靓仔，饭食落口都好食，但是就分量少得有点夸张，还有个唔知咩名的咸汁。ps:肉切开食之前唔记得左影相，不过就肯定唔是7成，肉中心还是几红当当，但是就是无咩肉汁。成个餐最好食就是个炒饭，只是唔饱肚甘解。其实以呢个价钱，可以有更多其他好的选择。PS:由于手机本身问题，相片有水印，所以未能提供
继续阅读