影片
港铁观塘站 B1 出口, 步行约7分钟
继续阅读
开饭介绍
只做外卖的川菜店，川菜辛口惹味，推介招牌口水鸡米线。
继续阅读
附加资料
只限外卖
营业时间
星期一至五
10:00 - 18:30
星期六至日
全日休息
以上资料只供参考，请与餐厅确认详情
招牌菜
相关文章
今日行过经过见到$37咁平 谂都唔谂就试左个口水鸡饭 $37黎讲真系算有质 肉质唔差 个口水汁好好味😋捞饭食一流老板好nice 有求必应人情味重既铺头宜家真系好小系附近返工既朋友仔可以一试会返转头帮衬既铺
继续阅读
今日叫外卖 分别叫左一个口水鸡米线同埋酸菜鱼配饭剩系得个白饭好食其他都好失望咩都唔洗讲个米线生到脆口 离晒大谱未煮熟就出街 有点儿过份钟意食脆口野可以帮衬个酸菜鱼 仲衰 唔酸 死咸好大味精味 唔推介试个鸡勉强可以试下...但一食就知雪鸡扒唔惹味 食完流唔到口水....So sad
继续阅读
Home Office一段时间, 好挂住惹味川的鸡丝肠粉; 趁住Happy Friday黎个Happy Lunch, 人都醒D; 去到舖头发现员工和大厨都唔同左, 心谂会唔会中伏呢, 即刻望望个招牌, 依, 一样㖞, 咁都放心左D. 咁我继续落单叫我的鸡丝肠粉走辣, 由于店是open kitchen我就见到今次制作的工序与之前的有所不同, 心谂应该唔争大远啫. 返回公司, 打开饭盒, 哗….鸡丝极小, D肠粉实的的, D醋同麻酱酱汁好似稀释左水咁; 食落口, 鸡丝跟以前无分别, 但个肠粉就好似塑胶咁唔系软架, 连D酱汁都淡而无味; 所以, 从今之后我想我不会再去了…….失望!
继续阅读
今日行过中海日升中心，红茶、谭仔附近，见到佢peak hour大排长龙。唯有睇下附近有咩好食。系谭仔果层的转角位，揾到呢间美味川。本来都钟意食川菜，口水鸡、酸辣粉都系我最爱。见老板娘落力推，谂唔到食咩好嘅情况下，决定试一试佢。落单嘅时候，见到师傅做紧另一张单，佢起势放饭落个兜度，即时同老板娘讲要少饭，结果系岩岩好食完。自问自己已经系几大食，但系都系去到少饭嘅程度。再讲就系个鸡。老实讲，一打开个盖嘅时候，见到唔系红色、油油地嘅，都觉得几新奇，竟然有呢种口水鸡。食完至少唔会口渴，鸡肉超级嫩滑，好回味！呢个饭都系37蚊埋单，观塘附近大多都食紧50-65蚊，虽然野饮变左纸包饮品，但都依然系抵食之选！一定再翻去食！
继续阅读
惹味川系我喺观塘返工咁耐，午餐帮衬得最多最多嘅， 因为真系真系冇得输啊！ 自从发现咗呢间惹味川后， 就好似发现咗宝藏咁， 一来价钱真系好平好平，而家35蚊既午餐真系 买少见少，二来份量仲要好多，三来味道仲要好味，食物质素绝对唔错，仲有野饮送，真系去边度可以揾到啊。你冇睇错， 亦都唔系相片拉近嘅效果， 而系份量真系好多好多， 35蚊嘅价钱， 分量竟然系一大碟鸡，真系一大碟， 每次食都起码有十几嚿， 重点系！ 仲要系无骨架！ 好重要所以讲多次， 系一大碟冇骨嘅口水鸡！而且啲鸡肉好嫩滑，真系好好食， 饭量亦都非常充足， 我觉得应该唔止一碗饭， 但我就唔记得咗影， 总之每次食完都系超饱超饱， 好多时仲会食唔晒分畀同事食。我系一个好钟意食川菜嘅人， 特别好钟意食口水鸡， 所以发现呢间宝藏之后就不停帮衬， 佢除咗冇骨而且鸡肉好食之外， 个口水鸡酱汁仲要非常非常入味， 个人觉得都几够辣够麻， 因为喺出面食咗好多贵嘅口水鸡 都系又有骨有冇咩肉，而且唔够麻辣， 美中不足系佢嘅口水鸡唔系冻嘅， 我始终觉得口水鸡都系要冻食先好食 。其实除咗口水鸡， 佢仲有好多其他款式， 之前同事有试过花胶、酸菜鱼、红烧肉，全部都系好评，都系份量多而且份量好够， 自从向同事推介咗惹味川后， 大家食得最多嘅就系佢， 可惜而家已经冇系观塘返工，无得成日食， 但真心真心觉得好值得推介，所以大推比大家。PS 佢只系做外卖生意， 如果大家惊等太耐可以whatsapp落定单。 佢嘅位置比较隐蔽， 大家上完电梯见到谭仔后， 再向前行会见到间韩式炸鸡店， 再转入去最角落就系佢喇。PS2 佢会奉送一包纸包饮品， 印像中好似维他奶要另外加钱， 其他菊花茶柠檬茶都唔使加钱，免费送的。
继续阅读