影片
这一顿饭带比我最深刻嘅感觉系「好有惊喜」！店里装修不扬，甚至乎可以话系无装修但系D出品真系得！好味道！有诚意！仲好有个性！我地一行4人，大家都好满意、好满足诚意推介第一道菜式：意大利香草包外脆内软，再点少少油醋，好好味第二道菜式：香辣蒜片白酒青口吃得出的鲜味、惹味第三道菜：西班牙红虾呢个系menu无既，之前系网上见过有人食所以试下～好鲜味，只味仲好特别添！虽然贵D，但真系好食嘅第四道菜：3色芝士Pizza芝士味香浓，赞！！！第五道菜：蟹膏蟹肉意粉本身好钟意食蟹膏，呢个真系好足料、蟹膏味浓郁，好第六道菜式：牛扒厨师建议三成熟，紧系信个厨师啦！呢个又系好味，有牛味、又滑又淋，点解我煎极都煎唔到咁好食连d配菜都好好味本来想食个甜品做结尾，点知沽清老板话因为自家制，又避免存放太耐唔新鲜，所以日日制造少量，卖哂就算下次一定要打电话预订先
继续阅读
住开元朗，一向都钟意周围试新嘢，揾好嘢食，但咁耐都冇写过食评，今次真系处女作。原因好简单，因为真系要奉劝各位巴丝打，呢间意大利佬千祈唔好去！门面：舖头细细，廿几个位。小弟星期日夜晚八点去，正常食肆理应总会有人食紧嘢。但当日小弟开门见到成间舖系无人，连waiter都无。系我拉开道门，先有位waitress由厨房行出嚟摆底两杯水。服务：可能我对间嘢有啲期望，正常新开舖，都以为会有人介绍吓有冇咩厨师推介。仲要间舖无人都唔主动介绍吓，企到老远玩电话。要大嗌先听到我讲嘢。我见佢Menu有写生蚝就问waitress有咩蚝，佢竟然答唔知，之后就跑入厨房问，问完都净系知个名，问佢有咩特点但又讲唔出。唉食物：一个字「差！」- 巴拿马火腿橄榄油沙津：我谂应该叫油浸巴拿马火腿沙律。沙律菜变晒油菜，油无橄榄香，块ham无ham味，得个咸字。- 烤带子：上碟有烟，但竟然咬落唔热，仲出奇系喺带子肉入面有壳，点食！- 烤鹌鹑脾：唯一食得落口，都几香口，但肉太韧- 亚拉斯加长脚蟹配黑松露忌廉汁意大利面：差！个汁溶到好似稀水咁，完全无黏性，无质感；长脚蟹唔热；个意大利面直情错晒！个面煮到老晒，夹硬食咗啖，之后无完无晒胃口！只可以讲「未满师就扮孙悟空」，完全系唔识煮嘢食！以上盛惠521蚊，我以都唔会再去！或者有人会话我专登唱衰，但唔紧要，我一样会照良心讲。因为元朗好难揾到呢啲咁难食嘅店，完全系元朗之光，诚意推荐俾大家，唔好去。
继续阅读
之前睇到哩间Italiano系网上大受好评, 于是乎男朋友既Risotto瘾又上来, 就打算即刻去试下。前一日去到发现店入面数埋唔够10张细台既位置, 话无位, 唯有今日再打电话去预约, 先顺利入座。本真谂住咁细既铺头, 我就细细声同佢地讲野, 但系唔知点解, 老板娘明明就企系你隔离1米唔到既位置, 佢都劲大声覆你说话? 老板就每逢攞食物出黎既时候, 都系大大声咁喝住同客人讲野? 见其他食评话老板多年在欧洲学厨, 可能中意义大利餐厅𠮶种吵杂温馨既感觉。但你地间铺头其实真心好细, 又无放音乐, 你地每次一讲野, 都会吓亲我地。------------------------------讲返今日既order, 前菜叫咗Crab cake, 无影相, 因为卖相麻麻, 不过几香口。只系我印象中的crab cake都系炸的, 佢地既就系煎既, 可以见到整块都系原蟹肉( 系鲜美既 ), 加洋葱 。其实我建议老板可以考虑将它改名叫日式煎蟹饼, 以免客人混淆。------------------------------先介绍处女座男朋友既主菜:带子黑松露意大利饭比起其他意大利饭, 哩个系难以置信地结身, 好似反转个碟啲饭都唔会跌出黎咁。 米粒未熟, 中间心硬, 一啖落去即刻痴牙, 本身我觉得米唔熟唔紧要, 但系带子起码应该处理好? 结果带子虽然色水唔错, 但只有表面并不够, 中间可见带子其实未够熟。虽说带子过长时间烹饪会导致变橡胶, 但未煮熟都不是道理吧?------------------------------最后是我order的芝士帕玛尔火腿阔意粉 (一眼望落去系咪好似早餐Omelette & Ham?)我谂芝士应该系PARMIGIANO-REGGIANO, 成碟份量并不多, 如你所见, 少少阔条面, 本身已经有多到漏出来既香草奶油酱, Parma Ham又好大手笔咁俾咗6块, 再加上超级多本身后劲有苦味既PARMIGIANO-REGGIANO, 仲要再加过份多既rosemary碎, 结果成碟野就系咸咸咸咸咸咸到苦苦苦苦苦😵😵😵😵我食咗两啖已经唔想食, 食得好辛苦, 太浓味所以好容易滞。但系处女座男朋友为咗唔浪费, 忍住食完个松露饭已经滞到呕既感觉, 都帮我食埋佢食到最后, 仲发现一旧不明物体, 咬一咬先知系未溶既芝士, 外面仲系包住一层cream汁......你见到都觉得滞啦....何况我地------------------------------其实都有睇到对上有评价话个意粉芝士味唔够, 但系其实我哩个料咁多, 味蕾已经好享受, 多芝士并唔会帮助到佢提升到另一𠮶层次。唉。可能其他肉类食物会更好, 不过我已经唔想再去。 好失望。我唔知老板同老板娘会唔会睇openrice, 虽然价钱的确并唔高, 但老老实实, 我同男朋友都系外国大, 可能要求会高啲, 所以并去唔到网上话''highly recommened''或者''好好味''之类既评价。另外如果下次想咁大声讲野, 记得或者开门, 或者开音乐, 系咁细个空间度咁热情, 你地啲声到依家仲系我脑度回响紧.....😓
继续阅读
夫妻作坊，老板在欧洲学厨几年。地方有限，所以一定要提前BOOK枱或者20:30后先去。装修也一般，但食物出品真的好好！全部由老板一脚踢，出菜可能要等一等。推荐黑毛猪扒，老板特别吩咐只碟系干噶，但切开肉扒后只碟真系湿晒！牛扒三成熟都冇血水。会继续光顾！
继续阅读
终于试左！昨晚同太太庆生，约9:00入坐，全场只有我地一台食🤔可能太夜😂呢度地方细细，环境都算唔错，如果有多d食客应该几好气氛叫左3样野食～3式芝士薄饼 - 超好味，饼底好似系梳打饼，芝士味好重，味道咸咸地好惹味芝士香草Parma ham意粉 - 较失望，芝士味唔够，无想像中好食，香草太多，但Parma ham好正👍🏼主菜：13安牛扒，厨师推介3成熟，果然无失望😍外面香脆，入面粉红，肉汁多够淋唔un无血水！好彩贵一贵都试左😂！
继续阅读